Արմինֆո. ՀՀ առաջին փոխվարչապետի պաշտոնակատար Արարատ Միրզոյանի մասնակցությամբ դեկտեմբերի 18-ին տեղի է ունեցել Հայաստանում ընտրական աջակցության ծրագրի ղեկավար կոմիտեի հերթական նիստը։
ՀՀ Կենտրոնական ընտրական հանձնաժողովի նախագահ Տիգրան Մուկուչյանը ղեկավար կոմիտեի մյուս անդամներին ներկայացրել է ամփոփ տեղեկատվություն քվեարկության օրվա և դրան հաջորդող որոշ զարգացումների վերաբերյալ։
Մասնավորապես պարոն Մուկուչյանը ներկայացրել է, որ չնայած ընտրական համակարգի բարդությանը՝ դեկտեմբերի 9-ի արտահերթ խորհրդարանական ընտրությունների արդյունքում արձանագրվել է ընդամենը 4700 անվավեր քվեաթերթիկ, նախորդ՝ 2017 թվականի խորհրդարանական ընտրությունների 7500-ի համեմատ։ Ըստ ԿԸՀ նախագահի՝ ընտրատեղամասերում տեղադրվել են 4000 ընտրողների նույնականացման սարքեր, որոնցից քվեարկության օրը փոխարինվել է 16 սարք և արդյունքում սարքերի աշխատանքի վերաբերյալ չի գրանցվել որևէ խնդիր։ Բացի այդ, քվեարկության օրվան նախորդող օրվանից սկսած ամբողջ հանրապետությունում գործարկվել են 1501 տեսախցիկներ և քվեարկության օրն ապահովվել է համաժամանակյա հեռարձակում։ Ըստ այդմ, չի գրանցվել որևէ դիմում, բողոք տեխնիկական սարքերի, տեսախցիկների, ուղիղ հեռարձակման խափանումների վերաբերյալ։ Հանրապետության տարածքում տեղադրվել է 84 տեղեկատվական վահանակ, մշակվել և տարածվել է 2 ռադիոգովազդ, քվեարկության օրն առաջին անգամ ընտրող քաղաքացիներին բաժանվել է 80․000 կրծքանշան։
Ծրագրի ղեկավար կոմիտեն արձանագրել է, որ այս և ներկայացված որոշ այլ թվեր ապացուցում են, որ ծրագրի շրջանակներում իրականացված տեղեկատվական արշավները և տեխնիկական աշխատանքների կազմակերպումը եղել է արդյունավետ և ծառայել ծրագրի դրած նպատակներին։
Դիվանագիտական ներկայացուցչությունների ղեկավարները, հղում կատարելով նաև միջազգային դիտորդական առաքելությունների նախնական զեկույցներին, փաստել են, որ ընտրությունների նկատմամբ հանրային վստահության մակարդակն աննախադեպ բարձր է եղել Հայաստանում երբևէ իրականացված համապետական ընտրությունների համեմատությամբ։
ՄԱԿ համակարգող Շոմբի Շարփը, մեջբերելով նաև քվեարկության օրվա իր անձնական փորձառությունը, շնորհավորել է Հայաստանի կառավարությանն ու հայ ժողովրդին իրապես ազատ, արդար և թափանցիկ ընտրությունների կազմակերպման առիթով։
Ղեկավար կոմիտեի անդամ դեսպանների ու դիվանագիտական ներկայացուցիչների հարցերին ի պատասխան՝ ԿԸՀ նախագահը որոշ մանրամասներ ներկայացրեց հետընտրական գործընթացների գործնական հարցերի և օրենսդրական կարգավորումների վերաբերյալ։ Ամփոփելով քվեարկության նախորդող և քվեարկության օրը ստացված դիմումների վերաբերյալ տեղեկատվությունը՝ պարոն Մուկուչյանը տեղեկացրել է, որ այս պահի դրությամբ ԿԸՀ-ն չի ստացել որևէ քաղաքական կուսակցությունից կամ որևէ թեկնածուից բողոք, ինչպես նաև չի ստացվել ընտրությունների ամբողջական վերահաշվարկի որևէ դիմում։
Առաջին փոխվարչապետի պաշտոնակատարը շեշտել է, որ դեկտեմբերի 9-ի արտահերթ խորհրդարանական ընտրությունները երկրի պատմության մեջ աննախադեպ էին միջազգային ամենաբարձր չափանիշներին իրենց համապատասխանությամբ, իրենց ազատությամբ, արդարությամբ, թափանցիկությամբ և իհարկե, հանրային վստահության աստիճանով։ Ամփոփելով՝ Արարատ Միրզոյանը ևս մեկ անգամ շնորհակալություն է հայտնել բոլոր միջազգային գործընկերներին և ընտրությունների կազմակերպման գործում ներգրավված անձանց արտակարգ ռեժիմով աշխատելու, պրոֆեսիոնալիզմի և արդյունավետության համար։
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
