ԱրմԻնֆո. Ադրբեջանական գերության մեջ գտնվող Արցախի նախկին արտգործնախարար Դավիթ Բաբայանը դիմել է բոլոր իրավապաշտպաններին և բարի կամքի տեր մարդկանց։ Աուդիո հաղորդագրությունը NEWS.am-ին փոխանցել է Դավիթ Բաբայանի ընտանիքը։

ԱրմԻնֆո: Ռուբեն Վարդանյանի կինը սպասում է ՀՀ արտաքին գործերի նախարարության (ԱԳՆ) պաշտոնյաների հետ կապի՝ կանանց մարդասիրական այցը Բաքու կազմակերպելու համար: Նա այս մասին գրել է Ռուբեն Վարդանյանի պաշտոնական Ֆեյսբուքյան էջում:

Արմինֆո. Ամերիկայի «Հայ Դատի» հանձնախումբը  դատապարտել է Բաքվի նկատմամբ պատժամիջոցներ հաստատող որոշումը շրջանցելու Թրամփի վարչակազմի ազդակը, որը ճամփա պիտի հարթի Բաքվին ամերիկյան օժանդակությունը շարունակելու համար: Այդ մասին հաղորդում  ՀՅԴ մամուլի ծառայությունը։

Արմինֆո. Արցախի ռազմաքաղաքական ղեկավարության և մյուս հայ գերիների նկատմամբ կայացված դատավճիռները քաղաքական հաշվեհարդարի գործիք են: Այդ մասին Facebook-ի իր էջում հայտարարել է Արցախի պետնախարար Նժդեհ Իսկանդարյանը՝ այն բանից հետո, երբ Բաքվի Վերաքննիչ դատարանն անփոփոխ է թողել հայ ռազմագերիների նկատմամբ դատավճիռները՝ նրանց բողոքների քննությունից հետո:

Արմինֆո.  Արցախի ռազմաքաղաքական ղեկավարությունն արժանի հակահարված է տվել այն կեղծ պնդումներին, որոնք վերաբերել են Արցախի ժողովրդի անցյալին ու ներկային, ինչպես նաև պատվի հարցերին: Նման հերթական ուղերձ է հղել Բաքվի բանտից Արցախի խորհրդարանի նախկին խոսնակ Դավիթ Իշխանյանը, նշելով, որ իրենց նկատմամբ դատաքննության հերթական փուլը կարելի է ավարտված համարել։

Արմինֆո.«Արցախ» միությունը ողջունում է Կորսիկայի վեհաժողովի կողմից հուլիսի 30-31-ի արտահերթ նստաշրջանում ընդունված բանաձևը, որով Կորսիկան իր աջակցությունն է հայտնում Արցախի ժողովրդին և պահանջում ազատ արձակել Ադրբեջանում պահվող հայ քաղաքական բանտարկյալներին։

Արմինֆո. ԱՄՆ - ում գործող Ցեղասպանության կանխարգելման Լեմկինի ինստիտուտը ողջունում և աջակցում է Ռուբեն Վարդանյանի տիկնոջ՝ Վերոնիկա Զոնաբենդի նախաձեռնությանը՝ կազմակերպել կանանց միջազգային մարդասիրական պատվիրակության այց Բաքու՝ հայ պատանդների հետ հանդիպելու համար: 

ԱրմԻնֆո. Ամերիկացի գրող Նասիմ Նիկոլաս Թալեբը, «Սև կարապ» միջազգային բեսթսելլերի հեղինակը, մերժել է Ադրբեջանում դասախոսություն կարդալու հրավերը: Թալեբը նշել է, որ չի ցանկանում մեկնել այն երկիր, որտեղ գերի է պահվում հայտնի բարերար, մտավորական և Արցախի նախկին պետնախարար Ռուբեն Վարդանյանը:

Արմինֆո. Արցախի աջակցման ասոցիացիան (ACA) խորին երախտագիտությամբ ողջունում է հուլիսի 31-ին Կորսիկայի վեհաժողովում կայացած քվեարկությունը բանաձևի շուրջ, որը պահանջում է անհապաղ ազատ արձակել Ադրբեջանում պահվող արցախցի 19 հայ քաղբանտարկյալներին և հաստատում է արցախահայության անվտանգ, արժանապատիվ և անարգել վերադարձի իրավունքը ՝ Միջազգային դատարանի կողմից սահմանված ժամանակավոր միջոցներին համապատասխան: Այդ մասին ասվում է ACA-ի հայտարարությունում: Ասոցիացիան հիշեցրել է Բաքվում պահվող Արցախի նախկին նախագահներ Արայիկ Հարությունյանի, Բակո Սահակյանի և Արկադի Ղուկասյանի, խորհրդարանի նախագահ Դավիթ Իշխանյանի, նախկին պետնախարար Ռուբեն Վարդանյանի, գեներալ Լևոն Մնացականյանի, Դավիթ Մանուկյանի, Դավիթ Բաբայանի և ևս 11 հայերի մասին: Կորսիկայի ասամբլեան նրանց դեմ դատավարությունները որակել է կամայական։

Արմինֆո. Արցախի նախկին պետնախարար Ռուբեն Վարդանյանի կինը՝ Վերոնիկա Զոնաբենդը, կրկին դիմել է Ադրբեջանի օմբուդսմենին և ՀՀ վարչապետին, կոչ անելով աջակցել կանանց մարդասիրական առաքելության կազմակերպմանը՝ ադրբեջանական բանտերում պահվող հայ ռազմագերիներին այցելելու համար:

Արմինֆո.Եվրոպական խորհրդարանի պատգամավոր Մարինա Մեզյուրը գրավոր հարցում է ուղարկել Եվրոպական հանձնաժողով ՝ պահանջելով ապահովել բռնի տեղահանված հայերի՝ անվտանգ և անարգել Արցախ վերադառնալու իրավունքի իրացումը ՝ հիմք ընդունելով ՄԱԿ Արդարադատության միջազգային դատարանի 2023 թվականի նոյեմբերի 17-ի որոշումը, որը ենթակա է պարտադիր կատարման ։

ԱրմԻնֆո. Երկրորդ նախագահ Ռոբերտ Քոչարյանը ներկայացնող «Հայաստան» դաշինքը հայտարարություն է տարածել, որում խիստ քննադատել է դատարանի կողմից Ազգային ժողովի անդամ Արթուր Սարգսյանի նկատմամբ խափանման միջոցները անփոփոխ թողնելու որոշումը: Դաշինքի հայտարարության մեջ նշվում է, որ հուլիսի 30-ին դատարանը կրկին մերժել է պաշտպանների միջնորդությունը՝ վերացնելու Ազգային ժողովի 8-րդ և 9-րդ գումարումների պատգամավոր Արթուր Սարգսյանի նկատմամբ տնային կալանքի տեսքով խափանման միջոցը։

Արմինֆո. Արդեն 5,5 տարի Բաքվում պահվող հայ ռազմագերի Լյուդվիգ Մկրտչյանի փաստաբանը հրապարակայնորեն դիմել է Ադրբեջանի նախագահ Իլհամ Ալիևին ՝ պահանջելով ապահովել նրա կապը իր տիկնոջ հետ: 

Արմինֆո. Մարդու իրավունքների եվրոպական դատարան (ՄԻԵԴ) բողոք է ներկայացվել Լեռնային Ղարաբաղի նախկին պետնախարար և բարերար Ռուբեն Վարդանյանի գործի վերաբերյալ, ով Ադրբեջանում դատապարտվել է 20 տարվա ազատազրկման: Այս մասին ասվում է Միջազգային և համեմատական իրավունքի կենտրոնի նախագահ և ՄԻԵԴ-ում հայ բանտարկյալներին ներկայացնող փաստաբան Սիրանուշ Սահակյանի հայտարարության մեջ: Նրա հայտարարությունը հրապարակվել է Վարդանյանի պաշտոնական սոցիալական ցանցերի էջերում: Սահակյանը հայտնել է, որ Ադրբեջանի Ումբակիի քրեակատարողական համալիրում պահվող Հայաստանի Հանրապետության քաղաքացի Ռուբեն Վարդանյանի գործի վերաբերյալ բողոքը ՄԻԵԴ է ներկայացվել 2026 թվականի հուլիսի 19-ին:

Արմինֆո.  Ադրբեջանական գերության մեջ պահվող գեներալ Դավիթ Մանուկյանը հանդես է եկել հայտարարությամբ, նշելով, որ դատական գործընթացն ուղղված է ոչ միայն Բաքվում պահվող 15 անձանց, այլ հայ ժողովրդի անցյալի ու ներկայի դեմ:

ԱրմԻնֆո. Անհետ կորած զինծառայողների հարազատները բողոքի ակցիա են անցկացրել ՀՀ կառավարության շենքի դիմաց: Նրանք հայտարարել են, որ ՀՀ իշխանություններին տալիս են ուղիղ մեկ շաբաթ՝ իրենց սիրելիների մասին գոնե որոշ տեղեկություններ ստանալու համար: Եթե նրանք լռեն, ապա ինքնուրույն գործողություններ կձեռնարկեն, կփնտրեն այլ հաղորդակցության ուղիներ՝ հարցը առաջ մղելու համար, և նույնիսկ կգնան մինչև Հակարի կամուրջ:

Արմինֆո. Եվրոպական միությունը բավականաչափ ճնշում չի գործադրում Ադրբեջանի նկատմամբ՝ հայ գերիներին ազատ արձակելու համար։ Այդ մասին Բրյուսելում հայտարարել է Արցախի Ազգային ժողովի նախկին նախագահ Դավիթ Իշխանյանի որդին՝ Արմեն Իշխանյանը՝ "Հայ քաղաքական բանտարկյալներն Ադրբեջանում և ԵՄ մասնակցության անհրաժեշտությունը" խորագրով խորհրդաժողովում: 

Արմինֆո. Բրյուսելում ընթանում է "Հայ քաղաքական բանտարկյալներն Ադրբեջանում և ԵՄ մասնակցության անհրաժեշտությունը" խորագրով խորհրդաժողով: Այդ մասին հաղորդում է ՀՅԴ Հայ դատի Եվրոպայի գրասենյակը (EAFJD)։ 

Արմինֆո. 2020 թվականից ադրբեջանական գերության մեջ պահվող հայ ռազմագերի Լյուդվիգ Մկրտչյանը պայքարում է կյանքի համար՝ առողջական վիճակի վատթարացման ֆոնին: Այս մասին Facebook-ի իր էջում ահազանգում է արգենտինահայ փաստաբան, SOAR կազմակերպության Բուենոս Այրեսի մասնաճյուղի ղեկավար Լուսիանա Մինասյանը:

Արմինֆո. Բաքվի բանտում պահվող Արցախի խորհրդարանի նախկին խոսնակ Դավիթ Իշխանյանը հերթական ուղերձն է հղել, հանրության ուշադրությունը հրավիրելով այն հանգամանքի վրա, որ իր փաստաբաններին դեռևս չեն փոխանցել ոչ մեղադրական ակտը, ոչ եզրակացությունը, ոչ դատավճիռը: