Այսօր մեկնարկել է Orange Հիմնադրամի և Հայկական ակնաբուժության նախագծի (ՀԱՆ) նոր համատեղ ծրագիրը՝ ՙՈւղարկիր սելֆի և օգնիր մեկ երեխայի պայքարել կուրության դեմ՚ առցանց արշավը:
Արշավն իրականացվում է Տեսողության համաշխարհային օրվա շրջանակներում և նպատակ ունի հայտնաբերել երեխաների տեսողության խնդիրներն ու կանխարգելել կուրությունը՝ աչքի հետազոտությունների իրականացման և ակնոցների տրամադրման միջոցով: Սեպտեմբերի 30-ից մինչև հոկտեմբերի 9-ը Orange-ի ֆեյսբուքյան էջին ուղարկված և այնտեղ հրապարակված յուրաքանչյուր ինքնանկարի դիմաց անվճար մեկ ակնոց կտրամադրվի Արմավիրի մարզի՝ տեսողության խնդիրներ ունեցող մեկ երեխայի: ՀԱՆ-ի ակնաբուժական խմբերը կիրականացնեն աչքի հետազոտություններ, որից հետո կայքում տեղադրված սելֆիների հաշվով կպատրաստվեն ակնոցներ:
ՙՏեսողության խնդիրներ ունեցող երեխաներին և, ընդհանրապես, նման խնդիրներ ունեցող մարդկանց օգնելն Orange Հիմնադրամի գործունեության կարևոր ուղղություններից է: Մեր գործընկեր Հայկական ակնաբուժության նախագծի հետ համատեղ մեկնարկած այս առցանց արշավը յուրաքանչյուրին ընձեռում է տեսողության խնդիրներ ունեցող երեխաներին օգնելու հնարավորություն՝ պարզապես բարի կամք դրսևորելով: Աշխարհում կուրության 80%-ը կարելի է կանխարգելել կամ բուժել՝ տեսողական խնդիրները վաղ շրջանում հայտնաբերելու միջոցով: Selfie նկարելը հեշտ է, արագ և անվճար, այնպես որ, բոլորին խրախուսում եմ մասնակցել այս արշավին և իրենց ներդրումն ունենալ կուրության կանխարգելմանն ուղղված շատ կարևոր այս նպատակի իրականացման գործում՚, - ասել է Orange Հիմնադրամի խորհրդի նախագահ Ֆրանսիս Ժելիբտերը:
ՙՀայկական ակնաբուժության նախագիծը առանձնակի կարևորում է Տեսողության համաշխարհային օրը Հայաստանում նշելը: Ուրախ ենք փաստել, որ մեր գործընկերների հետ միասին հաջողությամբ կարողացել ենք հասարակության ուշադրությունը հրավիրել տեսողական խնդիրներ ունեցող մարդկանց վրա: Տեսողության համաշխարհային օրը հիանալի առիթ է ինչպես երեխաների, այնպես էլ մեծահասակների մոտ կուրության կանխարգելման կարևորությունը շեշտադրելու համար: «Առողջապահության համաշխարհային կազմակերպությունըե կոչ է անում բոլոր կազմակերպություններին միանալ մինչև 2019թ.-ը կանխարգելվող կուրության դեպքերը 25%-ով նվազեցնելու միասնական նպատակին: Այսպիսով, կոչ ենք անում բոլորին միավորվել այս համաշխարհային նախաձեռնության շուրջ՝ նկարելով ինքնանկար, մի գործողություն, որ շատերն ամեն օր անում են պարզապես հաճույքի համար՚, - նշել է ՀԱՆ-ի հայաստանյան գրասենյակի տնօրեն Նունե Եղիազարյանը:
ՙԱռողջապահության համաշխարհային կազմակերպության՚ վիճակագրական տվյալների համաձայն՝ աշխարհում 285 միլիոն մարդ ունի տարբեր աստիճանի տեսողական խնդիրներ: Այսպիսի դեպքերի 5-ից 4-ը հնարավոր է կանխել: Կուրության և տեսողական խնդիրների դեպքերն ավելի հաճախ հանդիպում են սոցիալապես անապահով խավերի մոտ. թույլ տեսողություն ունեցող մարդկանց 90% - ը զարգացող երկրների բնակիչներ են: Տեսողական խնդիրների 42%-ը հիմնականում առաջանում են լուսաբեկման խանգարումների կամ ակնոց չկրելու հետևանքով, 33%-ի պատճատը կատարակտն է, 25%-ը պայմանավորված են այլ պատճառներով: ՙՈւղարկիր սելֆի և օգնիր մեկ երեխայի պայքարել կուրության դեմ՚ առցանց արշավի մանրամասներին կարելի է ծանոթանալ՝ այցելելով http://orangearmenia.am/about-orange-armenia/events/one-selfie-one-pair-of-glasses/ կայք:
ՀԱՆ-ը ՙՏեսողության համաշխարհային օրվա՚ կապակցությամբ նախաձեռնում է մի շարք միջոցառումներ: Այս տարվա կարգախոսին համահունչ, որի գաղափարն է խուսափել կուրության այն դեպքերից որոնք կարելի է կանխել, հոկտեմբերի 9-ին Արմավիրի մարզում կմեկնարկի Աչքի շարժական հիվանդանոցի գործունեությունը, ամսվա ընթացքում դպրոցներում կանցկացվեն աչքի խնամքի հատուկ դասընթացներ: USAID կազմակերպության հետ համատեղ կիրականացվեն նաև նորածին մանուկների աչքի զննումներ:
Հիշեցնենք, որ Orange Հիմնադրամի և ՀԱՆ-ի համագործակցությունը մեկնարկել է դեռևս 2011թ.-ին՝ ՙԼույս հայի աչքերին՚ նախագծի շրջանակներում, որի նպատակն է որակյալ ակնաբուժական ծառայությունները հասանելի դարձնել հայկական մարզերի բնակիչներին: Նախագծի շրջանակներում արդեն ավելի քան 66 000 հոգի (մոտ 54 000 մեծահասակներ և 12 000 երեխաներ) անցել են ակնային զննումներ, 8 487 բնակիչներ անցել են կրկնակի մանրամասն հետազոտություն Աչքի շարժական հիվանդանոցում, իրականացվել է 5 044 վիրահատություն և լազերային բուժում, դուրս է գրվել 23 631 ակնոց:
Political analyst: In light of new realities, Yerevan may propose advancing peace process with Baku without constitutional referendum
Present-day geopolitical competition shifts from territorial control to infrastructure flows
Expert: Public participation in decision-making essential for sustainable urban development 
Politician: Statement by Armenia`s third president may deprive opposition of only political basis for ousting Pashinyan
Heritage: It`s time for Armenia`s opposition to present people with legitimate alternative to power
RA Security Council Sec, Assistant to President of Azerbaijan hold negotiations in Dilijan 
CEC Neutralizes PAP: Three Political Forces to Enter Armenian Parliament Following Election Vote
Elections in Armenia were accompanied by unprecedented pressure on opposition, RF MFA spokesperson claims 
Expert: Even OSCE observers recorded numerous violations during elections in Armenia 
Moscow to await official results of Armenian elections - Peskov
Antonio Costa: EU to deepen its partnership with Armenia, expanding cooperation in energy, trade, and digitalization
Israeli MFA congratulates Pashinyan
Turkish MFA comments on results of Armenian elections 
Zakharova: International observers cannot ignore `flagrant violations` in Armenian elections
Strong Armenia to issue statement after vote count completed - Narek Karapetyan
Russian Senator: Opposition complaints regarding election violations by ruling party remain unanswered
RA premier receiving congratulations on his victory in parliamentary elections
