Արմինֆո.Նախիջևանում "անօդաչու թռչող սարքերի հարվածներին" Ադրբեջանի նախագահ Իլհամ Ալիևի կտրուկ պատասխանը վկայում է Հայաստանի Սյունիքի մարզում նոր թեժ կետի հայտնվելու հավանականության մասին: Այդ մասին հայտարարել է ռազմաքաղաքական վերլուծաբան Ալեքսանդր Տիխանսկին՝ Մինսկ-Երևան տեսակամրջի ժամանակ, որը նվիրված էր "Կհաջողվի արդյոք Թրամփին Թուրքիային ներքաշել Իրանի հետ հակամարտության մեջ" թեմային։
Այդ առնչությամբ նա ուշադրություն է հրավիրել այն հանգամանքին, որ Ադրբեջանի բանակի գրեթե 40 տոկոսը կենտրոնացված է Իրանի հետ սահմանի մոտ։ Ընդ որում, նա ընդգծել է, որ հարվածներն ակնհայտ սադրանք են, որը հիշեցնում է իսրայելական ձեռագիր։ "Այսօրվա դրությամբ սուր է դրված Սյունիքի հարցը։ Նախիջեւանի սադրանքը հիմք է տալիս հայտարարելու իր հայրենակիցներին պաշտպանելու անհրաժեշտության եւ Պարսից ծոցի պատերազմի պատրվակով "միջանցքը" գրավելու հնարավորության մասին: Ես չեմ պնդում, որ դա տեղի կունենա։ Այնուամենայնիվ, ԱԹՍ-ների առնչությամբ Ալիևի կոշտ պատասխանը վկայում է այն մասին, որ կա ևս մեկ թեժ կետի առաջացման հավանականություն ՝ Սյունիքում", - կարծում է փորձագետը։
Խոսելով այդ սադրանքների ֆոնին ԱՄՆ նախագահ Դոնալդ Թրամփի նախաձեռնությամբ հակամարտության մեջ Թուրքիայի ներքաշման հնարավորության մասին՝ Տիխանսկին հիշեցրել է, որ Թուրքիան և Ադրբեջանն ունեն "մեկ ժողովուրդ, մեկ պետություն" հայեցակարգը: Սակայն, դրա հետ մեկտեղ, նա հիշեցրել է, որ ԱՄՆ շահերը տարածաշրջանում հաճախ հակասում են նաև Թուրքիայի շահերին, հատկապես՝ քրդական հարցի համատեքստում:
"ԱՄՆ-ը պատրաստ է զինել քրդական ցեղերի առաջնորդներին, որոնք, ի դեպ, արդեն կոշտ պատասխանել են, որ պատրաստ չեն մասնակցել այդ գործընթացին ։ Նրանց հակամարտության մեջ ներքաշելու Ամերիկայի մտադրությունը հակասում է Թուրքիայի շահերին, որի համար քրդական հարցը թիվ մեկ ներքին գերակայություն է։ 2025 թվականին Իրաքյան Քուրդիստանում զինյալներ էին պատրաստում բողոքի ցույցերին մասնակցելու և զինված գործողությունների անցնելու համար, սակայն քրդական հատուկ ծառայությունները նրանց հանձնեցին Իրանին։ Դա անփոխարինելի օգնություն Էր Իրանի համար՝ Թուրքիայից, որն այդպիսով նշանակալի դեր խաղաց այդ բողոքի ակցիաները ճնշելու գործում", - հիշեցրել է վերլուծաբանը։
Այնուամենայնիվ, նա հավելել է, որ ամերիկացիները հնարավորություններ ունեն ակտիվացնելու իրանական Քրդստանը, և համոզմունք է հայտնել, որ նման փորձեր կիրականացվեն որոշակի ուժեր իրենց կողմը քաշելու համար:
Իր հերթին՝ տնտեսական գիտությունների թեկնածու Ալեքսանդր Կոզլովն ուշադրություն է հրավիրել այն փաստի վրա, որ այսօր նույնիսկ Պարսից ծոցի երկրները դժգոհություն են հայտնում ԱՄՆ-ի այն նպատակների առնչությամբ, որոնք նա հետապնդում էր իրենց տարածքում ռազմակայաններ հիմնելիս:
"Նրանք կարծում էին, որ դա կապահովի անվտանգությունը, բայց իրականում դա դարձավ խնդիրների ձգման կետը։ Այսօր հարց է առաջանում ԱՄՆ-ի նկատմամբ այդ երկրների անվստահության մասին։ Առաջիկա մեկ ամսում իրավիճակը կարող է արմատապես փոխվել. թեև ռմբակոծությունները շարունակվում են, և հռետորաբանությունը պահպանվում է, ԱՄՆ-ը ակտիվ օգնություն չի ցուցաբերում: Ակնհայտ է, որ այն ուղերձները, որոնցով ԱՄՆ-ը մտել է այդ երկրներ, իբր, կայունությունը պահպանելու համար, չեն համապատասխանում իրականությանը։ Դա կարող է հանգեցնել այն բանին, որ երկրները կսկսեն վանել ԱՄՆ-ին, և այդ ժամանակ Թուրքիան նույնպես կարող է հանդես գալ իրեն ավելի մոտ ժողովուրդների կողմից", - եզրափակել է փորձագետը։
Հիշեցնենք, որ մարտի 5-ին Ադրբեջանը հայտարարել էր, որ իրանական 4 անօդաչու թռչող սարքեր հարձակվել են Նախիջևանին: Ադրբեջանի ԱԳՆ էր կանչվել Իրանի դեսպանը։ Ավելին, նույն օրն Ադրբեջանի նախագահ Իլհամ Ալիևը հրավիրել էր երկրի Անվտանգության խորհրդի նիստ և որոշել էր զենք ճոճել Իրանի առջև: Ավանդույթի համաձայն, Ալիևը սպառնացել էր Ադրբեջանի "երկաթե բռունցքով", տեղի ունեցած միջադեպը որակել Էր ահաբեկչություն և խոստացել համարժեք պատասխան: Բացի այդ, ադրբեջանական կողմը փակել էր երկինքն Իրանի հետ սահմանին և դադարեցրել Իրանի հետ սահմանային անցակետի գործունեությունը: Իսկ մարտի 6-ին Ադրբեջանի իշխանությունները հայտարարել էին Իրանից իրենց դիվանագետներին տարհանելու մասին։ Ուշագրավ է, որ այդ բոլոր գործողությունները տեղի են ունեցել այն պայմաններում, երբ Իրանն արդեն երկրի ԱԳՆ և գլխավոր շտաբի մակարդակով հերքել էր իր մասնակցությունը Նախիջևանի օդանավակայանին հարվածին ։ Ընդ որում, անկախ փորձագետները հակված են կարծելու, որ Ադրբեջանն այդպիսով հող է նախապատրաստում Իրանի դեմ հակամարտությունում ԱՄՆ-ի և Իսրայելի կողմից հնարավոր ներգրավման համար:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
