Արմինֆո.Սթենֆորդի համալսարանի քաղաքագիտության դոկտոր, քաղաքագետ Արթուր Խաչիկյանը նշել է «խփիր և փախիր» ("hit and run") ռազմավարության առաջին նշանների ի հայտ գալը, երբ ԱՄՆ նախագահ Դոնալդ Թրամփն սկսում է ելքի ուղիներ փնտրել Մերձավոր Արեւելքում իր իսկ ստեղծած իրավիճակից։
«Տեղեկություններ են ստացվել իրանական հարձակման հետևանքով առաջին 3 ամերիկացի զինծառայողների զոհվելու մասին: Սա կտրուկ կմեծացնի քաղաքական ճնշումը Թրամփի վրա ԱՄՆ-ի ներսում։ Հայտնվել են առաջին նշանները, որ Թրամփը ելք է փնտրում իր իսկ ստեղծած իրավիճակից: Նա հայտարարել է Իրանի դեմ հարձակումը դադարեցնելու պատրաստակամության մասին, եթե Իրանը կատարի ԱՄՆ պահանջները: Կան հաղորդագրություններ, որ Վաշինգտոնը դիմել է իտալական կողմին՝ միջնորդի դեր ստանձնելու համար՝ Իրանի հետ բանակցություններում, բայց Իրանը մերժել է այդ առաջարկները ։ Սա կարող է լինել այն բանի ցուցիչը, որ Թրամփի նպատակը, ինչպես և ենթադրվում էր, Իրանին վախեցնելն ու կապիտուլյացիայի մղելն էր՝ հայտարարելով արագ հաղթանակի մասին ։ Շոումեն Թրամփը ցանկանում է ստանալ ևս մեկ «փոքրիկ հաղթական պատերազմ» և փառքի ևս մեկ պսակ. Վենեսուելան, Գրենլանդիան, Հայաստանի կողմից Զանգեզուրի հանձնումն ու Գազայի ոչնչացումը նրան քիչ էին», - արձանագրել է Խաչիկյանը։
Նա նաեւ ուշշադրություն է հրավիրել այն հանգամանքին, որ, ըստ The Wall Street Journal թերթի հաղորդման, ԱՄՆ-ն ուզում է ավարտել Իրանի դեմ օպերացիան մինչև հրթիռների պաշարների սպառվելը: Հարցն այն է, թե ում հրթիռներն ավելի շուտ կվերջանան՝ ԱՄՆ-ի՞, թե՞ Իրանի: «Պարզ է միայն, որ Իրանի և իրանական վարչակարգի համար սա գոյության պատերազմ է, և նրանց ցավի շեմը, հետևաբար և տոկունությունը, շատ ավելի բարձր են, քան Թրամփինը», - համոզված է քաղաքագետը։
Փորձագետը նշել է, որ ներկա պահին Մերձավոր Արեւելքում պատերազմին մասնակցում են Իսրայելը, ԱՄՆ-ը, Իրանը եւ Եմենը։ ԱՄՆ-ին և Իսրայելին միանալու մասին հայտարարել են Մեծ Բրիտանիան եւ Սաուդյան Արաբիան։
Նրա ասելով՝ հակամարտության մեջ ներգրավված են Հորդանանը, Քուվեյթը, Բահրեյնը, ԱՄԷ-ն, Քաթարը, Օմանը, Իրաքը, Սիրիան, Կիպրոսը։
«Կարկանդակ ու եգիպտացորեն են ուտում և լուսնոտների պես թափառում փողոցներում. Հայաստան։ Բրիտանիան, Գերմանիան և Ֆրանսիան հայտարարել են, որ ռազմական ուժ կկիրառեն, եթե Իրանը շարունակի հարձակումները Մերձավոր Արևելքի երկրների վրա: Կրկնում եմ. եթե Իրանը շարունակի հարձակվել։
Մակրոնը, մասնավորապես, գրել է. «Ի պատասխան ձեռնարկված իրանական հրթիռային և անօդաչու հարվածները, որոնք բացարձակապես անհամաչափ և անխտիր կերպով են իրականացվել, հարվածել են տարածաշրջանում մեր գործընկերների և դաշնակիցների օբյեկտներին և բազմաթիվ քաղաքացիական թիրախներին», - այնուհետեւ հաղորդել է քաղաքագետը։
Խաչիկյանը նաեւ արձանագրել է, որ իսրայելական հրթիռի տակ մնացած 7-10 տարեկան 165 իրանցի աղջիկների մահվան մասին մեր քաղաքակիրթ, եվրոպական, մարդասեր, ժողովրդավարական, գեղեցիկ կոստյումներով և դեմքին 15 դիմակ դրած առաջնորդն այդպես էլ չհիշեց, ինչպես ժամանակին չհիշեց Արցախի հայերին։ «Փոխարենն ինչպե՜ս էր գեղեցիկ մեջբերում Ազնավուրին՝ նրանց հայրենակցին, վերջինիս հուղարկավորության ժամանակ, որպեսզի հետո թաղի արցախցիներին: Մեկնաբանություններն ավելորդ են», - հավելել է փորձագետը։
Նրա հավաստմամբ՝ ԱՄՆ-ում սկսվել է հարձակում հենց Թրամփի դեմ․ դեմոկրատ սենատոր Քրիստոֆեր Մերֆին քննադատության տարափ է տեղացել Թրամփի հասցեին, մեղադրելով նրան մի պատերազմ սկսելու մեջ, որը ոչ ոք չէր ուզում։ «Մերֆին Թրամփին հայտարարել է «ԱՄՆ պատմության մեջ ամենակոռումպացված նախագահը»: Իրանի վրա հարձակումը կարող է դառնալ Թրամփի դագաղի վերջին մեխը: Նրա կուսակցությունը, ամենայն հավանականությամբ, կպարտվի նոյեմբերյան ընտրություններում, և Թրամփին լրջորեն սպառնում է իմպիչմենտ՝ ամերիկացի ընտրողներին բացահայտ խաբելու և «Էփշտեյնի դասակարգի» հետ կապերի պատճառով։
Մեկ-երկու օրից նավթի գները կբարձրանան մինչև 100 դոլար՝ մեկ բարելի դիմաց, ըստ Ռոյթերս գործակալության կանխատեսման ։ Քուվեյթում, Դուբայում և Աբու Դաբիում երկու օրով փակվել են բորսաները: Փակ է Հորմուզի նեղուցը, որով անցնում է համաշխարհային նավթի արտահանման 30%-ը և հեղուկ գազի արտահանման 20%-ը: Տնտեսագետները գլոբալ ռեցեսիա են կանխատեսում», - շարունակել է Խաչիկյանը։
Նա նաեւ տեղեկացրել է, որ Իսրայելը հայտարարել է 100 000 պահեստազորայինների զորահավաքի մասին՝ ի հավելումն գոյություն ունեցող 50,000 զինծառայողների։ «Այաթոլլահ Ալի Խամենեիի սպանությունից հետո Իրանում տեղի է ունեցել ժամանակավոր խորհրդի առաջին հանդիպումը, որի մեջ մտնում են նախագահ Փեզեշքիանը, այաթոլլահ Ալիրեզա Արաքին և Իրանի դատական իշխանության ղեկավար Ղոլամ-Հոսեյն Մոհսենի-Էժեին ։ Իրանում հայտարարված է 40-օրյա սուգ: Իրանում և այլ երկրներում տեղի են ունենում բողոքի և սգո ակցիաներ, հատկապես Իրաքի, Պակիստանի շիական համայնքներում և Հնդկաստանի Ջամմու և Քաշմիր նահանգներում։
Թրամփը հայտարարել է, որ Իրանում պատերազմը կարող է տևել մինչև 4 շաբաթ: Հարավսլավական սցենարը քիչ հավանական է. միայն ռմբակոծություններով Իրանին հնարավոր չէ կապիտուլյացիայի ենթարկել: Հիմքեր կան կարծելու, որ Թրամփի արագ հաղթանակը չի լինի, որ Իրանը կարող է դիմանալ, և կարող է կրկնվել Եմենի սցենարը, որտեղ Թրամփը պարտություն կրեց հուսիներից», - ամփոփել է Խաչիկյանը։
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
