Արմինֆո. Վերջին յոթ տարիների Հայաստանի կառավարման հիմքը բաժանումն է։ Այս իշխանության միակ թթվածինը ներքին կոնֆլիկն է։ Այդ մասին իր հոդվածում գրում է "Այլընտրանքային նախագծեր" խմբի անդամ, ԱԺ ընդդիմադիր "Հայաստան" խմբակցության պատգամավոր Էլինար Վարդանյանը ։
«Յոթ տարի անընդհատ ներքին կոնֆլիկտներ են հրահրվել, հասարակությունը տրոհվել է՝ ընդհուպ մինչև ընտանիք։ Կոնֆլիկտների մի մասը էֆեկտիվ է աշխատել։ Մի մասը ժամանակի ընթացում թուլացել է, որոնք չեն աշխատել՝ մի կողմ են դրվել, բայց անընդհատ հրահրվել են նորերը։
Նոր կոնֆլիկտ
Հիմա հրահրվում է նոր կոնֆլիկտ՝ թոշակառուների և միջին և ցածր սերնդի միջև։ Ցուցադրաբար միլիոնավոր դրամներ են հատկացվում բարձրաստիճան պաշտոնյաներին, որը որևէ կապ չունի նրանց աշխատանքի արդյունավետության և կառավարման հետ։ Ուղղակի բաժանվում է քաղաքական կաշառք։ Մյուս կողմից, հայտարարվում է, թե թոշակառուներին տասը հազար դրամ տալն ի՞նչ իմաստ ունի, ի՞նչ հարց է լուծելու։ Սա այլանդակ անհարգալից վերաբերմունք է մոտավորապես կես միլիոն թոշակառուի հանդեպ, կրկնում եմ՝ կես միլիոն։ Եվ այս կես միլիոն թոշակառուին անուղղակի ասվում է՝ դուք պետք է վատ ապրեք (կամ չապրեք՝ դա ձեր գործն է)։ Քանի որ պետք է քաղաքական կաշառք տրվի համակարգին, որպեսզի ապահովվի, գնվի քաղաքական լոյալությունը, ակամայից կոնֆլիկտ է հրահրվում դժվար ապրող թոշակառուների և թոշակառուի տասը տարվա թոշակը միասին վերցրած «կաշառք» ստացած միջին սերնդի պաշտոնյաների միջև։
Մարդիկ, ովքեր կառուցել են պետություն, անցել բոլոր դժվար փուլերը, վերջապես սերունդներ են մեծացրել, չեն կարող արժանանալ նման վերաբերմունքի։ Իհարկե, իշխանությունը կփորձի ինքն իրեն առաջիկայում սրբագրել, բայց փաստը կայացած է՝ հանրությունը տեսել է, լսել է անկեղծ վերաբերմունքը թոշակառուների հանդեպ։ Սա չպետք է անարձագանք մնա։
Ներքին թշնամանքի համառոտ պատմությունը․ 2018-ին գտնվեց ձևակերպումը՝ նախկիններ և ներկաներ, իսկ հետո շրջանառության դրվեց դրա նոր բանաձևը՝ սևեր-սպիտակներ։ Ու թափանիվը սկսեց աշխատել։ Պառակտումը մտավ ընտանիքներ։
-Սկսվեց ռուսամետների և արևմտամետների կեղծ բաժանումը։ Հայտնի սխեմաներով և ստեղծված համակարգերի /քաղաքական և հանրային գործիչներ, հասարակական կազմակերպություններ/ միջոցով մարդիկ բաժանվեցին ռուսամետների /ռսաստրուկների/ և «առաջադեմ, ժողովրդավար» արևմտամետների, որոնք պետք է լռեին բոլոր այլանդակությունների ժամանակ։ Այս բաժանումը դեռ հաստաբուն ծառի նման արմատներ է ձգում հողի մեջ։
-Սրան զուգահեռ շարունակվում է տարիների խորքից եկած արցախցի-հայաստանցի բաժանումը։ Այս հին, բայց աշխատող բաժանումը պատեհ պահի հիշեցվում է, կրքեր բորբոքում, հետո նորից պահվում մի փոշոտ դարակում՝ անհրաժեշտության պահին օգտագործելու համար։
-Հետո եկավ՝ խաղաղություն բերողների և պատերազմի կողմակիցների այլանդակ սուտ բաժանումը։ Ովքեր դեմ են անարժանապատիվ, միակողմանի զիջումերին և չհաշվարկված ծրագրերին, գերիների վերադարձի մոռացմանը, արցախցիների վերադարձի իրավունքի փակմանը, որակվեցին որպես պատերազմի կողմնակիցներ, իսկ իրենք՝ խաղաղություն բերողներ։ Եվ թեև իրենց խաղաղությունը Ադրբեջանի պայմաններով, առանց երաշխիքների չպատերազմն է, այս բացարձակ կեղծ բաժանումը առաջիկա ընտրություններին նրանց քարոզարշավի հիմքում է լինելու։
-Մի նոր բաժանում և կոնֆլիկտ հրահրեցին եկեղեցին ասպատակողների՝ «բարեփոխողների» և եկեղեցու պաշտպանության համար պայքարողների միջև։ Վարչապետի պատվերով տիրադավների կողմից մատուցվող պատարագներ, «ուխտաերթի» մասնակիցներ, պատարագներին ստիպողաբար բերված մարդիկ և դրան զուգահեռ՝ սկզբունքային քաղաքացիական գիտակցություն ունեցողներ, հրապարակավ պայքարողներ, այդ թվում՝ մեծաթիվ երիտասարդներ։
Թշնամանքի նոր թեմաները
Վստահաբար նախընտրական փուլի համար իշխանությունը ունի պատրաստած ներքին պառակտման նոր թեմաներ և սցենարներ։ Ոչ իշխանական բոլոր ուժերը, անկախ իրենց հարաբերություններից ու օրակարգերից, պետք է միասնական հակազդեն սրան։ Չի կարելի թույլ տալ ներքին թշնամանքի նոր ալիքներ. դրանք կեղծ են և սպասարկում են բացառապես մեկ հոգու և նեղ խմբի շահերը։ Իսկ պետության շահը լրիվ այլ տեղ է», - գրել է ԱԺ պատգամավորը։
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
