Արմինֆո. Հայաստանի քննչական կոմիտեն բիրտ ճնշման է ենթարկում Մայր Աթոռ Սուրբ Էջմիածնի կալանավորված դիվանապետ Արշակ արքեպիսսկոպոս Խաչատրյանի հարազատներին։ Այդ մասին ասվում է AntiCor նախաձեռնության հայտարարությունում։
«AntiCor-ը քննչական կոմիտեից կրկին ստացել է տվյալներ, որոնք լիովին հաստատում են մեր՝ դեկտեմբերի 5-ի հրապարակման մեջ ներկայացված գնահատականներն այն մասին, որ Արշակ արքեպիսկոպոս Խաչատրյանի նկատմամբ սկսվել է քաղաքական ճնշումների նոր, առավել կոշտ փուլ։
Այսօր՝ դեկտեմբերի 9-ի վաղ առավոտյան, քննչական կոմիտեի քննիչներն ու ուժային հատուկ ստորաբաժանման աշխատակիցները հայտնի տեսագրության գործով, որտեղ Արշակ սրբազանը փաստացի տուժող է, զուգահեռաբար խուզարկություններ են իրականացրել Արշակ սրբազանի քեռակնոջ տանը, որտեղ ապրում են նաև նրա որդիները, և նրա դստեր տանը, որտեղ նա բնակվում է սեփական ընտանիքի հետ։
Խուզարկությունների ընթացքում առգրավվել են ողջ տեխնիկան՝ բոլոր հեռախոսները, համակարգիչները և էլեկտրոնային տվյալների պարունակման ցանկացած միջոց։
Այս գործողությունները կատարվել են միաժամանակ, ուժային հատուկ ստորաբաժանումների ներխուժմամբ՝ ամբողջությամբ համընկնելով այն սցենարի հետ, որի մասին AntiCor-ը նախապես տեղեկացրել էր։ Ուժայիններն արգելել են անգամ փաստաբանի զանգահարել։
Ուշագրավ և մտահոգիչ հանգամանք․ Քննչականում AntiCor-ի աղբյուրների փոխանցմամբ՝ բնակարաններից մեկը խուզարկվել է առանց դատարանի որևէ որոշման։ Ավելին՝ բնակիչներին մերժվել է խուզարկության արձանագրության տրամադրումը, ինչը ինքնին դարձյալ օրենքի կոպտագույն խախտում է։
Սա ամբողջությամբ հաստատում է մեր ավելի վաղ բացահայտած սխեման՝ Քննչական կոմիտեն և ԱԱԾ-ն կիրառում են «հետին թվով օրինականացման» մեխանիզմը, երբ գործողությունը նախ կատարվում է, իսկ թույլտվությունը՝ դատավորից, վերցվում է հետագայում՝ նախապես նշված հետին ամսաթվով։
Այս գործելակերպը չի կարող լինել սխալ կամ պատահականություն․ դա համակարգային, հաստատված տեխնոլոգիա է՝ ընդդեմ իշխանությանը ոչ հարմար անձանց։
Ինչպես արդեն հայտնել էինք․Քննիչները փորձում են առաջ մղել «ընտանեկան դավադրության» վարկածը, որով իշխանությունը փորձում է. ներխուժել Արշակ սրբազանի ընտանեկան միջավայր, ճնշում գործադրել նրա մերձավորների վրա, հոգեբանական ճնշման միջոցով պարտադրել սրբազանին հրաժարվել իր դիրքորոշումից և չպաշտպանել եկեղեցին։
Դեկտեմբերի 9-ի խուզարկությունները հենց այս նպատակների ուղղակի իրականացումն են։
AntiCor-ի եզրակացությունը․ Այսօր իրականացված գործողությունները ցույց են տալիս, որ գործը չի քննվում հանցագործությունը բացահայտելու նպատակով։ Քննությունը օգտագործվում է որպես քաղաքական պատժիչ գործիք։ Արշակ սրբազանի ընտանիքի մեջ ներխուժումը նպատակ ունի նրա վրա ճնշումը հասցնել առավելագույնի։
AntiCor-ը արձանագրում է․Իշխանությունը կառուցում է արհեստական, քաղաքական նպատակահարմարությամբ պայմանավորված սցենար, որի ամեն քայլը միտված է Արշակ արքեպիսկոպոսին ու նրա ընտանիքին ճնշելուն և վարկաբեկելուն։
Մենք շարունակելու ենք հավաքագրել փաստերը, բացահայտել ամբողջ սխեման և դրանք հրապարկել՝ ներառյալ միջազգային կառույցներին ներկայացնելու նպատակով», - ասվում է հայտարարությունում։
AntiCor հակակոռուպցիոն հարթակը ստեղծվել է «ԼԵԳԻՍՏ» փաստաբանական թիմի և Ազգային Հակակոռուպցիոն Խորհուրդ Հիմնադրամի համատեղ ջանքերով։
Հարթակի ստեղծման հիմքում ընկած է «ԼԵԳԻՍՏ» փաստաբանական թիմի բազմամյա մասնագիտական փորձը, որն արձանագրում է, այն փաստը, որ կոռուպցիան Հայաստանում համակարգային է և հասել ահռելի չափերի։
Հարթակի նպատակը կոռուպցիայի դեմ պայքարի միասնական և արդյունավետ համակարգի ձևավորումն է՝ իրավական աջակցությամբ, հետազոտություններով և հանրային իրազեկման միջոցով։
Հիշեցնենք, որ ավելի վաղ թմրանյութերի ապօրինի շրջանառության գործով ձերբակալվել էր Մայր Աթոռի դիվանապետ Արշակ արքեպիսկոպոս Խաչատրյանը: Փաստաբան Արսեն արքեպիսկոպոս Բաբայանի խոսքով ՝ իր պաշտպանյալը հրավիրվել էր ՔԿ ՝ "հայտնի տեսանյութի գործով" ցուցմունք տալու: Հարցաքննությունից հետո ՔԿ գլխավոր մուտքի մոտ նրանց դիմավորել էին ԱԱԾ աշխատակիցները, հայտարարելով, որ կա արքեպիսկոպոսին ձերբակալելու վերաբերյալ քննիչի որոշումը: Ավելի ուշ հայտնի էր դարձել, որ արքեպիսկոպոսը մեղադրվում է այն բանում, որ նա 2018 թվականին, իբր, վարկաբեկելու նպատակով, թմրանյութ է դրել Վեհափառ հայրապետի դեմ բողոքի ակցիայի մասնակիցներից մեկի պայուսակի մեջ: Դատարանի որոշմամբ Խաչատրյանը կալանավորվել է երկու ամսով ։ Ավելի վաղ իշխանամետ հարթակներում տարածվել էր նաև տեսանյութ, որում իբր Արշակ արքեպիսկոպոսը կնոջ հետ է ։ Տեսանյութի որակը շատ վատ է և տեսանելի են դեմքի ընդհանուր գծերը։ Թե որտեղից է ստացվել տեսանյութը, դեռ հայտնի չէ ։ Ինքը ՝ հոգևորականը, բազմիցս ընդգծել է, որ որևէ առնչություն չունի այս տեսանյութի հետ ։
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
