Արմինֆո. ՀՀ վարչապետ Նիկոլ Փաշինյանը շարունակում է հոգևոր, մշակութային, գաղափարական, ճանաչողական, տեղեկատվական և հոգեբանական պատերազմը հայ ժողովրդի և Հայաստանի դեմ, կարծում է քաղաքագիտության դոկտոր, տեխնիկական գիտությունների թեկնածու, ռազմական և ազգային անվտանգության հարցերով փորձագետ Հրաչյա Արզումանյանը:
Փորձագետը արձանագրել է, որ այդ մասին ևս մեկ անգամ վկայում է օրենքի նախագիծը, որը նպատակ ունի "իրական Հայաստանի" գաղափարախոսությանը պետական կարգավիճակ հաղորդել:
"Վերը թվարկված պատերազմների տեսակները կարելի է ընդլայնել և գլխավորը գիտակցել ու ընդունել․ սա պատերազմ է։ Փաշինյանը պատերազմ է վարում Հայ ժողովրդի դեմ իշխանությունը պահելու նպատակով՝ հենվելով թշնամական ուժային կենտրոնների աջակցության վրա։
Այս պատերազմի նախորդ արշավները թարմ են հիշողության մեջ ։ Կարելի է հիշել Արցախյան արշավը, երբ Փաշինյանը միանձնյա, չունենալով գոնե խորհրդարանի մանդատ, հրաժարվեց Արցախից և հայ ժողովրդի արցախյան ժառանգությունից՝ ձգտելով Մեծ եղեռնը վերապրած արցախահայությանը վերածել հայ հասարակության թշնամիների", - նշել է նա։
Նրա խոսքով՝ այնուհետև Արևմտյան Հայաստանից և Պատմական Հայաստանից հրաժարվելու արշավն ու դրան հաջորդած հարձակումը Արարատի վրա, որը հասարակության շրջանում կոշտ արձագանք առաջացրեց: Փորձագետն ուշադրություն է հրավիրել այն հանգամանքի վրա, որ, թույլ չտալով հայ հասարակությանն ուշքի գալ, հաջորդեց նոր հարված և ագրեսիա՝ արդեն Հայ Առաքելական Եկեղեցու դեմ՝ որպես կրոնական ինստիտուտի և հայկական ինքնության անկյունաքարի: Եվ կրկին հայ ժողովրդի կոշտ արձագանքը ստիպեց վարչապետին ժամանակավորապես նահանջել, լռել։
"Եվ ահա նոր արշավ և հարձակում Արարատի վրա, և "իրական Հայաստանի" փոխնակ գաղափարախոսությանը օրենքով պաշտպանված պետական կարգավիճակ տալու մտադրությունը": Օրենք, որը օրենսդրական դաշտում կամրագրի հայ հասարակության հանդեպ պահանջ՝ հրաժարվել սեփական պատմությունից, Արարատից, Մեծ Եղեռնից ՝ հրաժարվել Պատմական Հայաստանից և հավաքական հիշողությունից, վերածվել մանկուրտների", - շարունակել է Արզումանյանը։
Ընդ որում, նա փաստել է, որ կարելի է խոսել տոտալիտար և ավտորիտար ռեժիմների ավանդական վարքագծի մասին, որոնք պետական գաղափարախոսությանը տալիս են օրենքի կարգավիճակ․ բոլշևիզմ, նացիզմ, մաոիզմ, չուչխե և այլն։
"Ավտորիտար առաջնորդը և նրա շրջապատը (բարձրագույն ռազմաքաղաքական ղեկավարությունը) ձգտում են իրենց ձեռքում կենտրոնացնել իշխանության ամբողջությունը, ամրագրելով այն իրավական և գաղափարական դաշտում, և Փաշինյանը մեկ անգամ չէ, որ նման վարք է դրսևորել։ Ոչ մի ցանկություն չկա հիշելու, թե քանի անգամ է նա հայտարարել, որ ինքն է կառավարությունն ու իշխանությունը Հայաստանում, քանի անգամ է գործել սահմանադրական դաշտից դուրս ՝ միանձնյա, չտեղեկացնելով գոնե խորհրդարանին, գործադիրին ու դատական ճյուղին։
Այսպիսով՝ "իրական Հայաստանին "պետական գաղափարախոսության կարգավիճակ հաղորդելն օրենսդրական դաշտում իրավական հիմքեր կստեղծի հայ հասարակության այն անդամների հետապնդման համար, որոնք մտադիր չեն հրաժարվել Արարատից, Հայ Առաքելական Եկեղեցուց, Պատմական Հայաստանից եւ Մեծ Եղեռնի հիշողությունից եւ այլն", - վստահ է Արզումանյանը։
Փորձագետն ուշադրություն է հրավիրեցլ այն հանգամանքի վրա, որ Փաշինյանը դիմում է իրավական դաշտում պատերազմի (lawfare) ՝ ընդլայնելով հայ ժողովրդի դեմ մղվող պատերազմի ձևերի ցանկը։ Նա կարծում է, որ "լեգիտիմության" մասին վարչապետի դատողություններն այդ առումով իրենց բացատրությունն են ստանում, ընդ որում, Փաշինյանն ու իր իշխանական թիմը, կարծես թե, իսկապես չեն հասկանում "լեգիտիմություն" և "օրինականություն" տերմինների տարբերությունը։
"Հայաստանի վարչապետը որպես համազգային առաջնորդ խոսելու լեգիտիմ իրավունք չունի ։ Նա կարող է խոսել իրեն սատարող Հայաստանի Հանրապետության բնակչության ակնհայտ փոքրամասնության անունից, բայց ոչ՝ հայ ժողովրդի, որի մեծամասնությունը բնակվում է հայկական պետության սահմաններից դուրս:
Ստեղծված իրավիճակում մեզանից յուրաքանչյուրը պետք է ընտրություն կատարի, որի մասին վերջերս գրել էի․ կողմ եք Փաշինյանին և "իրական Հայաստանին", թե՞ կողմ եք Արարատին, ՀԱԵ - ին, Պատմական Հայաստանին ՝ պատմական հիշողության և Մեծ Եղեռնի մասին հիշողության իրավունքին։ Պետք է պատասխանել՝ յուրաքանչյուրը եւ բոլորը միասին, եւ սկզբի համար կարելի է մտնել եւ քվեարկել օրենսդրական նախաձեռնության օգտին", - ամփոփել է Արզումանյանը։
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Փորձագետ. Այսօր մենք խոսում ենք ոչ թե խաղաղության, այլ Հայաստանի կողմից Ադրբեջանի ցանկությունների ցանկի իրականացման գործընթացի մասին
Փորձագետ․ Չի կարելի խոսել խաղաղության մասին, քանի դեռ Հայաստանի և Ադրբեջանի միջև համաձայնագիր չի ստորագրվել և չի վավերացվել
Քաղաքագետ. TRIPP-ի Իրանի սահմանին մոտ լինելը կարող է դանդաղեցնել դրա իրականացումը
Քաղաքագետ. Ո՞վ է զոհաբերում Հայաստանի Ազգային անվտանգության ծառայության հեղինակությունը և ինչո՞ւ
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
