Արմինֆո. Առաջիկա օրերին Հայաստանում տեղի կունենա Հայաստանի եւ Թուրքիայի միջեւ հարաբերությունների կարգավորման հարցերով հատուկ ներկայացուցիչներ Ռուբեն Ռուբինյանի եւ Սերդար Քըլըչի հանդիպումը: Այդ մասին սեպտեմբերի 8-ին լրագրողների հետ զրույցում հաղորդել է Հայաստանի հատուկ ներկայացուցիչ, ԱԺ փոխնախագահ Ռուբեն Ռուբինյանը։
"Հանդիպումը տեղի կունենա առաջիկա օրերին Հայաստանում։ Օրվա և վայրի մասին լրացուցիչ տեղեկություններ կհաղորդվեն՝ երբ ժամանակը գա", - ասել է Ռուբինյանը։
Նրա հավաստմամբ՝ հանդիպման օրակարգում լինելու է հայ-թուրքական հարաբերությունների կարգավորման հարցերի ողջ շրջանակը:
Անդրադառնալով հարցին, թե արդյոք Հայաստանի եւ Ադրբեջանի միջեւ նախաստորագրված պայմանագիրը կարող է խթան ծառայել հայ-թուրքական կարգավորման գործընթացում դրական դինամիկա արձանագրելու համար, Ռուբինյանն ասել է, որ Վաշինգտոնում ստորագրված հռչակագիրը շատ կարեւոր է, եւ այն, միանշանակ, դրական ազդեցություն կունենա ինչպես տարածաշրջանային, այնպես էլ արտատարածաշրջանային գործընթացների վրա:
Հարցին, թե արդյոք քննարկվելու է հայ-թուրքական սահմանի բացման հարցը, խորհրդարանականը պատասխանել է, որ այդ ողջ գործընթացը սահմանի բացման մասին է:
"Հայաստանի եւ Թուրքիայի միջեւ հարաբերությունների կարգավորման ողջ գործընթացը փակ սահմանի բացման եւ Երեւանի ու Անկարայի միջեւ դիվանագիտական հարաբերությունների հաստատման մասին է։ Եվ, բնականաբար, բոլոր քննարկումներն այդ մասին են", - ասել է նա։
Ռուբինյանը նաեւ խոստովանել է, որ մինչ օրս չի իրականացվել երրորդ երկրների քաղաքացիների համար հայ-թուրքական սահմանի բացման շուրջ պայմանավորվածությունը, սակայն հավելել է, որ դա Հայաստանի մեղքով չէ: Նրա խոսքով՝ այդ հարցում հապաղելու ոչ մի պատճառ չկա։
Կարգավորման գործընթացի մեկնարկի մասին 2021 թվականի դեկտեմբերի 13-ին հաղորդել էր Թուրքիայի այն ժամանակվա արտգործնախարար Մևլութ Չավուշօղլուն։ Ընդ որում, նա ընդգծել էր որ Անկարան գործելու է Հայաստանի հետ հարաբերությունների կարգավորմանն ուղղված քայլերի շուրջ Ադրբեջանի հետ համակարգմամբ: Կողմերը կարգավորման գործընթացում Թուրքիայի եւ Հայաստանի հատուկ ներկայացուցիչներ են նշանակել Սերդար Քըլըչին եւ Ռուբեն Ռուբինյանին, որոնք արդեն մի քանի փուլ բանակցություններ են անցկացրել, սակայն ինչ-որ բեկումնային որոշումների հասնել նրանց դեռ չի հաջողվել:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
