Արմինֆո.ԵՄ-Հայաստան ՓՄՁ Հիմնադրամը, որը կառավարվում է Ամբեր Կապիտալ Արմենիայի կողմից, 4 մլն ԱՄՆ դոլար ներդրում է իրականացնում «Ավտո Գելլրի» ընկերությունում
• ԵՄ-Հայաստան ՓՄՁ Հիմնադրամը բաժնեմասային ներդրում է կատարում «Ավտո Գելլրի» ընկերությունում՝ աջակցելու կանաչ շարժունակությանն ու շուկայի ընդլայնմանը։
• «Ավտո Գելլրի» ընկերությունը ներկայումս կենտրոնացած է նոր սերնդի էլեկտրական թեթև առևտրային և ուղևորատար ավտոմեքենաների պաշտոնական սպասարկման և վաճառքի վրա։
• Ներդրումը կնպաստի բիզնեսի ընդլայնմանը միտված ծրագրերին՝ միջազգային հեղինակավոր գործընկերների ներգրավմամբ՝ ընդլայնելով ապրանքատեսականին և ծառայությունների շրջանակը։
ԵՄ-Հայաստան ՓՄՁ Հիմնադրամը 4 մլն ԱՄՆ դոլարի ներդրում է կատարել «Ավտո Գելլրի» ՓԲԸ-ում։ Ներդրումային միջոցները կուղղվեն ընկերության ընդլայնման ծրագրերին և կօգնեն բարելավել ընկերության բնապահպանական, սոցիալական և կորպորատիվ կառավարման փորձառությունը՝ ստեղծելով նոր աշխատատեղեր երկրում։
«Ավտո Գելլրի» ՓԲԸ-ն IM Motors և Saic Maxus ապրանքանիշների միակ պաշտոնական ներկայացուցիչն է Հայաստանում։ Ընկերությունն ընդլայնում է իր տեսականին և ծառայությունները՝ համագործակցելով համաշխարհային ճանաչում ունեցող տեխնոլոգիական և ավտոմոբիլային այնպիսի առաջատար ընկերությունների հետ, ինչպիսիք են CATL-ը և SCANIA-ն։ Էլեկտրական ավտոմեքենաների անցումային այս փուլում խիստ կարևոր է հնարավորությունների ընդլայնումը և շրջանառու կապիտալում ներդրումը՝ շուկայական պահանջարկի արագ աճին համընթաց շարժվելու նպատակով, հատկապես՝ առևտրային տրանսպորտային պարկերի, ինչպես նաև մասնավոր և հանրային տրանսպորտի ոլորտներում։ Նախագծի հաջող իրականացումը կնպաստի տրանսպորտային ենթակառուցվածքների կատարելագործմանը, որակի նոր չափանիշների ներդրմանը, ինչպես նաև աշխատատեղերի ստեղծմանը։ Նախաձեռնությունը համապատասխանում է համընդհանուր ռազմավարական նպատակներին` ուղղված լոգիստիկայի արդյունավետության բարելավմանը և կայուն շարժունակության լուծումներին հասանելիության ընդլայնմանը։
«Ավտո Գելլրի» ՓԲԸ-ն հիմնադրվել է 2023 թվականին և ղեկավարվում է տասնամյակների փորձ ունեցող կառավարող թիմի կողմից։ Ընկերությունը վստահելի գործընկեր է առևտրային ավտոպարկերի սպասարկման և լոգիստիկ լուծումների ոլորտում՝ ինչպես բիզնեսի, այնպես էլ անհատ հաճախորդների համար։ «Ավտո Գելլրի»-ի նպատակն է ընդլայնել իր ապրանքատեսականին՝ ներկայացնելով նոր համաշխարհային բրենդներ և ուսումնասիրելով տարածաշրջանային աճի հնարավորությունները՝ համապատասխանել շուկայի փոփոխվող պահանջներին։
«Ավտո Գելլրի»-ում իրականացվող մեր ներդրումն արտահայտում է Հայաստանում կայուն տնտեսական աճին և նորարարությանը նպաստելու մեր հանձնառությունը։ Մենք համոզված ենք, որ այս գործընկերությունը ոչ միայն կարագացնի կանաչ շարժունակության և գործառնական բարձր չափանիշների անցման գործընթացը Հայաստանում, այլև կնպաստի աշխատատեղերի ստեղծմանը, լոգիստիկ ենթակառուցվածքների բարելավմանը և ավտոմոբիլային ոլորտում ծառայությունների որակի բարձրացմանը»,- նշել է Ամբեր Կապիտալ Արմենիայի գործադիր տնօրեն Անուշավան Սիմոնյանը։
«Զարգացման այս փուլում ԵՄ-Հայաստան ՓՄՁ Հիմնադրամի հետ համագործակցությունը թույլ կտա մեզ առաջ շարժվել ավելի արագ և վստահ քայլերով։ Մեր հիմնական նպատակն է առաջարկել բարձրորակ ծառայություններ և արդյունավետ լուծումներ սպառողների առօրյա խնդիրների և կարիքների համար, ինչպես նաև նպաստել երկրի էկոլոգիապես կայուն զարգացմանը», - նշել է «Ավտո Գելլրի» ՓԲԸ-ի հիմնադիր-տնօրեն Գևորգ Գևորգյանը:
«Ամբեր Կապիտալի հետ այս գործընկերությունը մեզ հնարավորություն է տալիս օգտագործել միմյանց ուժեղ կողմերը և խթանել ավելի նորարարական գործելակերպեր Հայաստանում։ Այս նախագիծը ցույց է տալիս, թե ինչպես մասնավոր կապիտալը, առաջնորդվելով ամուր սկզբունքներով, կարող է արագացնել նորարարությունները՝ զգալի ներդրումներ բերելով խոստումնալից ոլորտներում։ Այն նաև արտացոլում է մեր համատեղ հանձնառությունը՝ կառուցելու ավելի կայուն և մրցունակ մասնավոր հատված Հայաստանում», - ասաց ՎԶԵԲ-ի Հայաստանի ղեկավար Գեորգի Ախալկացին։
«Եվրոպական միությունն արդեն երկար տարիներ նվիրված է Հայաստանի տնտեսական զարգացմանը և առևտրի դիվերսիֆիկացմանը, այդ թվում՝ աջակցելով կապիտալի շուկայի կարևոր դերակատարներին, ինչպիսին «Ամբեր Կապիտալ» ներդրումային հիմնադրամն է: Կարծում ենք, որ այս գործարքը ևս մեկ կարևոր քայլ է միտված կայուն աճի, կանաչ շարժունակության և ծառայությունների որակի բարելավման ուղղությամբ: Եվրոպական միությունը շարունակում է իր հանձնառությունը՝ խթանելու տնտեսական աճը և աջակցելու նորարարական ու էկոլոգիական բիզնես նախաձեռնություններին՝ ֆինանսավորման հնարավորությունների և տեղական կապիտալի շուկաներին հասանելիության ընդլայնման միջոցով», - նշել է Պարոն Ֆրենկ Հես, ԵՄԴ համագործակցության ղեկավար։
Ամբեր Կապիտալ Արմենիայի կողմից կառավարվող ԵՄ-Հայաստան ՓՄՁ հիմնադրամը, մասնավոր բաժնետիրական հիմնադրամ է, որը գործարկվել է Հայաստանում 2020թ․ հունվարին՝ Եվրոպական միության (ԵՄ), Վերակառուցման և զարգացման եվրոպական բանկի (ՎԶԵԲ), Ամունդի-ԱԿԲԱ Ասեթ
Մենեջմենթի, Հրայր և Աննա Հովնանյան հիմնադրամի և Ամբեր կապիտալի ներդրումային թիմի ներդրումների միջոցով: Հիմնադրամը հետագայում լրացուցիչ կապիտալ է ներգրավել Հայկական ազգային շահերի հիմնադրամից, Ց-կվադրատ Ամպեգա Ասսեթ Մենեջմենթից, Նիդեռլանդների Ձեռնարկատիրական զարգացման բանկից (FMO) և Հայաստանի կառավարությունից, ինչպես նաև մի շարք սփյուռքահայ ներդրողներից՝ ընդհանուր պարտավորված կապիտալը հասցնելով 60 մլն ԱՄՆ դոլարի։ Հիմնադրամը հանձնառու է ֆինանսավորել Հայաստանի ՓՄՁ-ների կայուն աճը՝ կապիտալ ներդրումների և բնապահպանական, սոցիալական ու կորպորատիվ կառավարման բարձր չափանիշների կիրառման միջոցով: Սույն գործարքը համարվում է թվով տասնչորսերորդը ԵՄ-Հայաստան ՓՄՁ հիմնադրամի կողմից։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
