Արմինֆո. "Ոսկե ծիրան" 22-րդ միջազգային կինոփառատոնը կբացվի իրանցի ռեժիսոր Ջաֆար Փանահիի "Մի պարզ պատահար" ֆիլմով, որը Կաննի 78-րդ կինոփառատոնում արժանացել է Ոսկե արմավենու ճյուղի։ Հատկանշական է, որ դա բանտարկությունից հետո Փանահիի առաջին ֆիլմն է, որը նրան հաջողվել է անձամբ ներկայացնել Կաննում:
Բայց՝ արդյոք պարզ պատահականություն է, որ հենց այդ հաղթական կինոաշխատանքն է նշանավորելու Երևանյան "Ոսկե ծիրանի" բացումը, հասկանանք միասին:
Ջաֆար Փանահին 2010 թվականին Իրանում դատապարտվել էր 6 տարվա ազատազրկման՝ կառավարող վարչակազմի հակաքարոզչության մեղադրանքով: Սակայն անազատության մեջ նա անցկացրել է ընդամենը 2 ամիս՝ շնորհիվ իրանաֆրանսիական մշակութային կենտրոնի միջամտության և 200 հազար դոլար գրավի։ Արդյունքում՝ խափանման միջոցը փոխվել է տնային կալանքի և ֆիլմ նկարահանելու, սցենարներ գրելու, հարցազրույցների լիակատար արգելքի։
Սակայն արդեն 2022 թվականին Փանահին կրկին հայտնվում է կալանքի տակ՝ այն բանից հետո, երբ դեմ է հանդես գալիս իրանցի կինոգործիչների ձերբակալությանը։ Այս անգամ դատարանը վճիռ է կայացնում 2010 թվականին ՝ 6 տարի ժամկետով ազատազրկման մասին։ Բանտում Փանահին անժամկետ հացադուլ է հայտարարում և 2023 թվականի փետրվարին ազատ է արձակվում։
Եվ այստեղ հարկ է նշել, որ հենց Երևանն ու "Ոսկե ծիրանը" նրա առաջին հրապարակային լույսընծայումն էին ՝ բանտարկությունից հետո: Կազմակերպիչների ջանքերի շնորհիվ կինոփառատոնի շրջանակներում տեղի ունեցավ նրա "Օֆսայդ" ֆիլմի ցուցադրությունը, ապա նաև երկրպագուների հետ հանդիպում Երևանում: Հատկանշական է, որ Փանահիի հանդիպումը հանդիսատեսի հետ մեր երկրում տեղի է ունեցել նրա ծննդյան օրը՝ հուլիսի 11 - ին, որն ուղեկցվել է ռուս կինոքննադատ Անտոն Դոլինի " Անհնազանդության ակտ. Ջաֆար Փանահիի Ֆիլմերը" գրքի շնորհանդեսով։
21-րդ "Ոսկե ծիրանի" ընթացքում ռեժիսորն արժանացել է "Փարաջանովի թալերի"՝ համաշխարհային կինոարտադրության մեջ ունեցած ավանդի համար: Նրա ներկայությունը կինոփառատոնին ոչ միայն անհավանական մշակութային իրադարձություն էր, այլև հզոր քաղաքական, մարդկային հաղթանակ: Այսպիսով, «Ոսկե ծիրանը» դարձավ առաջին փառատոնը, որը հրավիրեց Փանահին երկար տարիների արգելքից և բանտարկությունից հետո: Այսինքն՝ Փանահիի վերադարձը սկսվեց հենց Երևանից։ Դրա համար էլ "Մի պարզ պատահարը" Երևանում ամենևին էլ պարզ պատահականություն չէ։ Նշենք, որ Ջաֆար Փանահին աշխարհի ամենատիտղոսակիր ռեժիսորներից է, որի 10 ֆիլմերից 9 - ն արգելված են իր իսկ հայրենիքում ՝ Իրանում, սակայն արժանացել են ամենահեղինակավոր կինոմրցանակների:
Մասնավորապես, նա "Ոսկե առյուծի" դափնեկիր Է Վենետիկի կինոփառատոնում, "Ոսկե արջի"՝ Բեռլինի կինոփառատոնում, "Ոսկե տեսախցիկի"՝ Կաննի կինոփառատոնում։ Բացի այդ, Կաննում Փանահին արժանացել է ժյուրիի հատուկ մրցանակին "Ոչ արջերին" ֆիլմի համար և այլն:
"Արդեն ավելի քան երկու տասնամյակ "Ոսկե ծիրանը" շարունակում է մնալ տարածաշրջանի ամենաազդեցիկ և միջազգայնորեն ճանաչված կինոփառատոնը ։ Փանահիի պատմությունը ևս մեկ անգամ ընդգծում է փառատոնի յուրահատուկ առաքելությունը ՝ աջակցել ազատ արվեստին, համաշխարհային մշակութային երկխոսությանը և կինոյի անկախությանը ռեժիմներից: Ջաֆար Փանահիի ներկայությունը "Ոսկե ծիրան" 22-րդ միջազգային կինոփառատոնի բացմանը կլինի այդ առաքելության վառ ապացույցը", - ասված է կինոփառատոնի կազմակերպիչների հաղորդագրության մեջ:
Նշենք, որ այս տարի կինոփառատոնը կանցկացվի Երևանում հուլիսի 13-20-ը: Կինոցուցադրությունների համար հարթակներ կդառնան "Մոսկվա" կինոթատրոնը և Կինոյի տունը:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
