Արմինֆո.«Հաջորդ պատերազմի ժամանակ Հայաստանը կարող է իր սուվերենիտետն ամբողջությամբ կորցնել, իսկ ադրբեջանական բանակը կարող է թուրքական թեյ խմել Երևանում, աղոթել ու նամազ անել Երևանի Կապույտ մզկիթում»,- Հայաստանի հասցեին նման ակնհայտ սպառնալիք է հնչեցրել «Ադրբեջանի Ժողովրդավարության և մարդու իրավունքների ինստիտուտի» նախագահ Ահմադ Շահիդովը հունիսի 2-3-ը Վիեննայում կայացած ԵԱՀԿ Ժողովրդավարական հաստատությունների և Մարդու իրավունքների գրասենյակի կողմից կազմակերպված «Մարդկային հարթության 2025 թ․ երրորդ կոնֆերանս»-ի ընթացքում։
Ինչպես ԱրմԻնֆո-ին պարզաբանել են "Գեղարդ"գիտավերլուծական հիմնադրամի մամուլի ծառայությունում, «Ներառականությունը՝ որպես հանդուրժողականության և խտրականության դեմ պայքարի խթանման միջոց» խորագրով կոնֆերանսի ընթացքում տեղի են ունեցել նիստեր ԵԱՀԿ տարածաշրջանում համապարփակ և ներառական եղանակով անհանդուրժողականության և խտրականության դեմ պայքարի, միջդավանական, միջկրոնական և միջմշակութային երկխոսության և համագործակցության միջոցով ներառականության խթանման, հանդուրժողականությունը, խտրականության դեմ պայքարը և հավասարությունը խթանելու համար ավելի ներառական մոտեցումներ պարունակող քաղաքականության մշակման վերաբերյալ։
«Միջոցառմանը մասնակցած հայաստանյան հասարակական կազմակերպությունների ներկայացուցիչներ իրենց ելույթներում բարձրաձայնել են հայ փախստականների իրավունքների, Ադրբեջանի գործած պատերազմական հանցանքների, հայկական հոգևոր-մշակութային, կրոնական ժառանգության ոչնչացմանն ու յուրացմանը վերաբերող հարցեր, որոնք կարիք ունեն միջազգային արձանագրմանն ու հասցեագրմանը։
Թեև Ադրբեջանի՝ ԵԱՀԿ-ում պաշտոնական ներկայացուցիչն ավանդույթի ուժով պարբերաբար փորձում էր ընդհատել և խոչընդոտել հայ բանախոսների ելույթները, այնուհանդերձ ԵԱՀԿ Ժողովրդավարական հաստատությունների և մարդու իրավունքների գրասենյակի կողմից ցուցաբերվող բարձր ընկալումային մոտեցումների շնորհիվ ադրբեջանական կողմին չի հաջողվել խոչընդոտել հայկական պատվիրակության կողմից վերոնշյալ խնդիրների միջազգային բարձրաձայնումը։
Ի «պատասխան» ադրբեջանական կողմի իրավախախտումների վերաբերյալ արձանագրումներին՝ «Ադրբեջանի Ժողովրդավարության և մարդու իրավունքների ինստիտուտի» նախագահ Ահմադ Շահիդովը Հայաստանի հասցեին ակնհայտ սպառնալիքներ է հնչեցրել։ Սկզբնապես խոսելով «թուրքական դիվանագիտության» ժանրի կանոններին հարիր կեղծ քաղաքավարությամբ՝ Շահիդովը նշել է, որ ղարաբաղյան հակամարտությունն ավարտված է, և որ իրենք ցանկանում են Հայաստանի հետ ապրել խաղաղության մեջ՝ որպես հարևաններ։ Այնուհետև՝ կրկնելով սեփական երկրի նախագահին և իշխանություններին՝ ադրբեջանցի պատվիրակը Հայաստանին անտեղի և անընդհատ մեղադրել է ռևանշիզմի մեջ։ Չնայած Հայաստանը մշտապես խոսում է բացառապես խաղաղության հասնելու մասին, այնուամենայնիվ Շահիդովը շարունակել է բացահայտ ցույց տալ ադրբեջանական կողմի իրական, ագրեսիվ կեցվածքը։
Այն, որ անհավասարակշիռ, ագրեսիվ կեցվածք ունեցող Ահմադ Շահիդովն «Ադրբեջանի Ժողովրդավարության և մարդու իրավունքների ինստիտուտի» նախագահն է, վկայում է այն մասին, որ «ժողովրդավարությունն» Ադրբեջանում ունի այն տեսքն ու ընկալումը, ինչպիսին՝ «ադրբեջանական հարևանության» գաղափարը։ Վերջինս արտահայտվում է Հայաստանի մայրաքաղաքում ադրբեջանական բանակի «թեյ» խմելու մարմաջ-սպառնալիքով։
Կոչ ենք անում Ահմադ Շահիդովին թեյախմության և նամազի իրականացման իրենց ցանկությունը բավարարել բացառապես Ադրբեջանի տարածքում», - ամփոփել են հիմնադրամում։
Հիշեցնենք, որ դեռևս 2025 թվականի մայիսին "Լեռնային Ղարաբաղից փախստականների իրավունքների պաշտպանության միության" մամուլի ծառայությունը հաղորդել էր, որ "Մարդկային հարթություն 2025" երկրորդ համաժողովի ընթացքում Ադրբեջանի ներկայացուցիչը փորձել էր խոչընդոտել ԼՂ ՓԻՊՄ ՀԿ նախագահ Անդրանիկ Գրիգորյանի ելույթին, ով փորձել էր բարձրացնել Լեռնային Ղարաբաղի հայերի իրավունքների պաշտպանության և Ադրբեջանի կատարած հանցագործությունների հարցը: Սակայն ԵԱՀԿ ժողովրդավարական հաստատությունների և մարդու իրավունքների գրասենյակի ներկայացուցիչները Գրիգորյանին լրացուցիչ խոսք էին տրամադրել՝ դրանով իսկ ցուցադրելով Ադրբեջանի ժխտողական քաղաքականության անընդունելիությունը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
