Փաստաբանն իրավական ֆարս է որակել ակտիվիստ Չախոյանի նկատմամբ քրեական գործի հարուցումը

Արմինֆո. Արթուր Չախոյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 297-րդ հոդվածի 2-րդ մասի 1-֊ն և 3-րդ կետերով։ Այդ մասին հաղորդել է Չախոյանի փաստաբան Վահե Եփրիկյանը՝ ակտիվիստի նկատմամբ քրեական գործի հարուցումը որակելով իրավական ֆարս։

«Ակնհայտ հանցագործության համար անձինք ոչ կանչվել են, ոչ վերջիններիս հետ կոնկրետ քննչական ֊ դատավարական գործողություններ են կատարվել, իսկ քաղաքացիական ակտիվիստը քաղաքացիական ակցիա իրականացնելու համար մեղադրվում է։

Նախորդիվ արտահայտածս մտահոգությունը, ցավոք, բայց հետզհետե իրականանում է` փորձ է կատարվում ծածկադմփոց անել Նոր Նորքի առերևույթ հանցագործ թաղապետի ու իր հանցակիցների գործողությունները` դրանք բարդելով կրկնում եմ` քաղաքացիական ակցիա իրականացնող անմեղ անձի վրա, ով այս պատմության մեջ կարող է ունենալ բացառապես մեկ դատավարական կարգավիճակ` տուժողի», - գրել է Եփրիկյանը՝ «Ֆեյսբուքի» իր էջում։

Հայաստանի Քննչական կոմիտեի մաամուլի քարտուղար Կիմա Ավդալյանն, իր  թերթին, հաղորդել է, որ ապրիլի 29-ին Նոր Նորք վարչական շրջանի ղեկավարի աշխատակազմի վարչական շենքում տեղի ունեցած դեպքի առթիվ նախաձեռնված քրեական վարույթի շրջանակներում հանրային քրեական հետապնդում է հարուցվել Չաախոյանի եւ Երեւանի ավագանու ընդդիմադիր անդամ Մեսրոպ Մաանուկյանի նկատմամբ՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (խուլիագանություն, որը կատարվել է մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով):

Արձագանքելով այդ հայտարարությանը՝ Չախոյանն իր ֆեյսբուքյան էջում հերքել է այն տեղեկությունը, թե, իբր, Տեր-Մարգարյանն արձագանքել է վիրավորանքներին։ Նա նշել է, որ Մեսրոպ Մանուկյանի հրապարակած մանկապարտեզի տեսանյութում, որի առիթով «թաղապետը» զանգահարել է Արթուր Չախոյանին և միտումնավոր սպառնացել նրան, Արթուր Չախոյանի կողմից որևէ վիրավորական խոսք ոչ մեկի հասցեին, այդ թվում՝ «թաղապետի», չի հնչել։

«Այսինքն՝ «թաղապետը» նախ ինքն է զանգահարել ինձ, սպառնացել, անցել կարմիր գիծը, իսկ այնուհետև հրապարակայնորեն հայտարարել. «Միտումնավոր եմ զանգել» և «Նորից եմ կրկնում՝ հայհոյել եմ, լավ եմ արել», - հավելել է Չաաախոյանը։

Մեսրոպ Մանուկյանն, իր հերթին, լրագրողների հետ զրույցում հայտարարել է, որ չի ընդունում իր մեղքը, չնայած այն հանգամանքին, որ իրեն որպես մեղադրյալ են ներգրավել: "Կրկին պնդում եմ, որ ես Տիգրան Տեր-Մարգարյանին չեմ նվաստացրել և չեմ վիրավորել ։ Սահմանափակումների պատճառով շատ բան չեմ կարող ասել, կարող եմ միայն նշել, որ ոչ մի մեղք չեմ ընդունում եւ իմ կողմից նվաստացած մարդուն հրավիրում եմ ինձ հետ դեմ առ դեմ հանդիպելու", - հայտարարել է Մանուկյանը։

Ընդ որում, նա հաղորդել է, որ չգիտի, թե կոնկրետ ով է նախաձեռնել գործը. Տեր - Մարգարյանը դիմել է Քննչական կոմիտե, թե՞ դա հենց քննիչների նախաձեռնությունն է եղել։

Իր հերթին՝ "Հանրապետություն" կուսակցության անդամ Ռոմիկ Մխիթարյանը հայկական լրատվամիջոցներին հայտարարել է, որ եթե Երևանի քաղաքապետ Տիգրան Ավինյանը որոշի հեռացնել Տիգրան Տեր - Մարգարյանին, ապա կուսակցության բոլոր անդամները վայր կդնեն իրենց մանդատները: Այսպիսով, Երևանի քաղաքապետարանի գործունեությունը կտորպեդահարվի։ ՀՀ ՔԿ-ից նաև հայտնի է դարձել, որ ակտիվիստին ծեծի ենթարկելու փաստով գործ է հարուցվել մի խումբ անձանց կողմից ֆիզիկական ազդեցության հոդվածի հատկանիշներով։ Գործով անցնում է 4 անձ, սակայն անուններ չեն հնչել։

Հիշեցնենք, որ Նոր Նորք վարչական շրջանի ղեկավարն իր ենթակաների հետ թաղապետարանի շենքում լրագրողների աչքի առաջ դաժան ծեծի է ենթարկել ակտիվիստ Արթուր Չախոյանին, ով զբաղվում է քաղաքապետարանի յուրացումների և չարաշահումների բացահայտմամբ: Ուշագրավ է, որ դրանից մեկ օր առաջ Չախոյանը գրառում էր կատարել, որտեղ նույն Տեր-Մարգարյանը սպառնում է հաշվեհարդարով ։ Իսկ Երևանի քաղաքապետ Տիգրան Ավինյանը, անդրադառնալով ակտիվիստի հասցեին իր ենթակաների հնչեցրած սպառնալիքներին, ոչ միայն չի դատապարտել պաշտոնյայի նման պահվածքը, այլև, նույնիսկ, արդարացրել է այն:

Ուշագրավ է, որ Նոր Նորք վարչական շրջանի ղեկավարը "Հանրապետություն" կուսակցության անդամ է, որը հանդես է գալիս երկրում ժողովրդավարական արժեքների առաջխաղացման օգտին ։ Հատկանշական է, որ չնայած Տեր-Մարգարյանի կողմից քաղաքացուն հրապարակային ծեծի ենթարկելուն, պաշտոնյան մինչ օրս ազատության մեջ է և, անգամ, պարծենում կատարածով, իսկ Երևանի քաղաքապետարանը որևէ համարժեք գնահատական չի տվել տեղի ունեցածին։ Իրենց հերթին՝ իշխող "Քաղաքացիական պայմանագիր" քաղաքական ուժն ու "Հանրապետություն" կուսակցությունը, որի անդամ է Տեր-Մարգարյանը, սկանդալից հետո իրենց հայտարարություններում ոչ միայն չեն դատապարտել կատարվածը, այլև փորձել են ողջ պատասխանատվությունը բարդել վարչակազմում բազմամիլիոնանոց յուրացումներ բացահայտած եւ ծեծի ենթարկված ակտիվիստի վրա: Ավելին, արևմտամետ "Հանրապետությունը" դրանում, նույնիսկ, տեսել է" Ռուսաստանի հետքը և անցյալ տարի Բուչա այցելելու համար իրենց զինակցին վնասելու փորձեր"։