Արմինֆո. Ապրիլի 15-ին Կարեն Դեմիրճյանի անվան մարզահամերգային համալիրում կայացել է «Սիմֆոնիկ ռոք` հանուն երեխաների առողջության» բարեգործական համերգ, որը կազմակերպել էր Հայաստանի երեխաների առողջության հիմնադրամը՝ Հայաստանի պետական սիմֆոնիկ նվագախմբի մասնակցությամբ։
Հայաստանի երեխաների առողջության հիմնադրամի հաղորդագրության համաձայն, համերգի արդյունքում հանգանակվել է աննախադեպ գումար՝ ավելի քան 45 միլիոն դրամ, որն ուղղվելու է առողջական ծանր խնդիրներ ունեցող երեխաների բուժմանը։
Հիմնադրամի հիմնադիր և տնօրեն Արմեն Մարտիրոսյանն իր ելույթում ընդգծել է միջոցառման նշանակությունը ոչ միայն մշակույթի, այլև՝ բարության և հոգատարության տեսանկյուններից:
«Յուրաքանչյուր բարի գործ, որքան էլ փոքր թվա, անսահման զորություն ունի։ Այն աջակցությունը, որ ցուցաբերում ենք առողջական մարտահրավերների առաջ կանգնած երեխային ու նրա ընտանիքին, փոխում է ոչ միայն նրանց կյանքը, այլև դրականորեն ազդում մեր ամբողջ հասարակության վրա։ Դա բարության բումերանգ է, որ տարածվում է՝ լույսով լցնելով մեր շուրջը և վերադառնալով մեզ: Ինչպես սիմֆոնիկ նվագախումբն է տարբեր գործիքների միասնությամբ ստեղծում ներդաշնակ հրաշք, այնպես էլ մենք՝ միասին, կարող ենք ստեղծել ավելի առողջ ու լուսավոր ապագա մեր երեխաների համար. եկեք անենք դա»,- նշել է Արմեն Մարտիրոսյանը։
«Հայաստանի պետական սիմֆոնիկ նվագախմբի և անձամբ գեղարվեստական ղեկավար և գլխավոր դիրիժոր Սերգեյ Սմբատյանի համար չափազանց կարևոր են բարեգործական նախագծերը՝ հատկապես, երբ դրանք միտված են երեխաների առողջությանը։ Ուստի, մեծ սիրով միացանք այս նախաձեռնությանը և ուրախ ենք, որ մեր սիրված ծրագրերից մեկի՝ «Սիմֆոնիկ ռոքի» բոլոր տոմսերը սպառվեցին` ծառայելով իր նպատակին»,- ասել է Հայաստանի պետական սիմֆոնիկ նվագախմբի տնօրեն Սարգիս Բալբաբյանը։
Համերգը ղեկավարել է դիրիժոր Հարություն Արզումանյանը, մենակատարը Վարդան Գաբոյանն էր: Համերգային ծրագրում սիմֆոնիկ մեկնաբանությամբ ներկայացվել են The Beatles, Queen, Pink Floyd, Deep Purple, Scorpions, Led Zeppelin, System of a Down և այլ խմբերի հանրահայտ ստեղծագործությունները։
«Սիմֆոնիկ ռոք հանուն երեխաների առողջության» բարեգործական համերգի բացառիկ հովանավորը YoHealth-ն է, գլխավոր հովանավորը՝ Ամերիաբանկը և Երևանի քաղաքապետարանը, հովանավորը՝ Հայ վիրավոր հերոսների աջակցման հասարակական կազմակերպությունը: Համերգի գործընկերներն էին Կարեն Դեմիրճյանի անվան մարզահամերգային համալիրը և «Կոնցեպտ Իվենթս»-ը»։
Հայաստանի երեխաների առողջության հիմնադրամը բարեգործական կազմակերպություն է, որն աջակցում է առողջական ծանր խնդիրներ ունեցող երեխաներին՝ նրանց բուժման հնարավորություն ընձեռելով ինչպես Հայաստանի, այնպես էլ արտասահմանի առաջատար բժշկական հաստատություններում: Հիմնադրամն իրականացնում է նաև հետազոտական, կանխարգելիչ ու հիվանդությունների վաղ հայտնաբերման ծրագրեր՝ ավելի երկարաժամկետ ու լայն ազդեցությամբ: 2021 թվականից ի վեր՝ 70 հազար նվիրատվությունների շնորհիվ, հիմնադրամը աջակցել է ավելի քան 3000 երեխայի՝ նրանց բուժմանը և հիմնադրամի կարևոր ծրագրերի իրագործմանը ուղղելով շուրջ 1.5 միլիարդ դրամ։
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
