ԵՄ և Ադրբեջանի միջև անհամերաշխությունը կարող է բավական լուրջ հետևանքների հանգեցնել: ԱրմԻնֆո-ին այդպիսի կարծիք է հայտնել ռուսաստանցի վերլուծաբան Սերգեյ Մարկեդոնովը:
Եվրախորհրդարանի՝ Ադրբեջանում մարդու իրավունքների հետ կապված իրավիճակի քննադատական գնահատականներ պարունակող բանաձևը ԵՄ առնչությամբ Բաքվի մի շարք կոշտ հայտարարությունների պատճառ է հանդիսացել: Ադրբեջանի ԱԳՆ-ը հետաձգել է Եվրահանձնաժողովի պատվիրակության այցը Բաքու, ինչը վտանգի տակ է դրել Ադրբեջան-ԵՄ ռազմավարական գործընկերության շուրջ բանակցությունները:
ՙՍակայն, Բրյուսելի և Բաքվի հայացքների տարբերության սահմանները սահմանափակված են շատ գործոններով, թեև Արևմուտքը կարող է սկզբունքայնություն դրսևորել Ադրբեջանի նկատմամբ, ինչը բազմիցս արդեն դրսևորել է Մերձավոր Արևելքում: Այնուամենայնիվ, կարծում եմ, որ Անդրկովկասում ռուսական դիրքերն ամրապնդելու ցանկության բացակայությունը կստիպի ԵՄ-ին, ինչպես և ԱՄՆ-ին, աչք փակել Բաքվի իշխանությունների ոչ ժողովրդավարական վարքագծի վրա:
Մարկեդոնովն ընդգծել է, որ նոյեմբերի 1-ին Ադրբեջանում կայանալիք խորհրդարանական ընտրությունների լույսի ներքո՝ Բաքվի և Բրյուսելի հարաբերություններում նոր հակասություններ կառաջանան: Ի հակակշիռ ԵՄ-ի՝ Ռուսաստանը Բաքվի իշխանությանը համարում է կանխատեսելի և հուսալի գործընկեր՝ արտաքին ցանկացած միջամտություն ընտրություններին դիտարկելով որպես ինքնիշխանությանը վնասելու փորձ և հերթական ՙգունավոր հեղափոխության՚ ուրվական: Այս համատեքստում վերլուծաբանը կանխատեսում է Մոսկվայի կողմից Ադրբեջանում նոյեմբերին կայանալիք ընտրությունների արդյունքների լեգիտիմության ճանաչում:
Միաժամանակ վերլուծաբանը վաղաժամ է համարում Բաքվի մոտալուտ արտաքին քաղաքական շրջադարձի մասին խոսակցությունները՝ հաշվի առնելով, որ Ադրբեջանի և ԵՄ հարաբերություններն զգալիորեն տարբերվում են Վրաստանի, Մոլդովայի և Ուկրաինայի հետ վերջինիս հարաբերություններից: Նշելով, որ Բաքուն երբեք եվրոպական ուղղությունն արտաքին քաղաքականության գերակայություն չի դիտարկել՝ Մարկեդոնովն ընդգծում է, որ Ադրբեջանի հետաքրքրությունն ուղղված է ԵՄ հետ էներգետիկ գործընկերությանը:
ՙՄի շարք եվրոպական երկրներից բացի, Ադրբեջանի հետ նման գործընկերությամբ շահագրգռված է նաև ԱՄՆ-ը՝ ՙնավթ՝ ժողովրդավարության փոխարեն՚ սկզբունքով՝ Բաքուն Մոսկվայի ՙէներգետիկ հակակշիռ՚ դարձնելու վերջնանպատակով: Եվ քանի դեռ նման պահանջարկ կա, Ադրբեջանը կարող է այնքան էլ չանհանգստանալ Արևմուտքի հետ անհամերաշխութան առնչությամբ: Բաքվի հասցեին քննադատությունը, ամենայն հավանականությամբ, դոզավորված կլինի, թեև մոռանալ ՙժողովրդավարական արժեքների մասին՚ ադրբեջանական իշխանությանը, իհարկե, թույլ չեն տա՚,- նշել է վերլուծաբանը:
ՙԱդրբեջանական իշխանությունը շահագրգռված չէ ուժի կենտրոնների միջև վերջնական ընտրության հարցում: Դեպի Մոսկվա շրջադարձ կատարել թույլ չի տալիս ղարաբաղյան հակամարտության և Հայաստանի հետ Ռուսաստանի ռազմավարական հարաբերությունների ընկալումը: Դրանից առաջանում է Ռուսաստանին հակակշռի պահանջարկը՝ Արևմուտքի հետ էներգետիկ ոլորտում փոխգործակցության վրա հիմնված հարաբերությունների տեսքով՚,- ամփոփել է վերլուծաբանը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
