Արմինֆո.ՀՀ աշխատանքի և սոցիալական հարցերի նախարարությունը Դիլիջանի նախկին գիշերօթիկ հաստատություններից մեկում բնակվող արցախցիներին զրկել է էլեկտրաէներգիայի և գազի հասանելիությունից՝ այն պայմաններում, երբ ջերմաչափերը ցույց են տալիս զրոյից ցածր: Այդ մասին հաղորդում են հայկական ԶԼՄ-ները, որոնք մի շարք ռեպորտաժներ են պատրաստել դեպքի վայրից։ Ընդ որում, ձման պայմաններում առանց էլեկտրականության եւ գազի մնացածների թվում են նաեւ փոքր երեխաներ ունեցող ընտանիքներ, ընդամենը՝ մեկ տասնյակից ավելի մարդ:
Նշվում է, որ կոմունալ ծառայությունների անջատումը նախարարության որոշման հետևանք է: Այսպես, օրինակ, Հադրութի շրջանի Ազոխ գյուղի բազմազավակ ընտանիքի միակ փրկությունը դարձել է «բուրժույկան»։ Գիշերօթիկ հաստատության շենքը հոսանքազրկելու մասին Աշխատանքի եւ սոցիալական հարցերի նախարարության որոշումից հետո «բորժույկան» միակ միջոցն է յոթ հոգանոց ընտանիքին ջերմություն և տաք սնունդ ապահովելու, ինչպես նաև բնական կենցաղային կարիքները լուծելու համար:
Լրատվամիջոցները հիշեցնում են, որ ընտանիքը Դիլիջան է տեղափոխվել 2020 թվականի պատերազմից հետո, երբ Հադրութը հայտնվեց Ադրբեջանի օկուպացիայի տակ։ Այս պահին Ռիտա Հակոբյանի ընտանիքի անչափահաս երեխաները՝ 6, 11 և 12 տարեկան, ապրում են ցրտի ու խավարի պայմաններում:
Ընտանիքը հրաժարվել է Սպիտակ տեղափոխվելու նախարարության առաջարկից, քանի որ ընտանիքի հայրը դժվարությամբ աշխատանք է գտել Դիլիջանում, և փաստ չէ, որ կկարողանա ինչ-որ աշխատանք գտնել նոր վայրում: Ինչպես հայտնի է դարձել, 2023 թվականին ընտանիքը զրկվել էր նպաստից և բռնի տեղահանվածների համար դրամական օգնություն չի ստանում, քանի որ, ըստ իշխանությունների, նրանք բնակարանային խնդիր չունեն:
Համանման իրավիճակում է հայտնվել տեսաբան-մանկավարժ, Արցախի օրհներգի կոմպոզիտոր Արմեն Նասիբյանի որդին ՝ արցախցի կոմպոզիտոր, Ստեփանակերտում դաշնամուր դասավանդած Կարեն Նասիբյանը: 58-ամյա երաժիշտը խոստովանել է, որ ստեղծված իրավիճակում բազմիցս մտածել է ինքնասպանություն գործելու մասին, սակայն չի կարողացել այդ քայլին դիմել, համարձակություն չի ունեցել: Նա նշել է, որ Աշխատանքի եւ սոցիալական հարցերի նախարարությունն իրեն առաջարկել է բնակվել Երևանում գտնվող հանրակացարանի փոքրիկ սենյակում ՝ անծանոթ տղամարդու հետ։ Հանրակացարանում առանձին սենյակ տրամադրելու նրա խնդրանքը մերժել են։ Նասիբյանը պատմել է, որ այն բանից հետո, երբ պատկան մարմինները հոսանքազրկել են գիշերօթիկը, իր սննդակարգը հացն ու պանիրն է, իսկ երբեմն նրան հաջողվում է փողոցում թեյ տաքացնել և ձու եփել՝ շնորհիվ վարդակի, որը մի քանի օր առաջ տեղադրվել էր փողոցում ՝ գիշերօթիկ հաստատության մասնաշենքերից մեկի մոտ։ Վարդակը տեղադրել են գիշերօթիկ հաստատության աշխատակիցները՝ արցախցի ընտանիքների վիճակի առնչությամբ սոցիալական ցանցերում բարձրացված աղմուկից հետո։
Փախստականները նաև պատմել են, որ իրենց վտարում են այդ շենքից, քանի որ Աշխատանքի եւ սոցիալական հարցերի նախարարությունը մտադիր է վաճառել գիշերօթիկ հաստատության շենքը: Իսկ նախարարությունից վստահեցնում են, որ այդ տեղեկությունը չի համապատասխանում իրականությանը, թեև, ինչպես հայտնի է, առանց կրակի ծուխ չի լինում։
Բռնկված սկանդալի կապակցությամբ ՀՀ աշխատանքի եւ սոցիալական հարցերի նախարարությունում հայտարարել են, որ շենքում վերանորոգման աշխատանքներ են ընթանում։ Նրանց հավաստմամբ ՝ վերանորոգման ավարտից հետո այն պետք է դառնա սոցիալական բնակարանային ֆոնդ՝ Արցախից բռնի տեղահանված քաղաքացիների համար։ Գերատեսչությունում պնդում են, որ շենքը ներկայումս "շահագործման ենթակա չէ ոչ անվտանգ պայմանների և կոմունալ ծառայությունների բացակայության պատճառով":
Այնուհետև նախարարությունից հավաստիացրել են, որ մնացած ընտանիքները ևս պատրաստվում են լքել սոցիալական բնակարանները, թեև արցախցիներն՝ իրենք, լրատվամիջոցներին հաղորդել են, որ նախարարության առաջարկած բնակարաններն իրենց հարմար չեն, իսկ իրենք ի վիճակի չեն վարձակալել բնակարաններ՝ բարձր գների պատճառով։
Արցախցիների նկատմամբ Հայաստանի իշխանությունների նման աղաղակող վերաբերմունքին արձագանքել է իրավապաշտպան Ժաննա Ալեքսանյանը, նշելով, որ Դիլիջանի գիշերօթիկ հաստատությունում բնակություն հաստատած ընտանիքները, փաստացի, զրկված են գազից և էլեկտրականությունից, ինչպես՝ շրջափակման ժամանակ: "Հիմա նույն զգացողությունները՝ ֆիզիկական և հոգեկան, նրանք զգում են նաև Հայաստանում։ Նախարարությունը հայտնել է, որ նրանց այլ լուծում են առաջարկել։ Թեեւ շատերն ընդունել են առաջարկը և լքել շենքը, մնացածները բախվել են նոր խնդիրների: Արված առաջարկները կարող են միայն բարդացնել նրանց վիճակը։ Մինչդեռ, Աշխատանքի եւ սոցիալական հարցրի նախարարությունը և մյուս պատասխանատուները շարունակում են անհոգ ապրել", - եզրափակել է Ալեքսանյանը։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
