Հայաստանի գործող իշխանությունները չեն բանակցում արցախցիներին իրենց հայրենի տներ վերադարձնելու շուրջ

Արմինֆո.Հայաստանի գործող իշխանությունները չեն բանակցում արցախցիներին իրենց հայրենի տներ վերադարձնելու շուրջ։ Այդ մասին հայտնի է դարձել  ԱԳ նախարար Արարատ Միրզոյանի՝ նոյեմբերի 8 - ի ամփոփիչ մամուլի ասուլիսի ժամանակ լրագրողի հարցին տված պատասխանից։

"Հայաստանի իշխանությունները ևս 2020 թվականի պատերազմից հետո, մեր գնահատմամբ, գործադրել են բոլոր հնարավոր ջանքերը, որպեսզի Լեռնային Ղարաբաղի հայերը շարունակեն ապրել Լեռնային Ղարաբաղում և օժտված լինեն որոշակի իրավունքներով։ Այդ ջանքերը, և դա փաստ է, կարծում եմ,  ճիշտ վերաբերմունքի չեն արժանացել Լեռնային Ղարաբաղի գործող և, հնարավոր է, նախկին իշխանությունների կողղղմից, և ինչ-որ առումով նաև այդ պատճառով կա այն, ինչ կա", - վստահեցրել է Միրզոյանը։

"Դուք հարց եք տալիս. դուք՝ որպես արտաքին գործերի նախարար, բանակցություններ վարու՞մ եք Լեռնային Ղարաբաղ հայերի վերադարձի շուրջ։ Լեռնային Ղարաբաղում բնակվելու մասին մենք խոսել ենք այն ժամանակ, երբ Լեռնային Ղարաբաղում հայերն էին ապրում։ Վերադարձ ի՞նչ պայմաններով: Ես նույն հարցը տվել եմ քաղաքական ուժերի ներկայացուցիչներին։ Ինչ-որ ինքնավար կառույցի կազմու՞մ։ Թե՞ որպես Ադրբեջանի քաղաքացիներ: Թե՞ որպես Ադրբեջանի քաղաքացիներ, որոնք իրավունք ունեն դպրոցում հայերեն սովորել", - հարցադրում է արել նախարարը՝ հարց ուղղած լրատվամիջոցին և նրա հանդիսատեսին առաջարկելով ավելի կոնկրետ պատկերացում կազմել այդ հարցի վերաբերյալ։

"Լեռնային Ղարաբաղ վերադառնալը դարձել է շուտասելուկի պես մի բան, որը կրկնում են ոչ այնքան լրատվամիջոցները, որքան քաղաքական գործիչները։ Վերադառնալ ու՞ր և ի՞նչ պայմաններով, կարո՞ղ եք ասել։ Որպես են Ադրբեջանի քաղաքացինե՞ր: Նման հնարավորություն կա։ Որպես  Ադրբեջանի քաղաքացիներ, ովքեր դպրոցում հայերե՞ն են սովորում: Նման հնարավորություն կար։ Իսկ հետո՞",- հայտարարել է Միրզոյանը։

Ճշտող հարցին, թե արդյոք այդ մասին բանակցություններ եղել են, հետեւել է բացասական պատասխան, ընդ որում, Միրզոյանը չի բացառել, որ ինքը վատ է ձևակերպել միտքը, կամ լրագրողն այնպես չի հասկացել: Նա հիշեցրել է 2020 - 21թթ. Լեռնային Ղարաբաղի ներկայացուցիչների հետ ուղիղ բանակցությունների մասին առաջարկները, Սոֆիայում հանդիպման նախաձեռնությունը, որոնք գոլորշիացել են, և դրանց հետ մեկտեղ՝ հեռանկարները, և դա տեղի է ունեցել որոշակի անձանց կոնկրետ գործողություններով, հնարավոր է ՝ կոնկրետ երրորդ երկրների դրդմամբ։ "Հիմա, երբ ամեն ինչ տեղի է ունեցել, երբ Լեռնային Ղարաբաղում հայեր չկան, դուք Երևանում հարցնում եք վերադարձի մասին։ Պարզապես, հիանալի է: Ցավոք, այս մասով ոչ մի լավ բան չեմ կարող ասել։ Մեր կառավարության քաղաքականությունն է՝ այնպես անել, որ Լեռնային Ղարաբաղից բռնի տեղահանված մեր հայրենակիցները կարողանան բավարարել իրենց առաջնահերթ կարիքները", - հայտարարել Է նախարարը, հավելելով, որ կարճաժամկետ խնդիրները լուծված են, հերթում միջնաժամկետ և երկարաժամկետ խնդիրներն են, այդ թվում ՝ բնակարանով և աշխատանքով ապահովելու հարցը, իսկ իշխանությունները պատրաստ են անել ամեն ինչ՝ նրանց լիարժեք ինտեգրման համար։

Հայաստանի "ֆաշիստական" պետություն լինելու մասին Ադրբեջանի նախագահ Իլհամ Ալիևի հայտարարության նկատմամբ վերաբերմունք արտահայտելու խնդրանքին ի պատասխան՝ Միրզոյանը հարց է տվել. "Իսկ ինչպե՞ս կարելի է վերաբերվել նման հայտարարություններին։ Շատ մեծ է գայթակղությունը՝ անմիջապես պատասխանելու և հիշեցնելու անվիճելի, հրապարակային, բարձր մակարդակով արված հայտարարություններ, որոնք ապացուցում են, որ հենց Ադրբեջանում կա խրախուսվող ֆաշիստական վերաբերմունք հայերի նկատմամբ: Բայց ես զերծ կմնամ գայթակղությունից և կառաջարկեմ գնահատել, թե ինչու են նման հայտարարություններ արվում։ Միգուցե նպատակն այն է, որ մենք պատասխան կոշտ հայտարարություններով հանդես գանք, որից հետո իրենք ավելի կոշտ հայտարարություններ կանեն, հետո մենք, և այսպես պարուրաձեւ՝ մինչև գետնին կրակոցներ և նոր էսկալացիա՞։ Դա լավագույն ճանապարհը չէ, որով մենք պետք է գնանք: Մենք շարունակելու ենք խաղաղության օրակարգը"։

Միաժամանակ, նա արձանագրել է, որ խաղաղությունը չի կարելի միայնակ կառուցել, բայց կարելի է շարունակել կառուցողական աշխատել մյուս կողմի հետ, որպեսզի խաղաղություն ձեռք բերվի: "Կամ հակառակը ՝ մեկը ֆաշիստ կանվանի, մյուսը կասի ՝ չէ, դու ինքդ ես ֆաշիստ, ու կսկսեն իրար վրա կրակել ։ Ո՞ր տարբերակն է նախընտրելի: Մենք շարունակելու ենք կառուցողական և համբերատար աշխատել", - եզրափակել է նա ։