Արմինֆո.Խաղաղության պայմանագրի շուրջ քննարկումներ չկան, այստեղ կա ադրբեջանական կողմի հրամայական պահանջ, պարտադրանք ու սպառնալիք։ Նման գնահատականներ է հնչեցրել "Տավուշը հանուն հայրենիքի" շարժման առաջնորդ Բագրատ Սրբազանը, պատասխանելով ՀՀ ԱԳՆ ղեկավարի այն հայտարարության վերաբերյալ ԶԼՄ-ների հարցին, թե՝ խաղաղության համաձայնագիրը հնարավոր է ստորագրել առաջիկա ամսվա ընթացքում։
"Այս ֆոնին ինչպե՞ս եք պատկերացնում խաղաղության համաձայնագրի կնքումը, ի՞նչ բովանդակությամբ է այն լինելու։ Ի՞նչ գնով: Մենք չենք կարող, նույնիսկ, սահմանների սահմանազատման և սահմանագծման հարցը լուծել միասնական քարտեզներով: Եվ սա ոչ թե սահմանազատում և սահմանագծում է, այլ, պարզապես՝ տարածքների հանձնում։ Ինչի՞ փոխարեն, ի՞նչ ենք ստանում: Ոչինչ",- դժգոհել է նա: Սրբազանն այս համատեքստում հիշեցրել է Հայաստանի կառավարության ղեկավարի հայտարարությունը, ով ասել է, որ, տարածքներ զիջելով, մենք նվազեցնում ենք ռիսկերը։ "Խնդրում եմ ուշադրություն դարձնել, որ մենք ոչ թե վերացրել ենք ռիսկերը, այլ նվազեցրել ենք։ Այսինքն, պարզ լեզվով ասած, տաս կրակոցի փոխարեն կլինի չո՞րսը։ Մենք հայտնվել ենք անհեթեթ վիճակում", - հավելել է շարժման առաջնորդը։
Այդ առնչությամբ Սրբազանը նշել է, որ չի հասկանում, թե ինչ հիմքերով է Արարատ Միրզոյանը նման հայտարարություններ անում: "Եվ շատ հետաքրքիր է իմանալ, թե ինչպիսին կլինի խաղաղության համաձայնագրի բովանդակությունը",- հայտարարել է նա։ Շարժման ղեկավարը հիշեցրել է նաև Ադրբեջանի նախագահի բազմաթիվ հայտարարություններն այն մասին, որ խաղաղության համաձայնագրի շուրջ բոլոր գործընթացները պետք է տեղի ունենան իրենց օրակարգին համապատասխան: "Ինչն այդպես էլ տեղի է ունենում", - ասել է նա:
Հիշեցնենք, որ Ադրբեջանի նախագահի այն հայտարարությունից հետո, թե՝ խաղաղության համաձայնագիրը կստորագրվի միայն այն դեպքում, եթե Հայաստանը փոփոխություններ մտցնի իր սահմանադրության մեջ, Հայաստանի ԱԳՆ-ը հանդես է եկել հետևյալ հայտարարությամբ. «Հայաստանի Հանրապետությունը չունի տարածքային պահանջներ իր որևէ հարևանից, այդ թվում և` Ադրբեջանից: ՀՀ Սահմանադրությունը և նրա փոփոխությունները ՀՀ ներքին գործն են, և դրա շուրջ դեռևս 2018 թվականից մեկնարկած ներհայաստանյան քննարկումներին միջամտելու պաշտոնական Բաքվի փորձերը գնահատում ենք որպես կոպիտ միջամտություն մեր երկրի ներքին գործերին: Միաժամանակ համարում ենք, որ նման խոսույթը տորպեդահարում է խաղաղության գործընթացը և կասկածի տակ է դնում Ադրբեջանի ղեկավարության՝ խաղաղության հասնելու անկեղծությունը: Հայաստանի և Ադրբեջանի միջև բանակցվող Խաղաղության համաձայնագիրը հստակորեն ամրագրում է, որ Կողմերը ճանաչում են միմյանց տարածքային ամբողջականությունը և տարածքային պահանջներ չունեն միմյանց նկատմամբ: Խաղաղության համաձայնագրի նախագծում համաձայնեցված դրույթ կա նաև այն մասին, որ կողմերից որևէ մեկը չի կարող հղում անել իր ներքին օրենսդրությանը Խաղաղության համաձայնագրով ստանձնած պարտավորությունները չկատարելու համար: Համաձայնագրի ստորագրումը և ներպետական ընթացակարգերով վավերացումը վերջնականորեն կամրագրեն այս սկզբունքները: Ըստ այդմ համարում ենք, որ Կողմերի բոլոր մտահոգությունները փարատելու ամենահստակ և ուղիղ ճանապարհը հենց Համաձայնագրի ստորագրումն է, որով երկարաժամկետ խաղաղության էջ կբացվի Հայաստանի և Ադրբեջանի միջև: Հայաստանի և Ադրբեջանի միջև Խաղաղության համաձայնագիրը բավականաչափ հասունացած է ստորագրման համար, և հայկական կողմն արտահայտում է իր պատրաստակամությունը կառուցողական և ինտենսիվ աշխատել՝ առաջիկա մեկ ամսվա ընթացքում այն ամբողջացնելու և ստորագրելու ուղղությամբ»:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
