Արմինֆո. Մեծի Տանն Կիլիկիո Կաթողիկոսությունը լիակատար զորակցություն է հայտնում Երուսաղեմի հայոց պատրիարքարանին եւ հայ համայնքին "Կովերի պարրտեզ" կալվածքի հարցում: Այդ մասին ասվում է կաթողիկոսարանի մամուլի ծառայության հաղորդագրությունում:
«Ն.Ս.Օ.Տ.Տ. Արամ Ա. Կաթողիկոս, Ժընեւի եւ Երուսաղէմէն ներս գտնուող Եկեղեցիներու Համաշխարհային Խորհուրդի (Ե.Հ.Խ.) պատասխանատուներուն ճամբով, մօտէն կը հետեւի Երուսաղէմի Հայոց Պատրիարքարանին շուրջ ստեղծուած մտահոգիչ կացութեան։ Ինչպէս Պատրիարքարանին կողմէ հրապարակուած եւ ստորեւ կցուած հաղորդագրութիւնը կը նշէ, շուրջ 30 անձերէ բաղկացած խումբ մը անծանօթ մարդիկ յարձակում գործած են Պատրիարքարանի միաբանութեան ու պաշտօնէութեան վրայ, իբրեւ բողոքի արտայայտութիւն «Կովերու Պարտէզ»ին գծով Պատրիարքարանին առած իրաւական քայլերուն։ Կան վիրաւորներ ու նիւթական վնասներ։ Ինչպէս միշտ, Մեծի Տանն Կիլիկիոյ Կաթողիկոսութիւնը իր ամբողջական զօրակցութիւնը կը յայտնէ Երուսաղէմի Հայոց Պատրիարքութեան ու հայ համայնքին եւ կոչ կ՚ուղղէ մեր ժողովուրդի զաւակներուն զօրավիգ կանգնելու Պատրիարքութեան իրաւունքներուն եւ ապահովութեան»,- նշվում է հաղորդագրությունում։
Հիշեցնենք, որ նախօրեին մի խումբ ահաբեկիչներ սև շորերով ու դիմակներով, թվով մոտ 30 հոգի՝ զինված փայտերով, արցունքաբեր նռնակներով ու այլ տեսակի միջոցներով հարձակում են գործել Երուսաղեմի հայկական թաղամասի «Կովերի պարտեզ» տարածքում գտնվող հայերի վրա՝ նրանց վնասելու, տարածքից դուրս հանելու և ահաբեկելու նպատակով: Այդ մասին հաղորդել է Israelahayer.com կայքը:
«Արդյունքում այս ահաբեկիչները քարեր են սկսել շպրտել հայերի վրա: Հայ երիտասարդներն ու անակնկալի եկած հայ հոգևորականներն իսկական մարտի են բռնկվել սրանց դեմ՝ համարժեք պատասխանելով ու պահելով տարածքը՝ մինչև 200 մետր հեռավորության վրա գտնվող հին քաղաքի ոստիկանները ուշացումով կհայտնվեին դեպքի վայրում: Հարձակումը կասեցվել է: 2 հայ տարվել է ոստիկանություն, թե արդյո՞ք հարձակվողները ձերբակալվել են ու պատիժ կկրեն այս պահին հայտնի չէ: Թե հարձակման արդյունքում 2 կողմից որքա՞ն տուժածներ կան, այս պահին հայտնի չէ: Սպասում ենք մեր պատրիարքարանի պաշտոնական հաղորդագրությանը», - գրել է կայքը:
Միեւնույն ժամանակ, Երուսաղեմի պատրիարքարանից հաղորդել են, որ մի քանի հոգևորական, ուսանողներ, բնիկ հայեր լուրջ վնասվածքներ են ստացել: "Սա հանցավոր պատասխան է, որը մենք ստացանք "Կովերի պարտեզի" հարցով Երուսաղեմի շրջանային դատարան հայց ներկայացնելու համար, որը դատարանը պաշտոնապես ստացել է 24 ժամ առաջ։ Հայոց Պատրիարքության գոյության սպառնալիքն այժմ ֆիզիկական իրականություն է դարձել։ Քահանաներն ու բնիկ հայերը պայքարում են իրենց կյանքի համար՝ տեղերում։ Մենք կոչ ենք անում իշխանություններին և ողջ աշխարհի միջազգային լրատվամիջոցներին օգնել մեզ փրկելու հայկական թաղամասը բռնի ավերումից, ինչին տեղական մակարդակով աջակցում են անանուն կազմակերպություններ", - հայտարարել են պատրիարքարանից։
Նշենք, որ Հայոց պատրիարքարանը 99 տարով իսրայելական ընկերությանը վարձակալության է հանձնել Երուսաղեմի Հին քաղաքի հայկական թաղամասի մի մասը: Երուսաղեմի հայ համայնքը դեմ է հանդես եկել այդ գործարքին ՝ կազմակերպելով բողոքի ակցիաներ։ Սույն թվականի նոյեմբերի 1-ին ՀԱԵ Երուսաղեմի պատրիարքարանի դիվանապետ Հայր Աղան Գոգչյանը հաղորդել է, որ Երուսաղեմի հայոց պատրիարքարանը նամակ է հղել Xana Gardens Ltd ընկերությանը, որում տեղեկացնում է, որ լուծում է Երուսաղեմի Հին քաղաքի հայկական թաղամասում գտնվող "Կովերի պարտեզ" կալվածքի վերաբերյալ 2021 թվականի հուլիսի 8-ի պայմանագիրը:
Կարծիք. Երևանի և Բաքվի միջև հակամարտության լուծումը թույլ է տալիս Վաշինգտոնին զրկել Ռուսաստանին Հարավային Կովկասում ազդեցության ամենակարևոր լծակներից
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
