Ադրբեջանը նացիստական պետություն է, և հայ ռազմագերու նկատմամբ դատը դրա հերթական ապացույցն է: ԱրմԻնֆո-ին այդպիսի կարծիք է հայտնել Արցախի նախագահի մամուլի քարտուղար Դավիթ Բաբայանը:
ԼՂՀ նախագահի ներկայացուցիչը ֆարս է համարել Բաղդասարյանի նկատմամբ դատավարությունը, որն ընթացել է դռնփակ, առանց արտաքին դիտարկման, առանց փաստաբանների և իրավապաշտպան կազմակերպությունների ներկայացուցիչների:
«Բաքվի գործողությունները, անպաշտպան գերիների նկատմամբ դաժան հաշվեհարդարի նրա մոլեգին ձգտումը նման են «Իսլամական պետության» գրոհայինների վայրագություններին: Ես կարծում եմ, որ միջազգային կազմակերպությունները և քաղաքակիրթ պետությունները պետք է հստակ եզրահանգումներ կատարեն, այլ ոչ թե Բաքվում անցկացնեն օլիմպիադա, որը հիշեցնում է 1938 թվականի Մյունխենի օլիմպիադան», - նշել է Բաբայանը:
Պատասխանելով այն հարցին, թե արդյոք Ստեփանակերտում ականկալում են արձագանք Պետդեպարտամենտից, որը փետրվարին կոչ էր արել որպես «մարդասիրական ակտ» ազատ արձակել երկու ադրբեջանցի դիվերսանտներին, Բաբայանը նշել է, թե, անշուշտ, ԱՄՆ պարտավոր է արտահայտել իր հստակ դիրքորոշումը: «Ադրբեջանցի դիվերսանտների դատավարությունը եղել է բաց, նրանց նկատմամբ ճնշում չի եղել` ոչ հոգեբանական, ոչ ֆիզիկական: Եվ եթե այդ ամենից հետո Պետդեպարտամենտը կոչ է անում «մարդասիրության», ապա պետք է անհամեմատ ավելի մեծ հետևողականություն դրսևորի հայ գերու պարագայում», - ասել է մամուլի քարտուղարը:
Բաբայանն ընդսմին հավելել է, որ Բաղդասարյանի դատավարությունն ադրբեջանցի դիվերսանտների նկատմամբ դատավճռի պատասխանը չէ, քանի որ «Ադրբեջանում գերիների նկատմամբ վայրագ վերաբերմունքի դեպքեր եղել են դեռ դիվերսանտներին առնչվող պատմությունից շատ առաջ»:
Լեռնային Ղարաբաղի պաշտպանության բանակի նախկին պայմանագրային ծառայող Արսեն Բաղդասարյանը գերեվարվել էր 2014 թվականի դեկտեմբերի 26-ին: ԼՂՀ պաշտպանության նախարարության հաղորդման համաձայն, Բաղդասարյանն անկարգապահ վարքագիծ էր դրսևորել, ինչի արդյունքում ենթարկվել էր քրեական հետապնդման: Ձգտելով խուսափել դատից` նա փախել էր Ադրբեջան: Բաղդասարյանի նկատմամբ քրեական գործ էին հարուցել դիվերսիա կազմակերպելու փորձի մեղադրանքով: Մայիսի 5-ին նա դատապարտվել է 15 տարի ազատազրկման` խիստ ռեժիմի ուղղիչ հաստատությունում:
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
