Արմինֆո. Հայաստանն անհավասարակշռություն է դրսեւորում իր հայտարարություններում և քաղաքականությունում։ Այդ մասին հայտարարել է Թուրքիայի արտգործնախարար Մևլութ Չավուշօղլուն՝ թուրքական լրատվամիջոցների հետ հարցազրույցում։
"Որոշ դեպքերում տեսնում ենք դրական հայտարարություն, իսկ հետո ինչ-որ լրիվ հակառակ գործողություն։ Ցավոք, մենք չենք տեսնում մեր ուզած անկեղծությունը։ Հայաստան-Ադրբեջան-Թուրքիա համագործակցությունն առավելապես բխում է Հայաստանի շահերից", - նշել է թուրք նախարարը։
Այս համատեքստում նա բարձր է գնահատել ավերիչ երկրաշարժի ընթացքում Հայաստանի օգնությունը թուրքական կողմին և այդ ֆոնին ՀՀ արտգործնախարարի այցը Թուրքիա: "Բայց հիմա հուշարձան են կանգնեցրել նրանց, ովքեր սպանել են մեր դիվանագետներին։ Մենք ժեստ ցույց տվեցինք, բացեցինք մեր օդային սահմանը, բայց հիմա փակեցինք ։ Մենք այն փակել ենք նաև ՎԻՊ-ինքնաթիռների, այդ թվում՝ Փաշինյանի ինքնաթիռի համար", - ասել է Չավուշօղլուն։
ՀՀ վարչապետ Նիկոլ Փաշինյանը, իր հերթին, մայիսի 5-ին "Ազատություն" ռադիոկայանի հարցազրույցում, անդրադառնալով հայ-թուրքական հարաբերություններում տեղի ունեցած այս միջադեպին, հայտարարել է, թե "Նեմեսիս" հուշարձանի հարցում սխալ որոշում է կայացվել, եւ այդ որոշման իրագործումը նույնպես սխալ է եղել: Այս առումով նա հավելել է, որ կառավարությունը չէ, որ որոշում է կայացրել հուշարձանի տեղադրման վերաբերյալ, հավելելով, թե ժողովրդավարության ամենամեծ թերություններից մեկն այն է, որ կառավարության ղեկավարը բոլորին չի վերահսկում: "Այո, դա մեր թիմն է։ Դա տեղի ունեցավ հուզական ֆոնի վրա և մի իրավիճակում, երբ Հայաստանում շատերը շատերին դավաճան էին համարում, և շատերը սպառնում էին շատերին գնդակահարությամբ՝ դավաճանության համար: Կան խորքային խնդիրներ", - ամփոփել է վարչապետը։
Հիշեցնենք, որ ապրիլի 29-ին Թուրքիան առանց նախազգուշացման փակել է իր օդային տարածքը Հայկական Flyone Armenia ավիաընկերության դեպի Եվրոպա չվերթների համար, և ավիաընկերության Փարիզ-Երևան չվերթի ինքնաթիռն ստիպված վայրէջք է կատարել Քիշնևում և միայն ապրիլի 30-ի գիշերը կարողացել է վերադառնալ "Զվարթնոց" օդանավակայան: Իսկ արդեն մայիսի 2-ին Թուրքիայի ավիացիոն իշխանությունները Flyone Armenia ավիաընկերությանը Թուրքիայի օդային տարածքով տարանցման (overflight) հնարավորություն չեն տվել։ Այդ պատճառով ընկերությունն ստիպված է եղել չեղարկել Երևան-Փարիզ-Երևան չվերթը։ Այդ առնչությամբ Չավուշօղլուն հայտարարել է, որ Թուրքիան փակել է երկինքը Հայաստանի ինքնաթիռների համար՝ "ի պատասխան Երևանում տեղի ունեցած սադրանքի"՝ ապրիլի 25-ին "Նեմեսիս" գործողության մասնակիցների հուշարձանի բացման։:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
