Եվրասիական տնտեսական միությանն անդամակցությունը Հայաստանին կանգնեցրել է ռազմավարական նոր մարտահրավերների առջև, ասվում է Հայ Յեղափոխական Դաշնակցության Ընդհանուր ժողովի հայտարարության մեջ: Ժողովը գումարվել է 2015 թվականի հունվարի 16-24-ին՝ Դիլիջանում։
ՙԺողովը քննարկեց և արժևորեց կուսակցության անցնող հաշվետու ժամանակաշրջանի գործունեությունը, ձեռքբերումներն ու բացթողումները, ապա լրամշակման ենթարկեց առաջիկա քառամյակի համար ՀՅԴ քաղաքական ուղեգիծն ու ռազմավարությունը, արտաքին և ներազգային ճակատներում գործունեությունն ու դիրքորոշումները` իր համահայկական և Հայաստանակենտրոն աշխարհայացքի հիման վրա։
Ժողովը արձանագրեց որ՝
ա) Հայաստանն ու հայությունը դիմագրավում են լուրջ մարտահրավերներ՝ Հայաստանի և Արցախի անկախ հանրապետությունները ամրապնդելու, արդյունավետ կառավարում ապահովելու, համահավաք ուժերով գործելու, մեր ժողովրդի ինքնադրսևորման համար բարենպաստ, ազատ պայմաններ երաշխավորելու առումով։
բ) Հայաստանի քաղաքական համակարգի անկատարությունը, ժողովրդավարության արմատավորման դժվարությունները, բարոյահոգեբանական անառողջ մթնոլորտը, անարդարությունները խարխլում են հայ հասարակության վստահությունը սեփական պետության հանդեպ։ Մեծ չափերի հասնող գործազրկությունն ու աղքատությունը, արտագաղթը պարտադրում են վարվող տնտեսական քաղաքականության արմատական փոփոխություն։
գ) Հայաստանի ներքաղաքական հիմնական հարցերն են` իշխանություն-ընդդիմություն միասնական քաղաքական համակարգի կայացումը, բիզնեսի և քաղաքականության իրական տարանջատումը, ժողովրդի ազատ կամարտահայտությամբ նոր որակի իշխանության ձևավորումը, ընկերային արդարության հաստատումը, քաղաքացիների իրավունքների լիարժեք պաշտպանությունը։
դ) Հարավային Կովկասում և ընդհանրապես տարածաշրջանում, սաստկացել է մեծապետական ուժերի մրցապայքարը՝ ազդեցության գոտիների ընդլայնման կամ ամրապնդման նպատակով։
ե) Եվրասիական Տնտեսական Միությանն անդամակցությունը Հայաստանին կանգնեցրել է ռազմավարական նոր մարտահրավերների առջև։
զ) Ադրբեջանը նոր թափ է հաղորդել իր ռազմապաշտ քաղաքականությանը, զինադադարի գրեթե ամենօրյա խախտումներ կատարելով և լայն ծավալի առճակատման վտանգ ստեղծելով։
է) Թուրքիան կիրարկում է ագրեսիվ քաղաքականութուն իր երբեմնի կայսերապետական դիրքերը վերականգնելու նպատակով, որի թիրախներից են հայրենամերձ գոտիների հայկական գաղութների կազմալուծումն ու ֆիզիկական վտանգի ենթարկելը։
Ընդհանուր ժողովը որոշեց, որ Հայ Յեղափոխական Դաշնակցությունը հետամուտ պետք է լինի՝
ա) Հայաստանի Հանրապետության քաղաքական համակարգի արմատական փոփոխությանը՝ սահմանադրական բարեփոխումների ճանապարհով և ընկերային արդարության հաստատումով.
բ) Արցախյան հիմնախնդրի խաղաղ կարգավորման և Արցախի Հանրապետության անկախության ճանաչման ջանքերը շարունակելով, հայության ուժերի մեկտեղման միջոցով` դիմակայել Հայրենիքի անվտանգությանը սպառնացող վտանգներին.
գ) Հայոց Ցեղասպանության 100-րդ տարելիցը նկատելով որպես Հայ Դատի պայքարի վերանորոգման հանգրվան՝ Հայ Դատի ռազմավարական նպատակ նկատել Թուրքիայից հողային պահանջատիրութունը. Հայոց ցեղասպանության ճանաչումն ու հատուցումը հետապնդել համազգային համակարգված ծրագրով.
դ) Պաշտպանել Ջավախքի հայության իրավունքները. Ջավախքի հայկական ինքնության պահպանումը համարել հայ-վրացական հարաբերությունների սերտացման գրավական.
ե) Ամբողջական զորակցություն և հետևողական օժանդակութուն ցուցաբերել սիրիահայության ինքնապահպանման պայքարին՝ քաղաքական, նյութական և բարոյական բոլոր ուղղություններով.
զ) Համախմբել Սփյուռքի ուժերը` ի խնդիր հայկական գաղթօջախների կենսունակության և Հայրենիք-Սփյուռք համագործակցության ընդլայնման։
Հայ Յեղափոխական Դաշնակցությունը իր ամբողջական զորակցութունն է հայտնում Հայաստանի և Արցախի Հանրապետությունների անկախության գլխավոր երաշխավոր հայոց բանակին, զինված ուժերի ողջ անձնակազմին, որոնք օրնիբուն, հակառակ բոլոր վտանգների, պաշպանում են Հայրենիքի անվտանգությունն ու մեր ժողովրդի անդորրն ու խաղաղությունը։
Հայ Յեղափոխական Դաշնակցությունը իր 125-ամյակի առիթով վերանորոգում է հանձնառությունը՝ բոլոր ուժերով նվիրվելու Հայաստանի ու հայության առջև ծառացած խնդիրների լուծմանը, տարածաշրջանում ազդեցիկ գործոն դառնալու, մեր ազգային արժանապատությունը պահպանելու, ինքնիշխանութունը ամրապնդելու և համահայկական ներուժի ամբողջական կազմակերպումն ու հզորացումը իրականացնելու համար՚,- ասվում է հայտարարության մեջ:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
