Արմինֆո. Ռուսաստանը Լեռնային Ղարաբաղում կմնա այնքան ժամանակ, քանի դեռ այնտեղ հայեր են ապրում։ ԱրմԻնֆո-ին այդպիսի կարծիք է հայտնել ԱՊՀ երկրների ինստիտուտի եվրասիական ինտեգրման և ՇՀԿ զարգացման բաժնի վարիչ, ռազմական փորձագետ Վլադիմիր Եվսեևը։
"Մենք հասկանում ենք, որ Լեռնային Ղարաբաղում մեր ներկայության հեռանկարներն, առաջին հերթին, կախված են այդ հանրապետությունում, ըստ էության, հայ բնակչության պահպանումից։ Այս լույսի ներքո՝ ՌԴ-ի համար այսօր կարևոր է ոչ թե այն, թե ինչ են մտածում և խոսում Բաքվում, այլ այն, թե արդյոք ղարաբաղցի հայերն ուզում են մնալ և ապրել իրենց տներում։ Եվ եթե նրանք ցանկանում են շարունակել ապրել իրենց հայրենիքում, Ղարաբաղում կմնան նաև մեր խաղաղապահները։ Իսկ ստիպել նրանց հեռանալ այնտեղից՝ Բաքվին չի հաջողվի", - ընդգծել է նա։
Այս և աշխարհաքաղաքական այլ իրադարձությունների և հեռանկարների լույսի ներքո մեկնաբանելով Հայաստանի սահմանների վրա ադրբեջանական հերթական հարձակման հավանականությունը՝ փորձագետն այն գնահատել է որպես քիչ հավանական։ Վերջինը Եվսեեւը պայմանավորում է հետխորհրդային տարածքում Ռուսաստանի շարունակական ամրապնդմամբ եւ հաստատմամբ: Նշելով վերջին շրջանում Մոսկվայի կողմից ցուցադրվող իր շահերը պաշտպանելու վճռականությունը՝ փորձագետն ընդգծել է, որ Հարավային Կովկասում նրա դաշնակիցը Երևանն է, այլ ոչ թե Բաքուն։
"Իմ կանխատեսումներով՝ Ադրբեջանը հերթական լայնածավալ ռազմական սադրանք չի հրահրի։ Հատկապես, այն պայմաններում, երբ Ռուսաստանի դիրքորոշումը գնալով ավելի ու ավելի կխստանա ։ Կարծում եմ, որ այս ամենը Բաքվին կանգնեցնում է արդեն այսօր։ Եվ, իհարկե, Բաքուն պետք է պատրաստվի դրան արդեն վաղը։ Ղարաբաղի կամ Հայաստանի վրա ադրբեջանական հարձակման կատալիզատոր չեն դառնա նաև Դոնբասում հնարավոր ռազմական գործողությունները։ Թեկուզ, պարզապես, այն պատճառով, որ հնարավոր պատերազմի ելքն ակնհայտ է՝ դա ուկրաինական բանակի լիակատար ջախջախումն է", - կանխատեսում է նա։
Պատասխանելով Արցախի չճանաչված հանրապետության իրավական կարգավիճակի որոշման հնարավորության վերաբերյալ հարցին՝ ռուս փորձագետը կանխատեսել է տվյալ հարցի եւ, ընդհանուր առմամբ, այդ օրակարգի հետաձգում ապագային: Ըստ Եվսեևի՝ ԼՂ կարգավիճակի որոշման անհրաժեշտությունը առաջին պլան մղելու համար պետք է հասնել ՀՀ ԶՈՒ մարտունակության վերականգնման։
"Դրա համար, իրադարձությունների բարենպաստ զարգացման դեպքում, կպահանջվի մոտ 3 տարի։ Խոսքը հայկական բանակի մակարդակի մասին է, որն ի զորու լինի ապահովել 44-օրյա պատերազմից հետո Ադրբեջանի օգտին փոխված ուժերի տարածաշրջանային հաշվեկշիռը։ Այս լույսի ներքո՝ այսօր հնարավոր է թվում միայն ԼՂ կարգավիճակի հարցի քննարկումները թողնել մինչև լավագույն ժամանակներ։ Ավելի կոնկրետ՝ մինչև ուժերի տարածաշրջանային հաշվեկշռի վերականգնումը", - ամփոփել է Եվսեևը։
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
