Արմինֆո.Հայաստանի և Ադրբեջանի սահմանին վերջին զինված էսկալացիան մի քանի պատճառ ունի։ ԱրմԻնֆո-ին այդպիսի կարծիք է հայտնել ԱՊՀ երկրների ինստիտուտի Կովկասի բաժնի վարիչ, ռազմական փորձագետ Վլադիմիր Եվսեևը։
"Գիտեք, Բաքվի էյֆորիան Լեռնային Ղարաբաղում անցյալ տարվա պատերազմում տարած հաղթանակից հետո թեժացվում է արտաքին ուժերի կողմից, որոնք շահագրգռված չեն Հարավային Կովկասում ՌԴ ներկայության ընդլայնմամբ։ Ընդհանուր առմամբ, Հայաստանի և Ադրբեջանի միջև լայնածավալ պատերազմի հնարավորություն այսօր ես չեմ տեսնում, բայց բացառել Ղարաբաղում նոր պատերազմի հավանականությունը, նույնպես, չի կարելի։ Նոր պատերազմ կարող են հրահրել ինչպես ներքաղաքական պատճառները, անցած տարվա ընթացքում Ադրբեջանն այդպես էլ չհասավ դրված նպատակներին, այնպես էլ արտաքին ուժերի միջամտությունը, օրինակ՝ Թուրքիայի", - ընդգծել է նա։
Ըստ Եվսեևի՝ Մոսկվան, իհարկե, կարող է կանխել հակամարտության գոտու ընդլայնման հեռանկարը՝ Գյումրիում տեղակայված 102-րդ ռուսական ռազմակայանից զինվորականների մի մասը տեղափոխելով սահման։ Դրանով իսկ Ադրբեջանի վրա կգործադրվի ճնշում, որը, նրա գնահատմամբ, այժմ ի վիճակի չեն նրա վրա գործադրել Հայաստանի զինված ուժերը։ Վերջիններս, փորձագետի կարծիքով, դեռ վերականգնման կարիք ունեն և պատրաստ չեն լայնածավալ ռազմական գործողությունների։
Փորձագետի խոսքով՝ այս ամենում կրկին առկա է նաեւ հաղորդակցությունների խնդիրը, որն էապես դժվարացնում է լրացուցիչ զորակազմի հնարավոր մուտքը Հայաստան։ Մասնավորապես, Եվսեևը նման խոչընդոտ է համարում Ռուսաստանի և Հայաստանի միջև ընդհանուր սահմանի բացակայությունը։ Այս լոույսի ներքո՝ նա նպատակահարմար է համարում Հայաստանի տարածքում ՌԴ երկրորդ ռազմակայանի ստեղծումը, քանի որ 102-րդ ռազմակայանն, ընդհանրապես, նախատեսված չէ Ադրբեջանից Հայաստանի պաշտպանության համար։
"Այս ողջ իրավիճակում Հայաստանի իշխանությունների մեղքն էլ կա։ Եվ մեղքը փոքր չէ։ Առաջին հերթին՝ նկատի ունենալով տարածաշրջանում լարվածության թուլացման ուղղությամբ Երևանի քայլերի բացակայությունը։ Ի վերջո, երկրի ղեկավարը պետք է, պարտավոր է ապահովել նրա տարածքային ամբողջականությունը։ Եվ եթե ձեր վարչապետն ունակ չէ ապահովել այն, ապա, հավանաբար, նա, այնուամենայնիվ, պետք է հրաժարական տա և ճանապարհ բացի այն մարդկանց համար, ովքեր կկարողանան դա ապահովել", - նշել է նա։
Նշելով Ռուսաստանի նկատմամբ շանտաժի ցանկացած փորձի ապարդյուն լինելը՝ Եվսեեւն ընդգծել է, որ Հայաստանում Ռուսաստանը չի պատերազմելու հայերի փոխարեն ։ Նա կարող է դա անել միայն հայերի հետ միասին։ Այս լույսի ներքո՝ նա առանձնացրել է Հայաստանի ղեկավարության, իր կարծիքով, երկդիմի քաղաքականությունը, որը սեփական ձեռքերով երկրում հակառուսական տրամադրություններ է հրահրում և զուգահեռաբար Ռուսաստանից օգնություն ակնկալում՝ ենթակառուցվածքի ստեղծման ուղղությամբ որևէ քայլերի բացակայության պայմաններում, որով այդ օգնությունը կարող էր հասնել Հայաստան։
Նոյեմբերի 14-ին գնդակոծելով հայկական զինուժի դիրքերն արևելյան ուղղությամբ՝ Ադրբեջանը էսկալացիայի հերթական փուլն է սկսել Հայաստանի հետ հակամարտությունում։ Նոյեմբերի 16-ին Ադրբեջանի ԶՈւ ստորաբաժանումները հրետանային միջոցների, զրահատեխնիկայի և հրաձգային զենքի կիրառմամբ գրոհել են հայկական դիրքերը նույն ուղղությամբ ՝ ներթափանցելով Հայաստանի տարածք: Լոկալ մարտերի արդյունքում երկու կողմերն էլ կորուստներ ունեն։ Մարտերը դադարել են նույն օրը՝ ռուսական կողմի միջնորդությամբ ձեռք բերված պայմանավորվածության համաձայն:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
