Սահակաշվիլին զուգահեռներ է անցկացրել Վրաստանում ընթացող գործընթացների եւ Հայաստանում "թավշյա հեղափոխության" միջեւ

Արմինֆո. Վրաստանի նախկին նախագահ Միխեիլ Սահակաշվիլին զուգահեռներ է անցկացրել Վրաստանում ընթացող գործընթացների եւ Հայաստանում "թավշյա հեղափոխության" միջեւ ՝ մեկնաբանելով ընտրությունների երկրորդ փուլի արդյունքները ։

Հայրանակիցներին հղած իր նամակում, Սահակաշվիլին, մասնավորապես, հայտարարել է. "Ես շատ զայրացած եմ եւ վիրավորված, բոլոր վրացիները, որոնք հարգում են իրենց, պետք է զայրացած լինեն եւ վիրավորված։ Մեզանից խլեցին ընտրությունները բոլոր խոշոր քաղաքներում, այդ ընտրությունները շահեցինք մենք, և մի խումբ ավազակներ, որոնք յուրացրեցին Վրաստանի իշխանությունը, մեզնից խլեցին այդ հաղթանակը, կողոպտեցին մեզ և զրկեցին մեզ երկրի տեր լինելու մեր գլխավոր իրավունքից"։

Սահակաշվիլիի խոսքով ՝ երկրում պետք է արտահերթ ընտրություններ նշանակվեն։ "Ինչ պետք է անենք։ Միայն մեկ բան. մենք պետք է ստիպենք վճարել այն գինը, որ իրենց հարգող ժողովուրդները ստիպում են վճարել կեղծ իշխանությանը, մենք պետք է վերցնենք իշխանությունը և ստիպենք պատասխան տալ օրենքի առաջ ։ Այդպես վարվեց մեր հարևան Հայաստանը։ Այնտեղ Փաշինյանը պայքարում էր օլիգարխի դեմ, տրամաչափով չորս անգամ ավելի մեծ Իվանիշվիլիից, որի հետևում կանգնած էր Ռուսաստանը և նրա ընտրություններն էլ կեղծեցին, բայց հայ ժողովուրդը, միևնույն է, հաղթեց, շատերը, և ավելի շատ դուրս եկան փողոց, մինչև ավազաակային կառավարությունը կոտրվեց, հեռացավ, և արտահերթ ընտրություններ նշանակվեցին։ Կեղծարար հանցագործները պետք է հեռանան, և պետք է հայտարարվեն արտահերթ ընտրություններ։ Նույնը արեցին ուկրաինացիները Յանուկովիչի հետ, երբ նա ամբողջությամբ անցավ ռուսների կողմը, իսկ Յանուկովիչը շատ ավելի անհոգ ու հարուստ էր, քան Իվանիշվիլին։ Ի վերջո, նման հեղափոխությունների գաղափարը Վրաստանը ծնել է մեր սերնդի օրոք, և միթե մենք չենք կարող անել այն, ինչին ուրիշներն ավելի շուտ են ընդօրինակել և, նույնիսկ, հաջողել են։ Մենք շատ ժամանակ չունենք, մենք պետք է գործենք շատ տեղերում և մեծ քանակությամբ։ Մենք պետք է լսենք առաջնորդների տեսակետները եւ վերցնենք նախաձեռնությունը տեղերում: Իհարկե, զուգահեռաբար, մենք պետք է բողոքարկենք ամեն ինչ, քանի որ դիտարկումների նման աղետալի արդյունքներ չեն եղել ոչ Հայաստանում, ոչ Ղրղզստանում, ոչ "Վարդերի հեղափոխության" ժամանակ, բայց հիմա մենք ունենք լիակատար լեգիտիմացում փողոցային բողոքների եւ բռնությանը դիմադրելու համար", - գրել Է Սահակաշվիլին վրացական բանտից, որտեղ արդեն մեկ ամիս է գտնվում է, հաղորդում է Գրուզիա-օնլայնը:

Այսպիսով, փաստորեն,  Սահակաշվիլին Հայաստանի երրորդ նախագահին մեղադրել է ընտրությունները կեղծելու մեջ։ Մինչդեռ, 2009թ. հունիսի 24-ին հենց Սերժ Սարգսյանն է հրամանագիր ստորագրել Վրաստանի նախագահ Միխեիլ Սահակաշվիլիին Պատվո շքանշանով պարգեւատրելու մասին' հայ-վրացական դարավոր բարեկամության ամրապնդման, ինչպես նաեւ Հայաստանի եւ Վրաստանի միջեւ համագործակցության ամրապնդմանն ուղղված գործունեության համար: Շքանշանը Սահակաշվիլիին է հանձնվել Երեւան կատարած այցի ժամանակ։ Պատվո շքանշանը հանձնվում է Հայաստանի Հանրապետության պետական եւ ազգային շահերի պաշտպանության, անկախության, ժողովրդավարության հաստատման գործում հատուկ ծառայությունների, Հայաստանի Հանրապետության հետ բարեկամության հաստատման, ամրապնդման եւ զարգացման, ինչպես նաեւ ժողովուրդների միջեւ խաղաղության ամրապնդման գործում ներդրած նշանակալի ավանդի համար: Պատվո շքանշանը Հայաստանի բարձրագույն պետական պարգեւն է, որը շնորհվում է օտարերկրյա պետությունների քաղաքացիներին