Արմինֆո. Ամերիկայի Հայ դատի հանձնախումբը (ANCA), ողջունելով ԱՄՆ գործադիր եւ օրենսդիր իշխանությունների կողմից Սիրիայում Թուրքիայի վայրագությունների նկատմամբ պատժամիջոցների առաջին ալիքը, միաժամանակ համոզմունք է հայտնել, որ Անկարան լուրջ չի ընկալելու Վաշինգտոնի զսպվածության կոչերը այնքան ժամանակ, քանի դեռ նախագահն ու Կոնգրեսը շարունակում են Թուրքիայի Հանրապետության նկատմամբ թողտվության քաղաքականությունը' հրաժարվելով ճանաչել և դատապարտել Առաջին համաշխարհային պատերազմի ժամանակ հայերի եւ մյուս քրիստոնյա ազգերի ցեղասպանությունը:
Մասնավորապես, Ամերիկայի Հայ դատի հանձնախմբի գործադիր տնօրեն Արամ Համբարյանը համոզմունք է հայտնել, որ ԱՄՆ իշխանությունները պետք է հաղթահարեն վետոն եւ ճանաչեն Հայոց ցեղասպանությունը, եթե ցանկանում են, որ Էրդողանը ԱՄՆ-ին լուրջ ընդունի:
ANCA-ն նաեւ հաղորդել Է, որ Կոնգրեսում գործարկվել է առցանց տեղեկատվական արշավ՝ anca.org/StopErdogan, որտեղ կոչ է արվում անհապաղ կիրառել Թուրքիայի նկատմամբ պատժամիջոցների մասին օրենսդրությունը և ընդունել Հայոց ցեղասպանության ճանաչման բանաձեւը (S. Res.150 և H. Res.296):
Նախօրեին հայտնի դարձավ, որ ԱՄՆ նախագահ Դոնալդ Թրամփը հրամանագիր է ստորագրել Թուրքիայի նկատմամբ պատժամիջոցների մասին՝ Սիրիայում ստեղծված իրավիճակի պատճառով: Փաստաթուղթը, ինչպես հետեւում է Պետդեպարտամենտի ղեկավար Մայք ՓոմՓեոյի հայտարարությունից, կոչված է ճնշում գործադրելու Անկարայի նկատմամբ, որպեսզի ստիպի նրան դադարեցնել գործողությունը Սիրիայի Արաբական Հանրապետությունում: Սահմանափակումները կարող են առնչվել մարդկանց եւ կազմակերպությունների, որոնց գործողությունները վտանգ են ստեղծում քաղաքացիական անձանց համար կամ հանգեցնում են խաղաղության, անվտանգության եւ կայունության հետագա խաթարմանը տարածաշրջանում:
ԱՄՆ ֆինանսների նախարարությունում պարզաբանել են, որ պատժամիջոցների ցանկում արդեն հայտնվել են Թուրքիայի պաշտպանության և էներգետիկայի նախարարությունները, դրանց ղեկավարներ Հուլուսի Աքարն ու Ֆաթիհ Դոնմեզը, ինչպես նաեւ իշխող Արդարության եւ զարգացման կուսակցության փոխնախագահ Սուլեյման Սոյլուն: Բացի այդ, ավելի վաղ հաղորդվել էր, որ Վաշինգթոնը մտադիր է թուրքական պողպատի սակագները բարձրացնել մինչեւ 50 տոկոսով, այսինքն՝ մինչեւ այն մակարդակը, որը գործում էր մինչեւ մայիսյան իջեցումը: Միացյալ Նահանգները նաեւ կդադարեցնի Առեւտրի նախարարության հովանու ներքո Անկարայի հետ հարյուր միլիարդ դոլարի գործարքի շուրջ բանակցությունները:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
