Արցախի ՏԻՄ ընտրություններում հաղթել է <Ազատ Հայրենիք> կուսակցությունը

Արմինֆո. Տեղական ինքնակառավարման մարմինների ընտրություններում համոզիչ հաղթանակ է տարել <Ազատ Հայրենիք> կուսակցությունը:

Կուսակցությունից առաջադրված թեկնածուները հաղթել են Արցախի 12 քաղաքներից 10-ում: Հադրութում և Ստեփանակերտում կուսակցությունը չի առաջադրել իր թեկնածուներին։ Այնուամենայնիվ, Ստեփանակերտում հաղթանակ է տարել կուսակցության կողմից աջակցվող անկախ թեկնածու Դավիթ Սարգսյանը, որը ստացել է 7787 ձայն, երկրորդ տեղը զբաղեցրել է Գրիգորի Սարգսյանը՝ 4765 ձայնով: <Ազատ Հայրենիք> կուսակցությունը հաղթանակ է տարել նաև գյուղական համայնքների ճնշող մեծամասնությունում:

Ստեփանակերտի նորընտիր քաղաքապետ Դավիթ Սարգսյանը գործարար է,  <Consult Financ Group> ընկերության սեփականատեր: Նա նաև Արցախի քիքբոքսինգի ֆեդերացիայի նախագահն է։ Նշենք, որ Արցախի 228 համայնքներում անցկացվել են ՏԻՄ ընտրություններ։  Ընտրություններին մասնակցել է ավելի քան 67 հազար մարդ կամ 65.6 տոկոսը։