ՀՀ-ում Ռուսաստանի և Ղազախստանի դեսպանները համակարծիք են երկրի տնտեսության վրա ԵԱՏՄ-ին Հայաստանի անդամակցության դրական ազդեցության հարցում

Արմինֆո.Եվրասիական տնտեսական միության ստեղծումն, իրոք, պատմական իրադարձություն է, ԵԱՏՄ-ն կայացել է՝ չնայած տարբեր հոռետեսական կանխատեսումներին, և լուծում է իր առջև դրված հիմնախնդիրները: Այդ մասին <ԵԱՏՄ-ին Հայաստանի մասնակցության չորս տարին. Եվրասիական ինտեգրման իրողություներն ու հեռանկարները> խորհրդաժողովի ժամանակ հայտարարել է Հայաստանում Ռուսաստանի դեսպան Սերգեյ Կոպիրկինը: 

Դիվանագետի խոսքով, ԵԱՏՄ-ն համարժեք պատասխաններ է տալիս 21-րդ դարի մարտահրավերներին, տնտեսությունների տուրբուլենտությանը, տարբեր գլոբալ խնդիրներին և ճգնաժամերին: <Միությունն արդեն ապացուցել է իր կայացվածությունը>,- հավաստիացրել է դեսպանը:

Անդրադառնալով կառույցին Հայաստանի անդամակցությանը՝ Կոպիրկինը հայտարարել է, որ Եվրասիական տնտեսական միությանը հանրապետության անդամակցությունը նպաստել է վերջինիս տնտեսական զարգացմանը: Այսպես՝  2017 թ. ՀՀ ՀՆԱ-ի աճը կազմել է 7.5%, ԵԱՏՄ երկրներ արտահանումն ավելացել է ավելի քան 43%-ով և կազմել $2 մլրդ: <Հայաստանն ունի անհրաժեշտ ամեն բան եվրասիական տարածության այլ պետությունների հետ ինտեգրման և համագործակցության համար՝ ներառյալ տեխնոլոգիական կենտրոնները, երկրիրն ունի  բարձր տեխնոլոգիական արտադրանքի թողարկման և բարձր տեխնոլոգիաների մշակման մեծ ներուժ ու բոլոր հնարավորություններ>,- հայտարարել է Կոպիրկինը:

Ռուս գործընկերոջ հետ համաձայնել է նաև Հայաստանում Ղազախստանի դեսպան Թիմուր Ուրազաևը՝ ընդգծելով, որ ԵԱՏՄ-ում 4 տարին այդքան շատ չէ, բայց դրական վիճակագրությունն արդեն իսկ խոսուն է:

Ըստ որում, դիվանագետը նշել է, որ Ղազախստանը մանրամասն ուսումնասիրում է Հայաստանից հնչող կարծիքներն ու գնահատականները: <Եվ հանրապետության հետ մեր մոտ հարաբերությունները հնարավորություն են տալիս խոսել սխալների մասին և աշխատել դրանք շտկելու ուղղությամբ: Մենք կարող ենք խոսել դեռևս չիրագործված մեր հնարավորությունների մասին, բայց չենք կարող չառաջնորդվել վիճակագրական ծառայությունների պաշտոնական տվյալներով: Եվ մենք չենք կարող չտեսնել, որ Հայաստանի արտահանումն աճում է՝ կայուն տնտեսական աճի պայմաններում, և դա վկայում է այն մասին, որ հենց ԵԱՏՄ-ն է տալիս այդ հնարավորությունը>,- հայտարարել է Ուրազաևը:

Նրա խոսքով, պաշտոնական վիճակագրությունը վկայում է հստակ տեղաշարժերի առկայության մասին: Այսպես՝ Հայաստանի և Ղազախստանի միջև ապրանքաշրջանառությունն ամեն տարի աճ է արձանագրում, և միայն այս տարա առաջին 10 ամսում երկու անգամ ավելացել է՝ անցած տարվա ցուցանիշների համեմատ: 

Ուրազարը նշել է, որ աճը կարող է ավելի էական լինել, եթե չլինեին մի շարք օբյեկտիվ գործոններ՝ արդյունավետ լոգիստիկայի բացակայություն, Հայաստանի ոչ մեծ շուկա և Ղազախստանի շուկայի առանձնահատկությունը: Ըստ որում, դիվանագետը համոզմունք է հայտնել, որ ԵԱՏՄ երկրների տնտեսությունները լավ աապագա ունեն: