Արմինֆո. Կառավարության շենքի մոտ այսօր տեղի է ունեցել Լիդիան ընկերության աշխատակիցների հերթական պիկետը, որոնք ապրում են հանքավայրին հարակից համայնքներում: Ըստ Լիդիան Արմենիայի կենսաբազմազանության մոնիտորինգի մասնագետ Մխիթար Արշակյանի, հանքարդյունաբերության նախագիծը պարապուրտի մեջ է 53 օր, այդ ընթացքում 3 նամակներ է ուղարկվել կառավարությանը, կոչ անելով միջոցներ ձեռնարկել ակտիվիստների խմբի ամենաթողության դեմ, որոնք փակել են հանքավայրի ճանապարհը և այդպիսով դադարեցրել աշխատանքային գործընթացը:
Նշենք, որ ճանապարհները դեպի Ամուլսարի ոսկու հանքավայր արդեն փակ են գրեթե 2 ամիս, մի խումբ ակտիվիստների կողմից, ովքեր դեմ են հանքավայրի շահագործմանը: Ոստիկանությունը չի միջամտում:
«Չնայած կառավարությանն ուղղված մեր կոչերին, որևէ գործողություն չի ձեռնարկվում», - ասել է Արշակյանը մամուլին տված հարցազրույցում: Հետևաբար, աշխատակիցները որոշեցին կրկին դիմել իշխանություններին: Այս անգամ արդյունքն իրեն երկար չսպասեցրեց: Փոխվարչապետ Տիգրան Ավինյանի գրասենյակի ղեկավար Սերժ Վարագ Սիսեռյանը ընկերության 6 աշխատակիցներին հրավիրեց լրագրողների ներկայությամբ երկխոսության:
Ներկայացնելով իրավիճակը, Արշակյանը հնչեցրեց հիմնական խնդիրը, որը մտահոգում է ընկերության բոլոր աշխատակիցներին: «Մենք համբերատար էինք և խոնարհ է 53 օր, քանի որ այդ մասին մեզ խնդրել էր վարչապետը Ջերմուկ կատարած իր այցի ընթացքում: Նույն խնդրանքն ուղղվել է նաև բողոքի ակցիաներ ակտիվիստներին, բայց դրանից հետո էլ որևէ փոփոխություն տեղի չի ունեցել: Խախտված է մեր աշխատանքի իրավունքը: Մենք երեք անգամ նամակ ենք ուղարկել կառավարությանը: Չստանալով որևէ արձագանք, երեկ որոշեցինք հարակից համայնքների բնակիչների հետ, ովքեր ընկերության աշխատակիցներն են, հավաքվել կառավարության շենքի մոտ և ստանալ մեր գլխավոր հարցի պատասխանը`ինչու է խախտվում աշխատելու մեր իրավունքը, և երբ կարող ենք վերադառնալ մեր աշխատատեղեր»:
Սերժ Վարագ Սիսեռյանին կոչ է արել լինել համբերատար մինչև ամսվա վերջ, երբ կներկայացվեն Ամուլսարի նախագծի ուսումնասիրության աշխատանքային խմբի եզրակացությունները: «Ես գիտեմ, որ բավականաչափ երկար եք սպասել, և ձեր աշխատելու իրավունքը խախտվել է: Բայց խնդրում եմ համբերատար լինել ևս 15 օր: Վստահեցնում եմ, որ այս ամսվա վերջում որոշումը կկայացվի», - ընդգծել է նա: Այս համատեքստում փոխվարչապետը գրասենյակի տնօրենը վստահեցրել է, որ ուսումնասիրությունների արդյունքները կլինեն օբյեկտիվ, ինչպես նաև վարչապետի դրան հաջորդող որոշումները: «Աշխատանքային խմբի մեջ ընդգրկված է նաև մեր ներկայացուցիչը, փոխվարչապետի օգնական Միքայել Նահապետյանը: Մենք մեր կողմից անում ենք հնարավոր ամեն ինչ, ապահովելու հետազոտական թիմի բնականոն գործունեությունը», - ասել է նա:
Իր հերթին, Լիդիան ընկերության մարկշեյդեր Կարեն Բադալյանը դիմել է Սերժ Վարագ Սիսեռյանին, հակընդդեմ առաջարկով. «Քանի որ մենք այս 53 օրերին գնացել ենք զիջումների, ապա ինչու ցուցարարները նույնպես չեն կարող վարվել նման կերպ առաջիկա 15 օրերի ընթացքում, և մեզ թույլ տալ մինչև ամսվա վերջ սկսել աշխատելը: Այդ ժամանակահատվածում մենք, միևնույնն է, չենք կարող բացել հանքավայրը, բայց գոնե մարդիկ զրկված չեն լինի աշխատանքից և կպահպանեն իրենց աշխատանքները»: Միևնույն ժամանակ, նա բարձրացրել է միգրացիայի հարցը: Մասնավորապես, նա ընդգծել է, որ Սարավանից, որը սահմանամերձ համայնք է, արդեն սկսվել է աշխատակիցների արտագաղթը, աշխատանքը փնտրելու նպատակով: «Ես նույնպես, եթե խնդիրը չլուծվի, մտադիր եմ արտագաղթել երկրից», - ընդգծել է Բադալյանը:
Վերջում, փոխվարչապետ իրավական հարցերով օգնական Վահե Դանիելյանը հավելել է, որ աշխատանքային խմբի ուսումնասիրությունը կտարածվի բացարձակապես բոլոր հանքավայրերի վրա, որոնք շահագործվում են Հայաստանի տարածքում: «Ձեր աշխատանքը չի կասեցվել պետության կողմից, այլ մի քանի անձանց, որոնք այն կարծիքին են, որ Ամուլսարի ծրագիրը պարունակում է բնապահպանական և առողջապահական ռիսկեր: Այժմ, վարչապետի որոշմամբ, ստեղծվել է աշխատանքային խումբ, որը կորոշի, թե որքանով են այդ մտահոգությունները համապատասխանում իրականությանը, և եթե կան ռիսկեր, ապա հարկավոր է դրանք ինչ-որ կերպ նվազել: Սա նույնպես բխում է կառավարության ծրագրից ու նրա շահերից, որոնք ուղղված են հանքարդյունաբերության ոլորտում բոլոր տեսակի չարաշահումների վերացմանը», - եզրափակել է նա:
Հիշեցնենք, որ Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
