«Իրազեկ քաղաքացիների միավորումը» պնդում է. 200 միլիոն դոլարի պայմանագրով զենքերի մատակարարումները դանդաղ են ընթանում

Արմինֆո. «Իրազեկ քաղաքացիների միավորումը» պնդում է, որ 200 միլիոն դոլարի պայմանագրով զենքերի մատակարարումները դանդաղ են ընթանում:

«Շաբաթներ առաջ ՀՀ Կառավարությունը հավանություն տվեց Ռուսաստանից 100 միլիոն ԱՄՆ դոլարի զենքի մատակարարման վարկի մասին համաձայնագրի ստորագրմանը: Համաձայնագիրը, հավանաբար, կստորագրվի առաջիկա ամիսներին (միգուցե շաբաթներին): Սակայն, ինչպես հայտնի է, 2015 թվականի հունիսի 26-ին Երևանում ստորագրվեց 200 միլիոն ԱՄՆ դոլարի զենքի մատակարարման վարկի համանման հայ-ռուսական համաձայնագիրը: Այն ուժի մեջ մտավ միայն 2016 թվականի փետրվարին, ու դրա սահմաններում գնված զենքը պետք է մատակարարվեր 2016 և 2017 թվականների ընթացքում:

«Իրազեկ քաղաքացիների միավորումըե պարբերաբար ՀՀ ֆինանսների նախարարությունից հարցումներով ստանում է տեղեկատվություն նշված համաձայնագրի սահմաններում Հայաստանի ունեցած վարկային պարտավորությունների չափի վերաբերյալ: Այդ չափը հավասար է Հայաստանին մատակարարված կամ արտադրական որոշակի ցիկլ անցած զենքերի ընդհանուր արժեքին:

Այսպիսով, ի պատասխան մեր հարցմանը պարզվեց, որ 2017 թվականի հոկտեմբերի 25-ի դրությամբ հայկական կողմի՝ այդ պայմանագրով վարկային պարտավորությունների չափը կազմում է 66,6 միլիոն ԱՄՆ դոլար: Այլ կերպ ասած, պայմանագիրը ստորագրելուց ավելի քան երկու տարի անց հայկական կողմը ստացել է 200 միլիոն դոլարի զենքից ընդամենը 1/3 մասը: 66,6 միլիոնի զենքի մեծ մասը մատակարարվել կամ արտադրվել է 2016-ի դեկտեմբերին և 2017-ի սեպտեմբերին: Հայաստանին զենքի մատակարարման այս աստիճան երկարաձգումը անհասկանալի է, եթե հաշվի առնենք, թե Ռուսաստանն ինչպիսի արագությամբ է զենքեր մատակարարում Ադրբեջանին, Իրաքին, Սիրիային և ռազմական կոնֆլիկտներ ունեցող այլ երկրների: Համենայնդեպս, համաձայն պայմանագրի՝ զենքի մնացած մասը (մոտ 133.4 միլիոն դոլարի) մատակարարելու համար մնացել է ընդամենը երկու ամիս (մինչ 2017թ. դեկտեմբերի 31-ը):

Հ.Գ. Ինչպես նախկինում հայտնել էինք, նշված պայմանագրով մատակարարվելիք զինատեսակների մեծ մասը բավականին հին էր (80-ականների, 70-ականների և անգամ՝ 60-ականների տեխնոլոգիաներ), սակայն դրանով նախատեսված էր նաև համեմատաբար ժամանակակից (10-ից 20 տարվա) որոշ զինատեսակների մատակարարումը, օրինակ, ТОС-1А «Солнцепекե ծանր հրանետները և «Смерчե համազարկային կրակի համակարգերը: «Իսկանդերե տակտիկական հրթիռները Ռուսաստանից ձեռք են բերվել այս պայմանագրից դուրս»,- ասվում է նախաձեռնության՝ ԱրմԻնֆո ստացված հաղորդագրության մեջ:

Հիշեցնենք, որ Մոսկվան Հայաստանին տրամադրել է 200 մլն վարկ՝ 10 տարի ժամկետով: Երևանն այդ միջոցներով ձեռք է բերում 9Կ58 «Սմերչե համազարկային կրակի ռեակտիվ համակարգ (ներառյալ համակարգի համար 9Մ351 կումուլյատիվ-բեկորային մարտական մասով հրթիռներ), Իգլա-Ս դյուրակիր ԶՀՀ (համապատասխան 9Մ342 հրթիռներով), ՏՕՍ-1Ա «Սոլնցեպյոկե ծանր հրանետային համալիր (ներառյալ՝ արձակման կայան, տեղափոխման-լիցքավորման կայան, թերմոբարիկ հրթիռներ), Մ113Մ «Կոնկուրսե հակատանկային կառավարվող հրթիռներ՝ տանդեմային մարտական մասով, թռչող սարքերի պասիվ տեղորոշման «Ավտոբազա-Մե համալիր, «Տիգրե զրահամեքենաներ, տանկային Վ-84 շարժիչ, հետևակի մարտական մեքենաների ՈՒՏԴ-20 շարժիչ (հզորությունը` 300 ձիաուժ), 1Ա40-1 տանկային նշանառման  սարքավորում,  ՌՊԳ-26 «Ագլենե հակատանկային ռեակտիվ նռնականետ, ՍՎԴ 7,62մմ դիպուկահար հրացան, ինժեներական, ականների հայտնաբերման սարքավորումներ, կապի միջոցներ, ավտոտեխնիկա (այդ թվում՝ «ՈՒԱԶե մակնիշի հրամանատարական և սանիտարական ու «ԿԱՄԱԶե մակնիշի տարբեր նշանակության մեքենաներ): Բացի այդ, Ռուսաստանը Հայաստանին մատակարարել է նաև «Իսկանդեր» հրթիռային համալիր: 2018-2020 թթ. միջինժամկետ ծախսերի ծրագրի համաձայն՝ Հայաստանը նախատեսում է մինչև 2020 թ-ը տարեկան շուրջ 60 մլն դոլարով ավելացնել ռազմական ոլորտին հատկացվող ծախսերը: 

ՀՀ պաշտպանության նախարար Վիգեն Սարգսյանը հայտարարել է, որ 200 մլն վարկի շրջանակներում զենքի մատակարարումների գործընթացն ընթանում է նախատեսված ծրագրով: Նրա խոսքով,  դա միշտ բարդ գործընթաց է, քանի որ վարկի շրջանակներում Հայաստանը ձեռք է բերում իր պատվերով արտադրվող գերժամանակակից սպառազինություն, այյլ ոչ թե ստանում դրանք պահեստներից: «Տեղափոխումը և լոգիստիկան ժամանակ են պահանջում, բայց մենք ընթանում ենք նորմալ ժամանակացույցով, և կարծում եմ, որ մինչև տարեվերջ աշխատանքների հիմնական մասը կկատարվի»,- ասել է Սարգսյանը: