Արմինֆո. Հոկտեմբերի 28-ին Երևանում մեկնարկել է բարձր դասարանների աշակերտների համար Ֆիզիկայի և մաթեմատիկայի օլիմպիադայի ընտրական փուլը: Այն ընթանում ատոմային ճյուղի համար երիտասարդ կադրերի ատրաստման ոլորտում Հայաստանի և Ռուսաստանի համագործակցության շրջանակներում: Ֆիզիկայի և մաթեմատիկայի օլիմպիադան, որը կտևի երկու օր, ընթանում է Հայաստանի ազգային պոլիտեխնիկական համալսարանի բազայի վրա՝ «Ռոսատոմ» պետական կորպորացիայի աջակցությամբ: Օլիմպիադայի հաղթողներն արտոնություններ կստանան «Ռոսատոմ» պետական կորպորացիայի հենակետային բուհեր, մասնավորապես՝ «ՄԻՖԻ» ազգային հետազոտական միջուկային համալսարան ընդունվելիս:
Դիմելով օլիմպիադիայի երիտասարդ մասնակիցներին՝ «Ռուսատոմ-միջազգային ցանց» ընկերության ներկայացուցիչ Դարյա Օզերովան նշել է, որ «Ռոսատոմ» կորպորացիան հանդես է եկել այսօրվա օլիմպիադայի նախաձեռնությամբ: Եվ թեև «Ռոսատոմը» ատոմային ոլորտի համաշխարհային առաջատարներից մեկն է՝ կրթական ծրագրերի իրականացմանը հատուկ ուշադրություն է դարձվում: «Կհարցենք ինչո՞ւ: Բանն այն է, որ ատոմային էներգետիկան ամենաբարձրտեխնոլոգիական ոլորտներից մեկն է, իսկ «Ռոսատոմ»-ն իրավամբ համարվում է գիտելիքների կորպորացիա: «Գիտելիքն ուժ է»՝ մեզ համար գործելու, նոր տեխնոլոգիաների մշակման, նորարարական լուծումներ ստեղծելու, առաջատար փորձի զարգացման ու ներդրման կոչ է: Ինչո՞ւ է դա այդքան կարևոր: Քանի որ ամենևին հեշտ չէ առաջատար լինել աշխարհում և հաղթող դուրս գալ համաշխարհային շուկայում մրցակցային պայքարում: Դա հնարավոր է՝ նոր տեխնոլոգիաների մշտական մշակման և ներդրման շնորհիվ: Այսօր «Ռոսատոմ»-ը ավելի քան 250 հազար մարդ է միավորում: Նրանց կեսից ավելին բարձրագույն կրթությամբ մարդիկ են, ավելի քան 30% -ը՝ մինչև 35 տարեկան երիտասարդ մասնագետներ: Եվ մենք ատոմային ոլորտի ապագայի մասին մտածում ենք արդեն այսօր, և ոչ միայն Ռուսաստանում, այլ նաև՝ գործընկեր երկրներում: Այսօր Հայաստանում գործում է ատոմակայան, որն ապահովում է երկրի էլեկտրաէներգիայի 40%-ը: «Ռոսատոմ»-ն իրականացնում է շահագործման ժամկետի երկարաձգման նախագիծ: Բացի այդ, մենք համագործակցում ենք բուհերի հետ, կազմակերպում դասախոսություններ, հանդիպումներ ու սեմինարներ, որոնց ժամանակ քննարկվում են ամենաակտուալ թեմաները: Ամեն տարի Հայաստանից ուսանողներ են ընդունվում Ռուսաստանի լավագույն տեխնիկական բուհեր: Ուրախ եմ, որ այսօր այստեղ եմ, և հաջողություններ եմ մաղթում ձեզ»,- նշել է պետական կորպորացիայի ներկայացուցիչը:
ՀՀ էներգետիկ ենթակառուցվածքների և բնական պաշարների նախարարության ատոմային էներգետիկայի բաժնի ղեկավար Արտեմ Պետրոսյանը, հաջողություններ մաղթելով հայ երեխաներին, համոզմունք է հայտնել, որ Ռուսաստանում ստացած գիտելիքները հետագայում պահանջված կլինեն Հայաստանում: «Ատոմային էներգետիկան այլընտրանք չունի, քանի որ ապահովում է Հայաստանի էներգետիկ անվտանգությունը»,- ընդգծել է նա:
ՄԻՖԻ ընդհանուր ֆիզիկայի ամբիոնի ավագ դասախոս Ելենա Խանգուլյանն ԱրմԻնֆ-ի թղթակցի հետ զրույցում նշել է, որ օլիմպիադային մասնակցում են Հայաստանի դպրոցների բարձր դասարանների աշակերտները: Առաջին փուլի արդյուքնները կամփոփվեն ընթացիկ տարվա վերջին: Ինչպես սպասվում է, օլիմպիադիայի մասնակիցների շուրջ 45%-ը կմասնակցի երկրորդ փուկին, որը տեղի կունենա մոտավորապես 2018 թ. փետրվար-մարտին: Օլիմպիադային մասնակցելու համար դպրոցականները պետք է գրանցվեն https://org.mephi.ru/ կայքում և ստանան անձնական աշխատասենյակ` մասնակցի վերաբերյալ կարևոր տեղեկատվության նշումով (հեռախոսահամար, e-mail, անձնագրային տվյալներ, կրթական հաստատություն և այլն): Մասնակցի անձնական աշխատասենյակից տպագրված քարտը կծառայի որպես օլիմպիադային մասնակցելու թույլտվություն: Ընտրական փուլի արդյունքում մասնակիցների շուրջ 45% իրավունք կնվաճի մասնակցելու եզրափակիչ փուլին, որը հաղթողներն արտոնություններ կստանան Ռուսաստանի «Ռոսատոմ» պետական կորպորացիայի հենակետային բուհեր ընդունվելիս:
«Ռոսատոմ» պետական կոպրորացիան միավորում է ավելի քան 350 ձեռարկություն և գիտական հաստատություն, այդ թվում` Ռուսաստանի ատոմային ճյուղի բոլոր քաղաքացիական ընկերությունները, գիտահետազոտական կենտրոններն ու աշխարհում միակ ատոմային նավատորմը: «Ռոսատոմն» առաջատար դիրք է զբաղեցնում միջուկային տեխնոլոգիաների համաշխարհային շուկայում և իրականացնում է Ռուսաստանում 8 էներգաբլոկերի և արտասահմանում 34 էներգաբլոկերի շինարարությունը: «Ռոսատոմը» Հայաստանի գործընկերն է Մեծամորի ԱԷԿ արդիականացման նախագծում և կայանն ապահովում է միջուկային վառելիքով:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
