Անելիք Բանկը թողարկել է ընդլայնված ձևաչափով «Հոգատար» կենսաթոշակային քարտը

Արմինֆո.Անելիք Բանկը թողարկել է ընդլայնված ձևաչափով «Հոգատար» կենսաթոշակային քարտը: ԱՅս մասին հունիսի 19-ին կայացած մամուլի ասուլիսում հայտարարել է Բանկի Վարչության նախագահ Ներսես Կարամանուկյանը:

Նա նշել է, որ այս պրոդուկտը մեկնարկել է 2012 թվականից, երբ Հայաստանում մեկնարկեց կենսաթոշակային քարտերի նախագիծը: Այն ժամանակ պրոդուկտը գործում էր «Գեդեոն Ռիխտեր» դեղատնային ցանցի և սուպերմարկետների խոշորագույն ցանցերից մեկի հետ գործընկերությամբ: Վերջին 2 տարիներին պրոդուկտի գործունեությունը կասեցվեց, իսկ այժմ կրկին վերագործարկվեց, ընդ որում` կենսաթոշակառուի համար հնարավորությունների և առավելությունների ընդլայնված ձևաչափով, ներառելով վարկավորում, զեղչեր դեղատների ցանցում, արտոնություններ «Աստղիկ» բժշկական կենտրոնում սպասարկվելիս և այլն:

Ն. Կարամանուկյանը նշել է, որ «Հոգատար» պչրոդուկտը հիմնված ArCa տեղական քարտի վրա, որը կենսաթոշակառուին տրամադրվում է անվճար, և առանց կանխիկացման դիմաց միջնորդավճարների: Նա նշել է, որ, ըստ իրականացված ուսումնասիրությունների, Անելիք Բանկն ակնկալում է հաճախորդների բազայի զգալի աճ:

Իր հերթին, Անելիք Բանկի մանրածախ բիզնեսի տնօրեն Վարդան Գեւորգյանը ներկայացրել է «Հոգատար» պրոդուկտի հնարավորությունները, զեղչերը և օգուտները: Մասնավորապես, նա նշել է, որ այսօր բանկերի մեծ մասը հայկական շուկայում վարկեր չեն տրամադրում կենսաթոշակառուներին, ուշադրություն հրավիրելով այն հանգամանքին, որ Անելիք Բանկը «Հոգատար» պրոդուկտով կենսաթոշակառուների համար նախատեսում է 2 տեսակի վարկային պրոդուկտ`գրավային և առանց գրավային ապահովման: Նա պարզաբանել է, որ գրավային ապահովման դեպքում թոշակառուները կարող են վարկ ստանալ առավելագույնը 3 մլն դրամ, մինչև 60 ամիս մարման ժամկետով, իսկ գրավով չապահովված վարկի դեպքում`550 հազար դրամ, մինչեւ 48 ամիս մարման ժամկետով: Բացի այդ, Սակայն, կենսաթոշակառուի Անելիք Բանկի քարտային հաշվի դրական մնացորդի վրա տարեկան հաշվարկվում է 3% գումար:

Դեղատներում արտոնությունների առումով Վ.Գևորգյանը նշել է, որ «Հոգատար» քարտի քարտապանները 5% զեղչ կստանան «Գեդեոն Ռիխտեր» և «ԱրմՖարմ» դեղատների  ցանցերում: Բացի այդ, թոշակառուներն այդ քարտերով հնարավորություն են ստանում «Աստղիկ» բժշկական կենտրոնում մեկ անգամ անցնել արյան ընդհանուր անվճար հետազոտություն, ինսուլիսնի պարունակության հետ միասին: «Ռոսգոսստրախ Արմենիա» ապահովագրական ընկերության հետ համագործակցության շրջանակներում Անելիք Բանկի կենսաթոշակառու քարտապանները կորղ են ձեռք բերել դժբախտ պատահարներից ապահովագրություն վկայագիր, «Ընտանիք» ապահովագրական պրոդուկտի շրջանակներում, ինչպես նաև գույքի ապահովագրության վկայագիր`«Ակտիվ ֆիքսված» պրոդուկտի շրջանակներում: Դա նրանց հնարավորություն կտա մի շարք հետազոտություններ անցնել «Աստղիկ» բժշկական կենտրոնում, ընդամենը 5 հազար դրամով, 55 500 հազ. դրամի փոխարեն, ներառելով թերապեվտի գինեկոլոգի, ուրոլոգի, ակնաբույժի խորհրդատվությունը, ինչպես նաև ՈւԶԻ, ԷԿԳ, արյան ընդհանուր անալիզ, իսկ ամբուլատոր և ստացիոնար բուժման ընթացքում գործում է 10% զեղչ: Փաստորեն, կենսաթոշակառու-քարտապանների վրա այդ դասերով վկայագրերը կնստեն 5-18 հազար դրամ, նախատեսված 500 հազարից մինչև 2 մլն.դրամի փոխարեն: «Սա եզակի առաջարկ է հայաստանյան շուկայում», - ընդգծել է Վ.Գևորգյանը:

Եզրափակելով, Անելիք Բանկի Վարչության նախագահ Ն.Կարամանուկյանն ասել է, որ «Հոգատար» պրոդուկտի շրջանակներում նախատեսվում է գործընկերային ցանցի ընդլայնում, ներգրավելով նաև մյուս ապահովագրական ընկերություններին:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Անելիք Բանկի ակտիվ քարտերի թիվը 2017 թվականի ապրիլի 1-ին կազմել է մոտ 34 հազար, որից մոտ 18 հազարը`ArCa, մոտ 13 հազարը – Visa և ավելի քան 3 հազարը – MasterCard քարտեր: Բանկի պլաստիկ գործարքների ընդհանուր ծավալը տարեկան կտրվածքով աճել է 38%, որից ավելի քան 41% - ը կազմել են բանկային գործարքները: Ներկայումս Անելիք Բանկն ունի 210 սեփական POS- տերմինալներ և 56 բանկոմատ, որոնք հիմնականում կենտրոնացված են մայրաքաղաքում: Անելիք Բանկն առաջինն էր հայաստանյան բանկերից, որը տեղական քարտերին զուգահեռ սկսեց թողարկել և սպասարկել նաև միջազգային Visa և  Mastercard քարտերը: «Անելիք Բանկը» շուկայում գործում է 1996 թվականի հոկտեմբերից: Բանկի բաժնետերերն են` կիպրոսյան FISTOCO LTD ընկերությունը - 59.68% և լիբանանյան ԿրեդիտԲանկ S.A.L - 40.32%: