Արմինֆո. Առաջիկա խորհրդարանական ընտրությունները վճռորոշ են լինելուՀայաստանի ապագայի համար և նոր իշխանության ձևավորման գործում, ուստի դրանց հարկավոր է վերաբերվել լրջորեն և չդիտարկել տեղական հեղինակությունների կողմից բակերի ասֆալտապատման, կոմունալ խնդիրների լուծման պրիզմայով: Այդ մասին հայտարարել է «Օհանյան-Րաֆֆի-Օսկանյան» դաշինքի առաջնորդ, պաշտպանության նախկին նախարար Սեյրան Օհանյանը` ընտրողների հետ հանդիպման ժամանակ: «Մեր երկիրը կանգնած է լուրջ մարտահրավերների առջև. պատերազմի սպառնալիք, տարածաշրջանային անկայունություն, սոցիալ-տնտեսական ճգնաժամ, ուստի անհրաժեշտ է պատասխանատվությամբ վերաբերվել առկա գործընթացներին», - հայտարարել է նախկին նախարարը` զգոնության կոչ անելով հասարակայնությանը:
Անդրադառնալով վերջերս Արմավիրի մարզի Ջրառատ գյուղում «Օհանյան-Րաֆֆի-Օսկանյան» նախընտրական դաշինքի կողմնակիցների և գյուղապետ Լեռնիկ Երանոսյանի (փոխոստիկանապես Լևոն Երանոսյանի եղբայրը – խմբ.) միջև տեղի ունեցած միջադեպին` Օհանյանը հայտարարել է. «Ընտրարշավը հարկավոր է անցկացնել կոռեկտ` չիջնելով բակային մակարդակի: Անընդունելի է, երբ փորձում են մարդկանց թույլ չտալ մասնակցել հանրահավաքների, վիրավորել նրանց: Նախընտրական պայքարը պետք է լինի կոռեկտ, իսկ իրավապահների գործողությունները` որևէ կողմից խախտումներին համաչափ: Մենք նրանց ասել ենք, որ եթե տեղի է ունենում միջադեպ, բերման ենթարկեք երկու կողմի օրինազանցներին, այլապես մենք այլ միջոցներ կձեռնարկենք: Սակայն` միայն օրենքի շրջանակում: Միջադեպի պատճառն այն էր, որ մեր կողմնակիցներին փորձել են խանգարել մասնակցել հանրահավաքին` նրանց վիրավորելով անպարկեշտ արտահայտություններով: Իսկ Հայաստանում ինչպե՟ս են վարվում ուրիշի հասցեին հայոյանք օգտագործողի հետ: Նրան պատժում են», - ասել է Սեյրան Օհանյանը:
Հիշեցնենք, որ մարտի 12-ին Ջրառատ գյուղում միջադեպ էր տեղի ունեցել ՕՐՕ դաշինքի անդամների և Լեռնիկ Երանոսյանի միջև: Ինչպես ԱրմԻնֆո-ին հաղորդել են ՀՀ քննչական կոմիտեից, ՔԿ Արմավիրի մարզային քննչական վարչության Վաղարշապատի քննչական բաժնում իրականացվում են անհրաժեշտ դատավարական գործողություններ՝ 2017թ. մարտի 12-ին Ջրառատ գյուղում տեղի ունեցած միջադեպի բոլոր հանգամանքները պարզելու ուղղությամբ։
«Ոստիկանությունից ստացված նյութերի համաձայն՝ մարտի 12-ին՝ ժամը 18:25-ին, Վաղարշապատի հիվանդանոցից ահազանգ է ստացվել առ այն, որ « ձախ այտի կոպի շրջանի սալջարդային քերծվածքներ, գլխի, որովայնի, կրծքավանդակի վերին վերջույթների սալջարդ» ախտորոշմամբ բուժօգնության է դիմել Լեռնիկ Երանոսյանը, ով հայտարարել է, որ իրեն ծեծի են ենթարկել Ջրառատ գյուղում: Նույն օրը՝ ժամը 19 :40-ին, Վաղարշապատի հիվանդանոցից ոստիկանության Վաղարշապատի բաժին ահազանգ է ստացվել, որ «աջ կոպի հեմատոմա, սալջարդ» ախտորոշմամբ հիվանդանոց բուժօգնության են ընդունվել Միքայել Բաբոյանը և հայտարարել, որ վնասվածքն ստացել է Ջրառատ գյուղում վիճաբանության ժամանակ: Նախնական տվյալներով՝ մարտի 12-ին՝ ժամը 16-ի սահմաններում, Արմավիրի մարզի Ջրառատ գյուղում տեղի է ունեցել վիճաբանություն, ինչը վերածվել է ծեծկռտուքի, որի ժամանակ էլ Լ.Երանոսյանը և Մ.Բաբոյանը ստացել են նշված մարմնական վնասվածքները։ Քննությամբ բավարար փաստական տվյալներ են ձեռք բերվել նաև, որ նույն վիճաբանության ժամանակ Լ.Երանոսյանն իր ատրճանակով արձակել է մեկ կրակոց՝ օդ: Զննվել է դեպքի վայրը, որի ժամանակ վարույթն իրականացնող մարմնին է ներկայացվել «Մակարով» տեսակի ատրճանակը։ Նշված դեպքի շրջանակներում նույն օրը ոստիկանության կողմից բերման է ենթարկվել 5 անձ, ևս մեկը ներկայացել է կամավոր։ Առգրավվել են վերջիններիս հագին՝ դեպքի պահին եղած հագուստները։ Բերման ենթարկված անձինք փաստաբանի ներկայությամբ հրաժարվել են կրակոցի արգասիքի նմուշ և բացատրություններ տալուց:
Ստուգվել է բերման ենթարկվածների սթափության աստիճանը և, համաձայն զննության արձանագրություն, նրանք գտնվել են սթափ վիճակում: Դեպքի վերաբերյալ հաղորդում և բացատրություն է տվել Լեռնիկ Երանոսյանը։ Իրականացվում են անհրաժեշտ գործողություններ՝ վիճաբանության շարժառիթը, մասնակիցների շրջանակը պարզելու ուղղությամբ», - ասվում է ՀՀ ՔԿ հաղորդագրությունում:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
