.jpg)
Արմինֆո. ՀՀԿ-ն ներկայացրել է իր «Անվտանգություն և առաջընթաց» 15 էջանոց նախընտրական ծրագիրը 2017-2022 թթ. համար, որը շոշափում է երկրի հասարակաքաղքական, սոցիալ-տնետսական կյանքի բոլոր ոլորտները:
Ծրագրի հեղինակները խոստանում են հաղթանակի դեպքում նշված ժամանակահատվածում կառուցել ազատ, անկախ, արդար և մտավոր Հայաստան: Անվտանգության բաղադրիչի առնչությամբ ՀՀԿ ծրագրում, մասնավորապես, ասվում է. «Անվտանգ պետք է լինեն Հայաստանի գյուղերը, քաղաքներն ու պետական սահմանը, իսկ այդ անվտանգության կենտրոնում միշտ պետք է գտնվի ՀՀ քաղաքացին»: Ինչ վերաբերում երկրորդ բաղադրիչին` առաջադիմությանը, ապա կառավարող կուսակցությունը խոստանում է անհրաժեշտ պայմաններ ստեղծել բոլոր քաղաքացիների ստեղծագործության և արարման համար:
«Մենք ապրում ենք մի տարածաշրջանում, որտեղ կան բազում սպառնալիքներ ու վտանգներ, մեծ է զինված բախումների հավանականությունը: Ադրբեջանի ապրիլյան արկածախնդրությունը և դրա վերաբերյալ Թուրքիայի դիրքորոշումը կրկին ապացուցեցին, որ մեր երկրի անվտանգության մակարդակի անընդհատ և հետևողական բարձրացումն այլընտրանք չունի։
Ոչ մի ազգ և ոչ մի երկիր մեր կողմից չի ընկալվում իբրև թշնամի։ Նույն կերպ հայ ժողովուրդը պահանջել և պահանջելու է, որ հարևան երկու երկրների իշխանությունները դադարեցնեն հայ ժողովրդի գոյության, ինքնիշխանության, կայուն ու անվտանգ զարգացման իրավունքը մերժող ու սեփական հասարակությանը դեպի բռնություն և այլատյացություն մղող քաղաքականությունը:
Մեր գործողությունները շարունակելու ենք ուղղել առաջին հերթին ազգային անվտանգության ինչպես առկա, այդպես էլ հնարավոր ռազմաքաղաքական սպառնալիքների, ռիսկերի և մարտահրավերների բացահայտմանն ու չեզոքացմանը, մեր ազգային բանակի մարտունակության շարունակական բարձրացմանն ու սպառազինմանը:
Անվտանգության համակարգերի բարեփոխման շարունակականությունն ու ժամանակակից պահանջներին համապատասխանեցումը, արտաքին մարտահրավերների կանխարգելմանն ու համարժեք պատասխանի ապահովմանն ուղղված քայլերը ներառել են և ներառելու են քաղաքական, դիվանագիտական, իրավական, տնտեսական, տեղեկատվական, անհրաժեշտության դեպքում՝ ռազմական և այլ համալիր միջոցառումներ:
Հավաքական անվտանգության պայմանագրի կազմակերպության կանոնադրությամբ Հայաստանի Հանրապետության ստանձնած պարտավորությունների և նպատակների իրականացումը շարունակելու է մնալ առաջնային: Հայաստանը հետևողականորեն իր ներդրումն է բերելու ՀԱՊԿ-ի հետագա ամրապնդման գործում:
Միաժամանակ շարունակվելու են խորանալ գործընկերային հարաբերությունները Հյուսիսատլանտյան դաշինքի հետ՝ հետապնդելով Հայաստանի Հանրապետության զինված ուժերի մարտունակության բարձրացման, զինված ուժեր - հասարակություն համագործակցության խորացման, պաշտպանական համակարգի շարունակական բարեփոխման նպատակներ:
Անվտանգության բնագավառը ներառում է նաև սոցիալական պաշտպանությունը, մարդու կյանքի, սեփականության և այլ իրավունքների պաշտպանությունն ու երաշխավորումը, պարենային անվտանգությունը: Մենք հասնելու ենք նրան, որ մեր քաղաքացին վստահ լինի՝ վաղվա օրն այսօրվանից ապահով է լինելու: Մեր քաղաքացին, ծանր վիճակում հայտնվելով, պետք է զգա պետության աջակցությունը: Դրան հասնելու համար մենք շարունակելու ենք ներդնել աղքատության նվազեցման կայուն մեխանիզմներ, ապահովելու ենք նվազագույն աշխատավարձի շարունակական աճ և էապես բարեփոխելու ենք մարդկանց զբաղվածությունն ապահովող պետական քաղաքականությունը: Միաժամանակ ձգտելու ենք նրան, որ մարդը, լինելով աշխատունակ, նվազագույնս զգա պետական սոցիալական ապահովության կարիքը, քանի որ ի վիճակի է լինելու սեփական աշխատանքով ապահովել իր և իր ընտանիքի բարեկեցությունը»,- ասված է փաստաթղթում:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
