Արմինֆո. Թուրքիայում Ռուսաստանի դեսպան Անդրեյ Կառլովի սպանության հետքերը տանում են դեպի այդ երկրի իշխանությունները, այսօր մամուլի ասուլիսի ժամանակ այդպիսի կարծիք է հայտնել ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով, Անկարայում ռուս դիվանագետի սպանությունը լուրջ հարված է հասցրել թուրքական իշխանությունների հեղինակությանը: Բացի այդ, դա ակնհայտ վկայություն է այն բանի, որ թուրքական ընտրախավը պառակտված է: «Դեսպանի սպանության հետքերը տանում են դեպի Թուրքիայի ազգային անվտանգության ծառայություն և ընտրախավ, չեմ կարող ասել, թե հատկապես դեպի ուր, բայց՝ այդ ուղղությամբ: Դա վկայում է այն մասին, որ երկրի նախագահ Ռեջեփ Թայիփ Էրդողանին չի հաջողվել մինչև վերջ չեզոքացնել հուլիսյան ձախողված հեղաշրջման մասնակիցներին: Դա նաև երկրի ղեկավարության քաղաքական ուղեգծից ընտրախավի մի մասի դժգոհության ապացույց է»,- համոզված է արևելագետը:
Սաֆրաստյանը նշել է, որ Թուրքիան լուրջ կորուստներ է կրել Սիրիայի հյուսիսում և սիրիական ճգնաժամում իր ազդեցությունը վերջնականապես չկորցնելու համար գնացել է Ռուսաստանի և Իրանի հետ մարտավարական փոխգործակցության: Նա հիշեցրել է, որ Թուրքիան Հալեպին տիրանալու լուրջ ծրագրեր ուներ, բայց քանի որ դրանք ձախողվել են, որովհետև կառավարական զորքերին հաջողվել է դուրս մղել գրոհայիններին քաղաքացից և տիրանալ քաղաքի արևելյան մասին, Անկարան այժմ փորձում է թույլ չտալ քրդական բնակչության երկու հատվածների միավորումը Սիրիայի հյուսիսում: «Աշխարհաքաղաքական առումով Թուրքիայի շահերը մի կողմից, Ռուսաստանի և Իրանի՝ մյուս կողմից, լիովին տարբերվում են, ինչի վկայությունն է Կառլովի սպանությունը, ով, ինչպես հայտնի է, մասնակցել է Սիրիայի շուրջ բանակցություններին: Այդպիով՝ արմատական ջիհադիստները ցույց տվեցին Էրդողանի քաղաքականությունից իրենց դժգոհությունը»,- ասել է Սաֆրաստյանը:
Թուրքիայում ՌԴ դեսպան Անդրեյ Կառլովը սպանվել է դեկտեմբերի 19-ին Անկարայի ժամանակակից արվեստի կենտրոնում` «Ռուսաստանը թուրքերի աչերով» լուսանկարների ցուցահանդեսի բացման արարողության ժամանակ: Թիկնապահի տեսք ունեցող մարդասպանն ավելի ուշ սպանվել է թուրք ոստիկանների կողմից: Դեսպանի սպանությունը հետաքննելու նպատակով արդեն Ռուսաստանից Թուրքիա է մեկնել հատուկ ծառայությունների, ՌՔԿ և ԱԳՆ 18 աշխատակիցներից կազմված օպերատիվ քննչական խումբը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
