ԱՐԱՐԱՏԲԱՆԿՆ ուժեղ դերակատար կդառնա Հայաստանի դասական, տեխնոլոգիական և ներդրումային բանկինգի շուկայում

Արմինֆո.Միջնաժամկետ հեռանկարում ԱՐԱՐԱՏԲԱՆԿՆ ուժեղ դերակատար կդառնա Հայաստանի դասական (Classic), տեխնոլոգիական (Digital) և ներդրումային (Investment) բանկինգի շուկայում: Այս մասին լրագրողների հետ հանդիպմանը հայտարարել է Բանկի վարչության նախագահ Աշոտ Օսիպյանը: Նա նշել է, որ նշված երեք ուղղություններով բանկի հետագա զարգացումը նախատեսված է բաժնետերերի կողմից ընդունված նոր ռազմավարական ծրագրով:

Նշենք, որ ներկայումս բանկը գտնվում է Հայկական զարգացման բանկի գնման գործընթացում, և ՀՀ ԿԲ արդեն տվել է իր համաձայնությունը: Գործարքն էապես կամրապնդի բանկի դիրքերը շուկայում, նրա մրցունակությունը, կավելացնի գործարքների ծավալները և բարենպաստ պայմաններ կստեղծի նոր պրոդուկտների և տեխնոլոգիաների ակտիվ ներդրման համար:

Ինչպես տեղեկացրել է Օսիպյանը, այսօր բանկը, չնայած անբարենպաստ տնտեսական միջավայրին, էական դերակատարություն ունի բիզնեսի վարկավորման մեջ, ակտիվորեն ներգրավված է շինարարության և միջին արդյունաբերական արտադրության ֆինանսավորման նախագծերում: Նման հաջողությունները, ըստ Օսիպյանի, հնարավոր դարձան ռիսկերի կառավարման համակարգի էական ամրապնդման շնորհիվ, ինչն անմիջակարոնեն ազդում է բանկի վարկային պորտֆելի բարձր որակի վրա: Խոսելով բանկի տեխնոլոգիական զարգացման մասին, Օսիպյանն ընդգծել է, որ չնայած մասնաճյուղերի մեծ թվին, ԱՐԱՐԱՏԲԱՆԿԸ մտադիր է ընթանալ տեխնոլոգիական կատարելագործման ուղիով, զարգացնելով ինտերնետ-բանկինգը, մոբայլ-բանկինգը և բանկի կողմից ներդրված ինքնասպասարկման թերմինալների ցանցը: Նրա կարծիքով, բանկային գործի զարգացման միջազգային տրենդն ընթանում է տեխնոլոգիական ընդլայնման և տրամադրվող ծառայությունների կատարելագործման ուղղությամբ: Ինչ վերաբերվում է ԱՐԱՐԱՏԲԱՆԿԻ գործունեության ներդրումային ուղղվածությանը, նա նշել է այդ ուղղությամբ էական փորձի առկայությունը: Բացի այդ, բանկը հանդիսանում է պետական պարտատոմսերի տեղաբաշխման գործակալ, ունի խոշորագույն պարտատոմսային թողարկումներ երկրի բանկային հատվածում: Նա համաձայնվել է երկրի ֆոնդային շուկայի ինտենսիվ զարգացման անհրաժեշտության վերաբերյալ կարծիքին, իր զարգացման մեջ էապես ետ մնացող տնտեսության իրական հատվածին կապիտալ ներգրավելու նպատակով:

Պատասխանելով լրագրողների հարցին, Օսիպյանն ընդգծել է, որ տնտեսական ակտիվության նվազումով երկրում ստեղծվել է չափազանց բարդ իրավիճակ: «Մի կողմից մենք տեսնում ենք զարգացած բանկային համակարգ, իսկ մյուս կողմից`թերի զարգացած իրական հատված, որի մի մասը գտնվում է խորը ստվերում»: Հետևաբար, առաջին հերթին անհրաժեշտ է զարգացնել իրական հատվածը, վերանայելով հարկային քաղաքականությունը, նվազեցնելով հարկային բեռը, որը հետապնդի ոչ թե ֆիսկալ պրեսինգ, այլ այնպիսի միջավայրի ստեղծում և զարգացում, որն իրական հատվածում կապահովի արդար մրցակցություն: Նա հույս է հայտնել, որ կառավարությունը կկարողանա լուծել այդ բարդ խնդիրները, և հաջորդ տարի գործարար միջավայրը երկրում որակապես կբարելավվի, ինչն էլ, իր հերթին, էապես կազդի վարկային շուկայի ընդլայնման վրա, բանկերին թույլ տալով ակտիվորեն ֆինանսավորել տնտեսությունը: Նրա կարծիքով, 2017 թվականին բանկային հատվածում կպահպանվի բարձր մրցակցությունը, հետևաբար, շատ բանկեր իրենց ռազմավարությունը վերանայում են, ուղղելով շուկայում մրցունակությունը պահպանելու ուղղությամբ: «Չէ որ, փոստորեն, դրա շնորհիվ է, որ տնտեսվարողները կարողանում են ստանալ էժան, բայց որակյալ բանկային ծառայություններ»,-ընդգծել է Օսիպյանը:

Հիշեցնենք, որ մեկ ամիս առաջ ԱՐԱՐԱՏԲԱՆԿՆ իրականացրեց բաժնետոմսերի թողարկում` կապիտալի համալման նպատակով, որը 2017 թվականից պետք է կազմի առնվազն 30 մլրդ.դրամ: Տեղաբաշխամ արդյունքրով բանկի կապիտալը կազմեց գրեթե 33 մլդ.դրամ:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Արարատբանկի ակտիվները 2016 թվականի հոկտեմբերի 1-ին կազմել են 137,5 մլրդ.դրամ, տարեկան աճը`9,3%, ընդհանուր պարտավորությունները`113.4 մլրդ դրամ, ավելանալով 9,7%, կուտակված շահույթը`12.4 մլրդ դրամ, վարկային պորտֆելը`70 մլրդ դրամ, ավելանալով`4,7 %, ժամկետային ավանդները`22.5 մլրդ դրամ, ցպահանջ պարտավորությունները`28.7 մլրդ դրամ, ներդրումները պետպարտատոմսերում - 26 մլրդ դրամ, տարեկան աճը`2.3 անգամ: Տարվա առաջին 9 ամիսներն Արարատբանկը եզրափակել է 732.8 մլն դրամ զուտ շահույթով, որից 406.5 մլն.դրամը`երրորդ եռամսյակում, եռամսյակային աճը`գրեթե 3 անգամ: Բանկի բաժնետիրական կապիտալի կառուցվածքում, վերջին նոյեմբերյան էմիսիայից հետո, 72.73% -ը պատկանում է «Ֆլեշե ընկերությանը, 18.14% -ը` ՎԶԵԲ-ին, 8,58%-ը` Rural Impulse Fund II-ին, մնացածը 0 55%-ը բաշխված է 82 մինորիտար բաժնետերերի միջև: Բանկն ունի 54 մասնաճյուղ (4 տեղ), այդ թվում`27-ը Երևանում, 26-ը ՀՀ մարզերում և 1-ը`Ղարաբաղում: