Նոր նշանակումներ Շրջակա միջավայրի և Առողջապահության նախարարություններում

Արմինֆո.  Շրջակա միջավայրի նախարարությունից հաղորդել են Հայկ Առաքելյանին նախարարի տեղակալի պաշտոնում նշանակելու մասին:

Վերջինս 2010 թվականին ավարտել է Երևանի պետական համալսարանի իրավաբանական ֆակուլտետը ՝ ստանալով իրավագիտության բակալավրի աստիճան: 

2015 թվականին ավարտել է Բրիստոլի համալսարանը (Մեծ Բրիտանիա) ՝ ստանալով իրավունքի մագիստրոսի աստիճան՝ "առևտրային իրավունք" մասնագիտությամբ։ 

2016թ. ավարտել է Լոնդոնի կայսերական քոլեջը (Մեծ Բրիտանիա) ՝ ստանալով գիտությունների մագիստրոսի աստիճան "բնապահպանական տեխնոլոգիաներ" մասնագիտությամբ: 

2023 թվականին ավարտել է Harvard Business School Online-ի "ռազմավարության իրականացում" (Strategy Execution) ծրագիրը ։ Անցել է Պատասխանատու բանկային գործունեության սկզբունքների ակադեմիայի  կրթական ծրագրերը: 

Առաքելյանն ունի մասնագիտական սերտիֆիկացում բլոկչեյնի և թվային ակտիվների ոլորտում (CBDA, Digital Assets Council of Financial Professionals): Ընդ որում, նրա վերջին աշխատավայրը եղել է Renshin Investments ընկերությունը, որտեղ 2024-2026թթ. զբաղեցրել է ներգրավված ֆինանսական միջոցների կառավարման ղեկավարի պաշտոնը։

Վարչապետի մեկ այլ որոշմամբ Շահանե Մնացականյանը նշանակվել է առողջապահության նախարարի տեղակալ: 

2006-2013թթ.Մնացականյանը սովորել է Երևանի Մխիթար Հերացու անվան պետական բժշկական համալսարանում ՝ ստանալով բժշկագիտության բակալավրի աստիճան: 

2013-2015թթ. ուսումը շարունակել է նույն համալսարանում ՝ հանրային առողջության մագիստրոսական ծրագրով: 2015-2017 թթ.  սովորել է Հայաստանի Ամերիկյան համալսարանի հանրային առողջության ֆակուլտետում, որտեղ ստացել է հանրային առողջության մագիստրոսի աստիճան: 

2020-2021թթ. ավարտել է Հարվարդի բժշկական դպրոցի հետդիպլոմային հավաստագրման ծրագիրը: 

2024-2025թթ. սովորել է ակադեմիկոս Ս. Ավդալբեկյանի անվան առողջապահության գիտահետազոտական ինստիտուտում "Համաճարակաբանություն" մասնագիտությամբ ՝ ստանալով բժշկի դիպլոմ: 

Մինչև փոխնախարարի պաշտոնում նշանակվելը Մնացականյանը 2026 թվականից «Նորք-Մարաշ» բժշկական կենտրոնի գլխավոր տնօրենի խորհրդականն էր։