Հայաստանի պատվիրակությունն այցելել է Տաջիկստանի խորհրդարան՝ "Համագործակցության երեխաները" համաժողովի շրջանակում

Արմինֆո. Հայաստանի պատվիրակությունը, որը ձևավորվել է Երևանի "Քվանտ" վարժարանի տաղանդավոր աշակերտներից,  "Համագործակցության երեխաները" համաժողովի շրջանակում այցելել է Տաջիկստանի խորհրդարան։

Ինչպես հաղորդում է ԱՊՀ ՄԽՎ խորհրդի քարտուղարության մամուլի ծառայությունը, համաժողովի մասնակիցներին ողջունել է խորհրդարանի նախագահ Ֆայզալի Իդիզոդան, ով տղաներին պատմել Է խորհրդարանի աշխատանքի, կառուցվածքի եւ երկրի կյանքում ունեցած դերի մասին:

Դպրոցականներն այցելել են նաև "Իստիկլոլ" ճարտարապետական համալիր, "Կոխի Նավրուզ" պալատ և Տաջիկստանի ազգային թանգարան՝ ծանոթանալով հյուրընկալող երկրի պատմությանն ու մշակութային ժառանգությանը:

ԱՊՀ Միջխորհրդարանական վեհաժողովի կողմից կազմակերպված "Համագործակցության երեխաները" 11-րդ կրթամշակութային համաժողովն անցկացվել է Տաջիկստանում հունիսի 15-ից՝ Մաջլիսի նախագահ Ռուստամի Էմոմալիի հրավերով: Համաժողովին մասնակցել են ԱՊՀ ինը երկրների պատվիրակություններ:

Հայաստանի օրվա շրջանակներում դպրոցականները ներկայացրել են ազգային մշակույթի հարստությունն արտացոլող վառ թատերական ծրագիր: Մասնակիցները պատրաստել են իսկական ներկայացում-ճանապարհորդություն հայ ժողովրդի պատմության, հավատի և ոգու դարերի միջով: Ներկայացման ընթացքում հնչել է լեգենդար դերասան Արմեն Ջիգարխանյանի ձայնը։ Ծրագրում հնչել են Կոմիտասի "Հորովելը"ը և Ջիվան Գասպարյանի լեգենդար հայկական դուդուկը: Էկրանին կենդանացել են Հովհաննես Այվազովսկու "Իններորդ ալիք" և Մարտիրոս Սարյանի արևային "Հայաստանը" համաշխարհային գեղանկարչության գլուխգործոցները: Ներկայացումը պատմել է հայոց պատմության առանցքային հանգրվանների ՝  301 թվականին քրիստոնեության ընդունման մասին, երբ Հայաստանը դարձավ աշխարհում առաջին քրիստոնյա պետությունը, 405 թվականին Մեսրոպ Մաշտոցի կողմից հայոց այբուբենի ստեղծման և ժողովրդի հնագույն լեգենդների մասին: Առանձնահատուկ հետաքրքրություն է առաջացրել խորեոգրաֆիկ ծրագիրը. մասնակիցները ցուցադրել են նրբաճաշակ պար թաշկինակներով, ռազմատենչ "Յարխուշտա", հնագույն "Կերցի" և ծիսական "Փափուրի": Ներկայացումը եզրափակվել է Սայաթ-Նովայի "Քանի վուր ջան իմ" երգի ներքո պարով:

"Համագործակցության երեխաներ" համաժողովի ընթացքում հայ աշակերտներն ակտիվորեն մասնակցել են մշակութային, կրթական և մարզական ծրագրերին: Համաժողովի մասնակիցներն այցելել են թատրոն, որտեղ մասնակցել են Տաջիկստանի ժողովրդական արտիստների վարպետության դասին, հանդիպել են օլիմպիական չեմպիոնների հետ, ովքեր կիսվել են հաջողության գաղտնիքներով և անցկացրել սպորտային վարպետության դասեր, ինչպես նաև ծանոթացել են տաջիկ արհեստավորների հետ, ովքեր ցույց են տվել փայտի, մետաղի մշակման և հյուսելու ավանդական տեխնիկան: Այդ միջոցառումները մասնակիցներին հնարավորություն են տվել ավելի խորը ճանաչել տաջիկ ժողովրդի մշակույթը, պատմությունն ու ավանդույթները: Բացի այդ, դպրոցականների համար անցկացվել են մտավոր օլիմպիադա, մշակութային և ազգագրական փառատոն, կազմակերպվել են ինժեներական հարթակի աշխատանքներ, որտեղ տղաները ծաանոթացել են Արևելքի գիտական ժառանգությաը՝ Ալ-Խորեզմիի և Իբն Սինայի աշխատություններից մինչև ժամանակակից ռոբոտաշինության հիմունքները: