Արմինֆո. Firebird Inc.-ը հայտարարել է Ղազախստանի կառավարության հետ ռազմավարական համագործակցության համաձայնագրերի ստորագրման մասին, որոնք ուղղված են երկրում հաջորդ սերնդի արհեստական բանականության ազգային ենթակառուցվածքների, առաջադեմ հաշվողական կարողությունների և համաշխարհային մակարդակով մրցունակ թվային AI էկոհամակարգի զարգացմանը։
Քննարկումներն ու համագործակցության համաձայնագրերի ստորագրումը տեղի են ունեցել Աստանայում՝ Ղազախստանի Հանրապետության վարչապետ Օլժաս Բեկտենովի, NVIDIA-ի Omniverse և Simulation Technology փոխնախագահ Ռև Լեբարեդյանի, Firebird-ի համահիմնադիրներ Ռազմիկ Հովակիմյանի և Ալեքսանդր Եսայանի, Ղազախստանի կառավարության բարձրաստիճան պաշտոնյաների և երկրի առաջատար տեխնոլոգիական կազմակերպությունների ներկայացուցիչների մասնակցությամբ։
Համագործակցությունը հիմք է ստեղծում արհեստական բանականության ենթակառուցվածքների, առաջադեմ հաշվողական համակարգերի, ամպային տեխնոլոգիաների, գիտահետազոտական նախաձեռնությունների և թվային տնտեսության զարգացման ոլորտներում հետագա համագործակցության համար։ Այն աջակցում է Ղազախստանի նպատակին՝ ամրապնդելու իր դիրքերը որպես Կենտրոնական Եվրասիայի առաջատար տեխնոլոգիական և նորարարական կենտրոններից մեկը։
Համաձայնագրերի ստորագրումը հաջորդում է այս տարվա ապրիլին կայացած բարձր մակարդակի հանդիպմանը, որի ընթացքում Ղազախստանի Հանրապետության նախագահ Կասիմ-Ժոմարտ Տոկաևը, NVIDIA-ի Global AI Infrastructure Growth ուղղության փոխնախագահ Նիկո Կապրեզը և Firebird-ի համահիմնադիրները քննարկել էին հաջորդ սերնդի խոշոր հաշվողական հարթակների նախագծման, կառուցման և շահագործման ոլորտներում համագործակցության հնարավորությունները։
«Այն երկրները, որոնք այսօր ներդրումներ են կատարում առաջադեմ AI հաշվարկային կարողությունների, տաղանդների զարգացման և նորարարական էկոհամակարգերի ձևավորման մեջ, վաղը ձևավորելու են համաշխարհային տնտեսության հնարավորությունները։ Firebird-ը համատեղում է խոշոր ենթակառուցվածքային նախագծերի իրականացման ապացուցված փորձը, ԱՄՆ առաջատար տեխնոլոգիական լուծումները, գլոբալ AI էկոհամակարգի առանցքային գործընկերների հետ սերտ համագործակցությունը և լայնածավալ AI ենթակառուցվածքային նախագծերն անվտանգ և բացառիկ արագությամբ իրականացնելու կարողությունը։ Մենք հպարտ ենք աջակցելու Ղազախստանի տեսլականին և պատրաստ ենք նպաստելու երկրի երկարաժամկետ ազգային AI կարողությունների ձևավորմանը»,-նշել է Ռազմիկ Հովակիմյանը։
Ղազախստանի Հանրապետության փոխվարչապետ, արհեստական բանականության և թվային զարգացման նախարար Ժասլան Մադիևն իր հերթին նշել է. «Արհեստական բանականությունը դառնում է համաշխարհային տնտեսության նոր հիմնարար ենթակառուցվածքը։ Սեփական AI լուծումներ ստեղծելու համար առանձին թվային արտադրանքները բավարար չեն. անհրաժեշտ է ամբողջական էկոհամակարգ, որը ներառում է էներգետիկ ռեսուրսներ, ժամանակակից տվյալների կենտրոններ, հաշվողական հզորություններ, տվյալներ և առաջատար տեխնոլոգիաների հասանելիություն։ Ղազախստանը հետևողականորեն ձևավորում է այդ հիմքը։ Մեր նպատակն է երկրի ենթակառուցվածքային առավելությունները վերածելու տնտեսական աճի երկարաժամկետ շարժիչ ուժի և ամրապնդելու երկրի դիրքը որպես Եվրասիայի առանցքային թվային հանգույցներից մեկը»։
Firebird-ն այժմ ավարտին է հասցնում Հայաստանում իր առաջատար AI Factory նախագծի առաջին փուլը, որի գործարկումը նախատեսված է 2026 թվականի հուլիսին։ Նախագիծը շինարարության մեկնարկից մինչև սարքավորումների տեղակայմանը պատրաստ վիճակի հասցնելը իրականացվել է ընդամենը վեց ամսից մի փոքր ավելի ժամանակահատվածում՝ դառնալով աշխարհում իր տեսակի մեջ ամենաարագ իրականացված AI ենթակառուցվածքային նախագծերից մեկը։
Firebird-ի հաստատված եռափուլ ընդլայնման ռազմավարության համաձայն՝ մինչև 2027 թվականի ավարտը կենտրոնը նախատեսվում է հագեցնել՝ ներառելով ավելի քան 100,000 NVIDIA Blackwell և Vera Rubin GPU-ներով, ինչի արդյունքում հայաստանյան AI մեգանախագիծը կդառնա աշխարհի խոշորագույն AI հաշվողական հարթակներից մեկը։
Firebird-ի փորձը ցույց է տալիս, որ լայնածավալ AI ենթակառուցվածքային նախագծերը կարող են հաջողությամբ իրականացվել կառավարությունների, տեխնոլոգիական ընկերությունների, ֆինանսական հաստատությունների և գիտահետազոտական համայնքների միջև արդյունավետ համագործակցության շնորհիվ։
Firebird-ը պարզապես տվյալների կենտրոններ չի կառուցում։ Ընկերությունը ձևավորում է ազգային AI կարողություններ, որոնք երկրներին հնարավորություն են տալիս լիարժեք մասնակցելու արհեստական բանականության համաշխարհային տնտեսությանը։
Firebird-ի մասին
Firebird Inc.-ը ԱՄՆ-ում գործող արհեստական բանականության ամպային և ենթակառուցվածքային ընկերություն է, որը նախատեսված է անվտանգ, մասշտաբային և համաշխարհային հասանելիություն ունեցող գրաֆիկական պրոցեսորներով ենթակառուցվածք ապահովելու համար։ Ընկերության առաքելությունն է ժողովրդավարացնել առաջադեմ արհեստական բանականության հաշվարկների հասանելիությունը՝ հնարավորություն տալով նորարարություններ իրականացնել հետազոտությունների և ձեռնարկությունների շրջանում՝ ինչպես մասնավոր, այնպես էլ պետական հատվածներում։
Firebird-ի հաղորդակցության բաժին
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
