Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել

Արմինֆո.  Անգամ ԵԱՀԿ դիտորդները բազմաթիվ խախտումներ են արձանագրել Հայաստանի խորհրդարանական ընտրությունների ժամանակ, գրում է Սթենդֆորդի համալսարանի պրոֆեսոր, քաղաքագետ Արթուր Խաչիկյանը:

"Բայց, այնուամենայնիվ, լավ նորություն էլ կա. ավարտելով Հայաստանում զանգվածային ընտրակեղծիքների թեման, թիվ մեկ լավ լուրն այն է, որ մեր եվրոպացի գործընկերների, գոնե ոմանց մոտ, այնուամենայնիվ, խիղճն է արթնացել։ Դե գոնե մի քիչ արթնացել է, և դա, այնուամենայնիվ, պետք է ողջունել", - գրել է փորձագետն իր սոցիալական ցանցերում։

Նրա խոսքով ՝ անգամ ԵԱՀԿ դիտորդները բազմաթիվ խախտումներ են արձանագրել ընտրությունների ժամանակ։ Այդ առումով նա մեջբերում է կատարել ԱԺ ընտրությունների արդյունքների վերաբերյալ ԵԱՀԿ/ԺՀՄԻԳ հայտարարությունից։ "Ընտրարշավը կրել է խիստ առճակատման բնույթ, ուղեկցվել է պառակտում հրահրող հռետորաբանությամբ եւ ընտրակաշառքի ու ընտրական օրենսդրության այլ խախտումների մեղադրանքներով, ինչը հանգեցրել է ընդդիմության թեկնածուների եւ ակտիվիստների դեմ բազմաթիվ քրեական գործերի, ինչի արդյունքում ընդդիմության շատ կողմնակիցներ ձեռնպահ են մնացել քարոզարշավին ակտիվորեն մասնակցելուց: Սա, ինչպես նաև պետական ծառայողների վրա ճնշումները ՝ ստիպելու նրանց մասնակցել իշխող կուսակցության միջոցառումներին, ինչպես նաև վերջերս ներդրված սոցիալական և տնտեսական միջոցառումները, մտահոգություններ են առաջացրել նախընտրական քարոզարշավին մասնակցելու հնարավորությունների հավասարության վերաբերյալ":

«Բրավո, գործընկերներ։ Մենք ողջունում ենք խղճի և եվրոպական արժեքների անսպասելի վերածնունդը ձեր հոգում: Նույնիսկ դուք խոստովանեցիք բազմաթիվ խախտումները՝ չնայած ձեր առաջնորդների կողմից կատաղի ճնշումներին, մեր ընտրություններին նրանց աննախադեպ միջամտությանը եւ ձեր դեսպանատների քար լռությանը", - հայտարարել է Խաչիկյանը։

Նրա խոսքով՝ համեմատության համար՝  Բելառուսում ընտրությունների ժամանակ եվրոպացի դիտորդները քննադատում էին նրա կառավարությանը ՝ թեկնածուներին ձերբակալելու և վախեցնելու, նույնիսկ, ընտրություններից առաջ անհավասար պայմաններ ստեղծելու, խոսքի ազատությունը ճնշելու, ԶԼՄ-ների մենաշնորհային օգտագործման համար։

"Բայց այն, ինչ թույլատրված չէ Բելառուսին, պարզվում է, թույլատրված է և նույնիսկ ողջունելի է Հայաստանում։ Գլուխ հանեք  արդեն ձեր ստանդարտներից ու դիմակներից, դուք մեր ժողովրդավարներ, թե չէ՝ այսպես բոլորովին շփոթվել կարելի է։

Հետո նոր փաստեր ի հայտ եկան. 17.000 քվեաթերթիկ անվավեր ճանաչվեց (նախորդ ընտրությունների 4.500-ի կամ 4.700-ի համեմատ) ։ Վիճակագրորեն անհնար է, որ այդ թիվը պատահաբար ավելանա 4 անգամ ։ Վիճակագրությունը ճշգրիտ գիտություն է, այդպես պատահական չի լինում։ Ուրեմն այդ քվեաթերթիկները դիտավորությամբ որակազրկել են։

Բացի այդ, "Ծառուկյան" կուսակցությունը հայտնաբերել է, որ իրենից գողացել են հարյուրից ավելի քվեաթերթիկներ ՝ նրան խորհրդարան թույլ չտալու համար: Ձայների հաշվարկը դադարեցվել է գիշերը, իսկ արդյունքները նկարվել են առավոտյան", - հավելել Է պրոֆեսորը։

Խաչիկյանը, ի թիվս այլ կեղծիքների, նշել է բազմակի խմբակային քվեարկության միջոցով ընտրությունները կեղծելու համար զինվորների օգտագործումը, արտասահմանից օդանավակայան ժամանող Հայաստանի քաղաքացիների ահաբեկումը, ընտրություններից առաջ եւ, նույնիսկ, դրանց ժամանակ ընդդիմադիր կուսակցությունների հարյուրավոր անդամների ձերբակալությունները, տեղական վարչակազմի ղեկավարների միջամտությունը ընտրություններին: Քվեարկողներին ահաբեկելը, ուղղորդելը և վերահսկելը: Ընտրական տեղամասում իշխանության ներկայացուցիչների անձնական ներկայությունը: Իշխանությունների ներկայացուցիչների հսկողության ներքո խմբային քվեարկության դեպքեր:

Նրա խոսքով, արձանագրվել է օտարերկրյա առաջնորդների զանգվածային միջամտություն Հայաստանի ներքին գործերին, հատկապես՝ եվրոպական եւ ամերիկյան, պետական միջոցների օգտագործում ընտրողներին կաշառելու համար (կենսաթոշակներ, բժշկական սպասարկում): Պետական հեռուստատեսության օգտագործումը միակողմանի իշխանամետ քարոզչության համար:

"Ահա այսպիսի հաղթանակ են տոնել երեկ նրանք, ովքեր գողացան մեր ժողովրդի ձայները: Իսկ նրանց, ովքեր մոլեռանդ եռանդով քվեարկել են այս ռեժիմի օգտին, կարող եմ լրացուցիչ ուրախացնել. այսօր ձեզ շնորհավորել է ողջ Ադրբեջանը։ Հպարտացեք ձեզանով, ձեր արժանապատվության զգացումով, ձեր պատվով։ Ձեր հաղթանակով ուրախացել եւ ձեզ շնորհավորել են նրանք, ովքեր սպանել է 5.000 տղաներին, ովքեր այնքան անարդար իրենց երիտասարդ կյանքերը տվեցին ձեր ստոր, մորթեպաշտ, վախկոտհոգու համար։ Նրանցից մեկը բացահայտ ուրախանում եւ պարծենում էր, թե ինչպես են նրանք կոտրել և նվաստացրել հայերի 50 տոկոսին, ուժով ստիպել են նրանց սիրել հարևաններին։ Վայելեք. Եվ նա իրավացի է, որ ուրախանում է ձեր նվաստացմամբ. դուք ինքներդ եք ընտրել դա, և նշանակում է, որ դուք արժանի եք դրան: Տոնեք հարեւանների հետ եւ սողացեք առաջ", - եզրափակել է Խաչիկյանը ։