Արմինֆո. «Ինթելլիջենթ Մենեջմենթ» հոլդինգը հայտարարում է 3 միլիարդ ՀՀ դրամ ծավալով, տարեկան 11.7% եկամտաբերությամբ պարտատոմսերի թողարկման մեկնարկի մասին։
Արժեկտրոնների վճարման պարբերականությունը`կիսամյակային, մարման ժամկետը` 36 ամիս։
Տեղաբաշխումից ներգրավված միջոցներն ուղղվելու են «Վարդանանց-Քըրք Քըրքորյան» բժշկական կենտրոնի կառուցման աշխատանքներին, ինչպես նաև` գործող վարկերի վերաֆինանսավորմանը։
Նշենք, որ «Վարդանանց-Քըրք Քըրքորյան» բժշկական կենտրոնի նախագծի իրագործումը բուժառուներին հնարավորություն է ընձեռելու ստանալ համաշխարհային չափանիշներին համապատասխան բուժօգնություն հայրենիքում` առանց արտերկիր մեկնելու անհրաժեշտության: Կենտրոնն ի սկզբանե ստեղծվել է որպես «Ինթելլիջենթ Մենեջմենթ» էկոհամակարգի ինտեգրված բաղադրիչ, այլ ոչ թե առանձին գործող բժշկական կենտրոն։ Բիզնես մոդելը հիմնված է ծառայությունների բարձր ավելացված արժեքի, ապահովագրական և ասիստանս ծառայությունների հետ ինտեգրման, ինչպես նաև Հոլդինգի մակարդակով կենտրոնացված կառավարման վրա։
Նախագծի ռազմավարական նշանակությունը`
- բարձրակարգ բժշկական ծառայությունների պահանջարկի ամբողջական բավարարման հարթակի ձևավորում,
- առաջատար բժշկական կենտրոնի գործարկում բարձր պահանջներ ունեցող բուժառուների համար՝ որակի, սպասարկման և գաղտնիության տեսանկյունից,
- ներգնա բժշկական տուրիզմի և սփյուռքի համար կարևոր ուղղությունների զարգացում,
- Հոլդինգի գործունեության մասշտաբավորում՝ +55 մահճակալ և օրական շուրջ 1,000 լրացուցիչ այց,
- Վարդանանց ՆԲԿ-ի գործող հզորությունների բեռնաթափում և բուժառուների հոսքերի առավել արդյունավետ վերաբաշխում։
Պարտատոմսերի այս խմբաքանակի թողարկմամբ «Ինթելլիջենթ Մենեջմենթ» հոլդինգն ավելացնում է իր ներգրավվածությունը կապիտալի շուկաում` ներդրողներին հնարավորություն ընձեռելով պահպանել և բազմապատկել կապիտալը՝ ներդրումներ կատարելով Հայաստանի տնտեսության դինամիկ զարգացող ոլորտներում։ 2025թ.-ի դեկտեմբերին Հոլդինգը հաջողությամբ իրականացրել է իր պարտատոմսերի առաջին խմբաքանակի տեղաբաշխումը` 1 միլիարդ ՀՀ դրամ և 2.5 միլիոն ԱՄՆ դոլար ծավալով: 2026թ.-ի փետրվարի 13-ից նշված պարտատոմսերը շրջանառվում են Հայաստանի ֆոնդային բորսայում։
«Ինթելլիջենթ Մենեջմենթ» ՍՊԸ պարտատոմսերի ծրագրային ազդագիրը և ծրագրային ազդագրի լրացումը գրանցվել են ՀՀ կենտրոնական բանկի նախագահի՝ համապատասխանաբար 2025թ. դեկտեմբերի 3-ի թիվ 1/447 Ա և 2026թ. ապրիլի 28-ի թիվ 1/180 Ա որոշումներով:
Պարտատոմսերի տեղաբաշխումը մեկնարկելու է 2026թ. մայիսի 18-ին և ավարտվելու է 2026 թվականի օգոստոսի 31-ին (կամ ավելի վաղ, եթե ամբողջ ծավալը շուտ վաճառվի): Տեղաբաշխումն իրականացնում է Ամերիաբանկը:
Պարտատոմսերը կարելի է ձեռք բերել`
- առցանց՝ Ամերիաբանկի MyAmeria հավելվածի MyInvest ներդրումային հարթակի միջոցով,
- այցելելով Ամերիաբանկի որևէ մասնաճյուղ և լրացնելով հայտ-հանձնարարականը, ուղարկելով լրացված հայտ-հանձնարարականի ձևն Ամերիաբանկի [email protected] էլեկտրոնային հասցեին։
Առաջնային տեղաբաշխումից հետո Թողարկողը դիմելու է Հայաստանի ֆոնդային բորսա պարտատոմսերը ցուցակելու նպատակով, ինչից հետո դրանք հնարավոր կլինի ձեռք բերել կամ վաճառել երկրորդային շուկայում։ Պարտատոմսերի ձեռքբերման կարգին, ծրագրային ազդագրի էլեկտրոնային տարբերակին և պարտատոմսերի հրապարակային առաջարկի վերաբերյալ հայտարարություններին կարելի է ծանոթանալ այստեղ:
Թողարկողի և առաջարկվող պարտատոմսերի բոլոր մանրամասները, ինչպես նաև դրանց առնչվող ռիսկերը ներկայացված են ծրագրային ազդագրում (ներառյալ՝ ծրագրային ազդագրի լրացումը)։
«Ինթելլիջենթ Մենեջմենթ»-ի մասին
«Ինթելլիջենթ Մենեջմենթ»-ը դիվերսիֆիկացված հոլդինգային ընկերություն է` մասնագիտացված առողջապահության և ապահովագրության էկոհամակարգերում բարձր ներուժ ունեցող ակտիվներում ներդրումների իրականացման, ակտիվների կառավարման և զարգացման մեջ։ Հոլդինգն իր էկոհամակարգում համախմբում է «Վարդանանց» նորարարական բժշկության կենտրոնը, «ԷՖԵՍ» ապահովագրական ընկերությունը և «Բոնուս Ասիստանս» ասիստանս և լոգիստիկ ընկերությունը։ «Ինթելլիջենթ Մենեջմենթ»-ն իր 800-ից ավելի փորձառու մասնագետներով ծառայություն է մատուցում տարեկան մոտ 330,000 հաճախորդի՝ գրանցելով 135,000 կարգավորված ապահովագրական հատուցումներ և 530,000 իրականացված բժշկական միջամտություններ։
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
