Արմինֆո. "Ուժեղ Հայաստան" կուսակցության առաջնորդ Սամվել Կարապետյանի տնային կալանքը 3 ամսով երկարաձգելն ապօրինի քայլ է համաշխարհային քաղաքական պրակտիկայում: Այդ մասին հայտարարել է "Ուժեղ Հայաստան" կուսակցության վարչության անդամ Նարեկ Կարապետյանը՝ ArmeniaTV News-ի հետ հարցազրույցում։
Նրա խոսքով, այդպիսով հիմնական քաղաքական ուժի առաջնորդին զրկել են լիարժեք ընտրարշավ անցկացնելու և հայ ժողովրդի հետ անձամբ շփվելու հնարավորությունից: "Բայց մենք շատ լավ հասկանում ենք, թե ինչի համար է դա արվում։ Դա վախի հերթական դրսևորումն է։ Ամեն ինչ արվում է, որպեսզի Կարապետյանը չկարողանա մասնակցել ընտրարշավին։ Չէ որ՝ այդ ժամանակ հայ ժողովուրդը կարող է համեմատել, թե իրենց ինչ են առաջարկում Հայաստանի վարչապետ Նիկոլ Փաշինյանն ու Սամվել Կարապետյանը, եւ՝ հասկանալ, որ իրենց ուժեղ առաջնորդ է պետք", - նշել է կուսակցության վարչության անդամը։ Կարապետյանը համոզմունք է հայտնել, որ սա ոչ այլ ինչ է, քան ընդդիմադիր հայացքներ ունեցող գործիչների դեմ իշխանությունների արշավի հերթական դրսևորում: "Ընդ որում, իշխանությունը, որն՝ ինքը, ժամանակին ընդդիմություն է եղել եւ երկրի կառավարման է եկել երկրում ժողովրդավարության հաստատման մասին կարգախոսներով", - ուշադրություն է հրավիրել կուսակցության վարչության անդամը:
Կարապետյանի խոսքով՝ վերջին շրջանում նրանք հաճախ են բախվում ճնշումների դեպքերի մանկապարտեզներում և դպրոցներում, փորձ է արվում վախեցնել մարդկանց, որպեսզի նրանք չքվեարկեն խորհրդարանական ընտրություններում: "Այն ժամանակ, երբ "Ուժեղ Հայաստան" կուսակցության առաջնորդը տնային կալանքի տակ է, Հանրային հեռուստատեսությունը մշտական հիմունքով քարոզչություն է իրականացնում մեր քաղաքական ուժի դեմ, իշխանության ուժային կենտրոններն ամեն օր աշխատում են ընդդիմության դեմ։ Բայց հետաքրքիրն այն է, որ նույնիսկ իրենց ամբողջ գործիքակազմը կիրառելուց հետո մենք տեսնում ենք, որ նրանք (իշխանությունները - խմբ.) վստահ չեն իրենց ուժերի վրա, եւ փորձում են այլ տարբերակներ գտնել՝ օգտագործելով իրենց ողջ ռեսուրսն ընդդիմախոսների դեմ", - կարծում է Կարապետյանը։
Կարապետյանը դրա վկայությունն է համարում նաև իր նախընտրական քարոզարշավի շրջանակներում ՀՀ վարչապետ Նիկոլ Փաշինյանի այցը Գյումրի: Կուսակցության վարչության անդամի խոսքով ՝ այդ այցը ցույց տվեց, որ Հայաստանի վարչապետն այլևս չի կարող գեներացնել փողոցային զանգվածային շարժումներ և չունի զանգվածային աջակցություն: "Սա ցուցանիշ է, որ Փաշինյանը կորցրել է վստահությունը։ Եթե չեմ սխալվում, Գյումրիում հանրահավաքին ընդամենը 4000 մարդ էր հավաքվել, որից 2400-ին նրանք բերել էին Երևանից։ Սա ցույց է տալիս, որ իշխանությունները կորցրել են փողոցային զանգվածային շարժումներ առաջացնելու իրենց ներուժը։ Իսկ դա նշանակում է, որ մեր հասարակության ակտիվ հատվածը հասկացել է, որ իրենց փոփոխություններ են պետք", - վստահ է Կարապետյանը։
Հենց այդ տրամաբանությամբ է, ըստ նրա, Հայաստանի Կենտրոնական ընտրական հանձնաժողովի (ԿԸՀ) նախագահ Վահագն Հովակիմյանի առջեւ բարձրացվում այն չափորոշիչների հարցը, որոնցով կուսակցությունները պետք է գրանցվեն ընտրություններում: "Դա տեղի է ունենում այն պատճառով, որ իշխանությունների շանսերն օրեցօր նվազում են։ Եվ այդ պատճառով նրանք փորձում են անցնել անօրինականության ևս մեկ շեմ։ Իսկ մենք Հայաստանում իշխանափոխության խաղաղ գործընթաց ենք ուզում ։ Որովհետև գործող իշխանությունը չի կատարել հայ ժողովրդին խոստացածի 90 տոկոսը։ Ուստի, փոփոխություններ պետք է տեղի ունենան։ Թող նոր ուժեր գան", - նշել է Կարապետյանը։
Նա նաև հաղորդել է, որ առաջիկա օրերին մտադիր են սկսել փաստաթղթերը ԿԸՀ ներկայացնելու գործընթացը, իսկ ապրիլի 21-ին մտադիր են ներկայացնել կուսակցության և այն ուժերի ընտրացուցակը, որոնց հետ միավորվել են:
Հիշեցնենք, որ ապրիլի 17-ին Հայաստանի հակակոռուպցիոն դատարանը 3 ամսով երկարաձգել է "Ուժեղ Հայաստան" կուսակցության առաջնորդ Սամվել Կարապետյանի տնային կալանքի ժամկետը: "Ուժեղ Հայաստան" կուսակցության առաջնորդը ձերբակալվել էր 2025 թվականի հունիսի 18-ին Երևանում՝ այն բանից հետո, երբ աջակցություն էր հայտնել Հայ Առաքելական Եկեղեցուն, որը հարձակման էր ենթարկվել Հայաստանի իշխանությունների կողմից ։ Դրանից հետո բացահայտ սպառնալիքներ էին հնչել ՀՀ վարչապետ Նիկոլ Փաշինյանի կողմից, որից հետո Կարապետյանը կալանավորվել էր։ Նրան մեղադրում են երկրում իշխանությունը զավթելու հրապարակային կոչերի համար։ Ավելի ուշ կուսակցության առաջնորդին նոր մեղադրանքներ են առաջադրվել՝ փողերի լվացում և առանձնապես խոշոր չափերով գույքի հափշտակություն: Նախորդ տարվա դեկտեմբերին Սամվել Կարապետյանի խափանման միջոցը փոխվել է տնային կալանքի:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
