Հայտնի իրավապաշտպաններ Լեյլա և Արիֆ Յունուսների այսօրվա ձերբակալությունը վկայում է երկրում իրավապաշտպան կազմակերպությունների գործունեությունը խստորեն սահմանափակելու Ադրբեջանի իշխանությունների ձգտման մասին: ԱրմԻնֆո-ի հետ զրույցում այդպիսի կարծիք է հայտնել Երևանի մամուլի ակումբի նախագահ Բորիս Նավասարդյանը:
Նրա խոսքով, Ադրբեջանի հատուկ ծառայությունների դիրքորոշումն առավելապես պայմանավորված է ոչ թե հայ գործընկերների հետ իրավապաշտպանների փոխգործակցությամբ, որքան ընդհանրապես Ադրբեջանում իրավապաշտպան կազմակերպությունների գործունեությունը վտանգի տակ դնելու փորձով, այսինքն` դա ավելի շատ ներքին խնդիր է: Եվ, այնուամենայնիվ, Նավասարդյանը գտնում է, որ հիշյալ գործողությունները նշանակում են, որ ադրբեջանցիների և հայերի, քաղաքացիական երկու հասարակությունների ներկայացուցիչների`թեկուզ ինչ-որ երկխոսություն հաստատելու փորձերը հիմնովին բացառվում են Բաքվի քաղաքական վարչակարգի կողմից, ավելին`հաշվեհարդարի սպառնալիքի տակ են դրվում:
Նշենք, որ Turan գործակալության տեղեկատվության համաձայն, Խաղաղության և ժողովրդավարության ինստիտուտի տնօրեն Լեյլա Յունուսը երեքշաբթի օրը`7.00-ին, հարցաքննության համար տեղափոխվել է Ադրբեջանի Գլխավոր դատախազության Ծանր հանցագործությունների գծով քննչական վարչություն: Նախօրեին Բաքվի օդանավակայանում նրա հետ ձերբակալված ամուսինը՝ Արիֆ Յունուսը, նախաինսուլտային վիճակում տեղափոխվել է հիվանդանոց:
Ամուսինները ձերբակալվել են գիշերը 3.00-ին Դոհա մեկնելիս: Այնտեղից նրանք պատրասվում էին մեկնել Փարիզ և հետո Բրյուսել՝ մասնակցելու ԵՄ հովանու ներքո միջոցառմանը: Օդանավակայանում տեղի ունեցած խուզարկման ընթացքում, որին թույլ չի տրվել մասնակցել փաստաբան Խալիդ Բագիրովին, ամուսիններից առգրավել են նրանց համակարգիչը և փաստաթղթային գրառումները: Օդանավակայանից ամուսիններին տարել են իրենց բնակարան՝ այն խուզարկման ենթարկելու նպատակով: Լեյլա Յունուսը հրաժարվել է բացել բնակարանի դուռը`նշելով, որ միայն այն դեպքում կհամաձայնի, եթե խուզարկման ընթացքում ներկա լինեն նաև քաղաքացիական հասարակության ակտիվիստները: Իրավապաշտպանը հայտարարել է, որ չի վստահում իրավապահ մարմիններին, և որ նրանք կարող են աննկատ ինչ-որ բան գցել իրենց բնակարան:
Իրավապահ մարմինների ներկայացուցիչներն իրենց հերթին սպառնացել են կոտրել դուռը, եթե նրանք իրենց կամքով չբացեն: Այնուհետև նրանք փորձել են համոզել տանտերերին բացել դուռը՝ հավաստիացնելով, որ դա ՙպարզապես ձևական գործընթաց է՚: Քննարկվել է, որ 5 մարդ իրավապահ մարմիններից և 5 քաղաքացիական հասարակության ներկայացուցիչ միասին կմտնեն բնակարան: Սակայն այն բանից հետո, երբ Արիֆ Յունուսը սկսել է իրեն վատ զգալ, և նրան տեղափոխել են հիվանդանոց նախաինսուլտային վիճակում, Լեյլա Յունուսը կտրականապես հրաժարվել է բանակցություններ վարել և հայտարարել է, որ եթե դուռը կոտրեն, նա չի մասնակցի խուզարկմանը:
Այնուհետև Լ. Յունուսին առաջարկել են գնալ Ադրբեջանի գլխավոր դատախազության ծանր հանցագործությունների գծով քննչական վարչություն հարցաքննության համար: Նրան վարչություն են ուղեկցել փաստաբան Խալիդ Բագիրովը և ՙԽաղաղության և ժողովրդավարության ինստիտուտի՚ իրավաբանը:Ինչ վերաբերում է ՙԽաղաղության և ժողովրդավարության ինստիտուտի՚ գրասենյակում անցկացված խուզարկմանը, ապա այդ մասին հավաստի տեղեկությունները բացակայում են: Գիշերը ոստիկանությունը շրջափակել էր գրասենյակը: Սակայն, դատելով այն փաստից, որ գրասենյակում գիշերը լույս էր վառվում` իրավապահ մարմինները մտել են գրասենյակ: Ինստիտուտի աշխատակիցներին չեն թույլատրել մուտք գործել այնտեղ:
Ենթադրվում է, որ Յունուս զույգերի ձերբակալությունը օդանավակայանում կապված է լրագրող Ռաուֆ Միրկադիրովի դեմ հարուցված քրեական գործի հետ, ով ձերբակալվել է Հայաստանի օգտին լրտեսության մեղադրանքով: Միրկադիրովը մասնակցել է Հայաստանի քաղաքացիական հասարակության գործընկերների հետ ՙԽաղաղության և ժողովրդավարության ինստիտուտի՚ կազմակերպած նախագծերին:
Այսօր ադրբեջանցի իրավապաշտպանների ձերբակալության առնչությամբ հանդես է եկել ԵԱՀԿ Մինսկի խմբի ամերիկացի համանախագահ Ջեյմս Ուորլիքը։ Twitter-ի իր միկրոբլոգում Ուորլիքը գրել է, որ Միացյալ Նահանգներն աջակցում է Ադրբեջանի և Հայաստանի ժողովուրդների միջև վստահության և փոխըմբռնման մթնոլորտի հաստատմանն ուղղված ծրագրերին։
Политолог: В новых реалиях официальный Ереван может предложить Баку продолжить мирный процесс без референдума по Конституции
Армянский эксперт: Современная геополитическая конкуренция смещается от контроля над территориями к контролю над инфраструктурными потоками
Эксперт: Для устойчивого развития городов необходимо расширять механизмы участия жителей в принятии решений
Политик: Заявление третьего президента Армении может лишить оппозицию единственного политического основания для лишения Пашиняна власти
"Наследие": Оппозиции Армении пора представить народу правомочную альтернативу власти с широким политическим и надпартийным руководством
В Дилижане прошли переговоры секретаря Совбеза Армении с помощником президента Азербайджана
ЦИК нейтрализовал ППА: В парламент Армении пройдут три политические силы по итогам голосования на выборах в Армении
Москва: Выборы в Армении сопровождались беспрецедентным давлением на оппозицию
Эксперт: Даже наблюдатели ОБСЕ зарегистрировали многочисленные нарушения во время выборов в Армении
Москва будет ждать официальных результатов выборов в Армении - Песков
Антонио Кошта: ЕС продолжит углублять партнерство с Арменией, расширяя сотрудничество в областях энергетики, торговли и цифровизации
Глава МИД Израиля поздравил Пашиняна
В МИД Турции прокомментировал итоги выборов в Армении
Захарова: Международные наблюдатели не смогут отделаться молчанием на фоне вопиющих попрание интересов целого народа на выборах в Армении
"Сильная Армения" выступит с заявлением после завершения реальных подсчетов - Нарек Карапетян
Сенатор России: Жалобы оппозиционных сил по части нарушений со стороны партии власти во время выборов остались без ответа
Премьер-министр Армении продолжает получать поздравления в связи с победой на парламентских выборах
