ՀՀ ԱԺ ՙՀայ Ազգային Կոնգրեսի՚ խմբակցությունից ԱԺ պատգամավոր Նիկոլ Փշինյանը, սեպտեմբերի 30-ին ելույթ ունենալով ՀՀ խորհրդարանում, հայտարարեց, որ երկրի իշխանութունները շարունակում են քաղաքական հետապնդումները երիտասարդ ակտիվիստ Տիգրան ՍԱռաքելյանի նկատմամբ: ՙՀաշվի առնելով համաներման վերաբերյալ նախագահ Սերժ Սարգսյանի առաջարկը, ինչպես նաև դատարանի կողմից Տիգրան Առաքելյանի ազատ արձակման կապակցությամբ 8 պատգամավորների երաշխավորությունների անտեսումը, կարելի է վստահորեն նրան համարել ՙքաղաքական բանտարկյալ՚: Հետևաբար, ես պահանջում եմ նրա անվերապահ ազատ արձակումը՚,-ընդգծել է պատգամավորը:

Ավստրիական Զարգացման բանկը (OeEB) և ՙԱմերիաբանկ՚ ՓԲԸ-ն ստորագրեցին պայմանագիր`15 մլն ԱՄՆ դոլարի չափով Ամերիաբանկին վարկ տրամադրելու մասին: 

 Ֆրանսահայ համայնքի ներկայացուցիչները եռօրյա նստացույց կկազմակերպեն ՀՀ նախագահ Սերժ Սարգսյանի Ստրասբուրգ այցելության կապակցությամբ: Այս մասին հայտարարել է Գալա հեռուստաալիքը, հղում կատարելով լրագրող և հասարակական գործիչ Լիլիթ Սիմոնյանին:

 ՙՀարավկովկասյան երկաթուղի՚ ՓԲԸ աշխատակիցների միջին ամսեկան աշխատավարձը վերջին մեկ տարվա ընթացքում ավելացել է 11%-ով: 2012 թվականի հունվար-օգոստոսին գրանցված 176 705 դրամի դիմաց՝ 2013 թվականի ութ ամիսների արդյունքներով միջին աշխատավարձի չափը հասել է 196 043 դրամի: Այդ մասին ասվում է ընկերության հաղորդագրության մեջ:

Արցախի Հանրապետության Նախագահ Բակո Սահակյանը սեպտեմբերի 29-ին շնորհավորական ուղերձ է հղել Աբխազիայի Հանրապետության Նախագահ Ալեքսանդր Անկվաբին:

Կուզեի Հայաստանի իշխանություններին կոչ անել հանդես գալ առավել հստակ առաջարկներով այն առնչությամբ, թե ինչ ոլորտներում են իրենք տեսնում մեր հետագա համագործակցությունը, և որոնք են Հայաստանի գերակայությունները: Այդ մասին սեպտեմբերի 30-ին մամլո ասուլիսի ժամանակ հայտարարել է Հայաստանում Մեծ Բրիտանիայի դեսպան Ջոնաթան Էյվսը`մեկնաբանելով Մաքսային միությանն անդամակցելու Հայաստանի պատրաստակամությունը:

ՀՀ Ազգային Ժողովն իր այսօր կայացած նիստում երկրորդ և վերջնական ընթերցմամբ փոփոխություններ և լրացումներ է կատարել ՙՀեղինակային և հարակից իրավունքների մասին՚ ՀՀ օրենքում:

ՀՀ Խորհրդարանն իր գնահատականը կտա ՀՀ ԱԺ պատգամավոր Զարուհի Փոստանջյանի և ռուսական սահմանապահների միջև  Սյունիքում տեղի ունեցած միջադեպի կապակցությամբ:

 Ցեղասպանությունների ճանաչումը, դատապարտումը եւ կանխարգելումը շարունակում են առաջնահերթություն հանդիսանալ Հայաստանի համար։ Այդ մասին հայտարարել է Հայաստանի արտգործնախարար Էդվարդ Նալբանդյանը` ՄԱԿ Գլխավոր ասամբլեայի 68-րդ նստաշրջանում իր ելույթում:

Չնայած Ադրբեջանի ապակառուցողական դիրքորոշմանը՝ Հայաստանը կշարունակի իր ջանքերը Լեռնային Ղարաբաղի հակամարտության բացառապես խաղաղ միջոցներով կարգավորման ուղղությամբ՝ միջազգային սկզբունքներին եւ նորմերին համապատասխան: Այդ մասին հայտարարել է Հայաստանի արտգործնախարար Էդվարդ Նալբանդյանը ՄԱԿ Գլխավոր ասամբլեայի 68-րդ նստաշրջանում իր ելույթում:

 Հայաստանի հետ ասոցացման և ազատ առևտրի գոտու ստեղծման շուրջ համաձայնագրի ստորագրումից հրաժարվելու մասին Եվրամիության հայտարարությունը վերջնական չէ: Այդպիսի կարծիք է հայտնել Հայաստանի գործատուների  հանրապետական միության նախագահ Գագիկ Մակարյանը:

Ամերիկահայ հայտնի փաստաբան Մարկ Կիրակոսը CNN-ի եթերում հայտարարել է, որ ԱՄՆ երկակի քաղաքականություն է վարում Հայոց ցեղասպանության ճանաչման հարցում:  

 Ազգային ժողովը սեպտեմբերի 30-ի նիստում երկրորդ և վերջնական ընթերցմամբ ընդունել է ՙԽաղաղ նպատակներով ատոմային էներգիայի անվտանգ օգտագործման մասին՚ Հայաստանի Հանրապետության օրենքում փոփոխություն եւ լրացումներ կատարելու մասին օրինագիծը: Բացի այդ, խորհդրարանականները ուղղումներ են կատարել ՙԿազմակերպություններում և հաստատություններում ստուգումների կազմակերպման և անցկացման կարգի մասին՚ օրենքում:

Սյունիքի թիվ 38 ընտրատարածքում սեպտեմբերի 29-ին տեղի ունեցած ԱԺ մեծամասնական ընտրակարգով լրացուցիչ ընտրությունների նախնական արդյունքների համաձայն, հաղթել է ՀՀԿ թեկնածու Արմեն Կարապետյանը:

 Սեպտեմբերի 28-ին  ՙԵրաժշտության շաբաթ Երևանում՚ փեառատոնի շրջանակում տեղի է ունեցել հայտնի երգչուհի Էռնա Յուզբաշյանի համերգը: Կատարողի սրտահույզ ձայնը ծանոթ է ոչ մեկ սերնդի. ՙԺպտա՚, ՙԵրգն էլ հոգի ունի՚, ՙՈտքի ելեք՚, ՙՍիրելիս, ի՞նչ  եմ արել քեզ՚` Ցվետաևայի բանաստեղծությունների հիման վրա: 90-ականներին Յուզբաշյանը մեկնեց ԱՄՆ, որտեղ ապում և աշխատում է մինչ օրս: 

 Սեպտեմբերի 28-ին ՄԱԿ-ի Գլխավոր ասամբլեայի 68-րդ նստաշրջանի աշխատանքներին մասնակցող ԱԳ նախարար Էդվարդ Նալբանդյանը հանդիպել է  ՄԱԿ-ի գլխավոր քարտուղար Բան Կի-մունին: 

 Նյու Յորքում արտգործնախարար Էդվարդ Նալբանդյանը հանդիպել է Իրանի արտգործնախարար Մոհամադ Ջավադ Զարիֆի հետ: Ինչպես ԱրմԻնֆո գործակալությանը հաղորդեցին Հայաստանի ԱԳՆ մամուլի,  տեղեկատվության և հասարակայնության հետ կապի վարչությունից, նախարարները գոհունակություն են հայտնել բարձր մակարդակի վրա գտնվող փոխշահավետ համագործակցության կապակցությամբ, ընդգծելով, որ դրա վկայություններից է նախագահ Սերժ Սարգսյանի մասնակցությունը Իրանի նախագահ Հասան Ռոհանիի երդմնակալության արարողությանը: Անդրադարձ է կատարվել Հայաստանի Ազգային ժողովի և Իրանի Մեջլիսի միջև համագործակցությանը, կարևորվել է միջխորհրդարանական բարեկամության խմբերի գործունեությունը: Զրույցի ընթացքում մտքեր են փոխանակվել երկու երկրների միջև առևտրատնտեսական, էներգետիկ, տրանսպորտային բնագավառներում փոխգործակցության վերաբերյալ: Հայաստանի և Իրանի արտաքին քաղաքական գերատեսչությունների ղեկավարները քննարկել են նաև սիրիական ճգնաժամի հանգուցալուծման ուղղությամբ ձեռնարկվող ջանքերը: Նախարարներ Նալբանդյանն ու Զարիֆը քննարկել են Իրանի միջուկային ծրագրի շուրջ բանակցային գործընթացը` կարևորելով այդ ուղղությամբ արձանագրված դրական միտումները: Անդրադարձ է կատարվել ղարաբաղյան հիմնախնդրի կարգավորման գործընթացին: Այս համատեքստում Իրանի ԱԳ նախարարը վերահաստատել է իր երկրի աջակցությունը հակամարտության խաղաղ կարգավորմանը: Էդվարդ Նալբանդյանն իր իրանցի գործընկերոջը հրավիրել է այցելել Հայաստան: -0-

Նախագահ Սերժ Սարգսյանը 2013 թվականի սեպտեմբերի 30-ին Հայաստանի Հանրապետության Ազգային ժողովի քննարկմանն է ներկայացրել Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մաuին առաջարկությունը: Այդ մասին ԱրմԻնֆոյին հաղորդեցին նախագահի մամլո գրասենյակից:

Ադրբեջանին ռուսական սպառազինության նոր, ինչպես նաև առաջիկա մատակարարումները լիովին տեղավորվում են տարածաշրջանում աշխարհաքաղաքական վերջին փոփոխությունների մեջ, ԱրմԻնֆո-ին այդպիսի կարծիք է հայտնել Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը`մեկնաբանելով Ադրբեջանին ռուսական սպառազինության վերջին մատակարարումները:

Օրերս ՙԿուրգանմաշզավոդը՚ սկսել է Ադրբեջանի համար 2С31 ՙՎենա՚ ինքնագնաց հրետանային համակարգերի արտադրությունը, որոնք առաջին անգամ ներկայացվել էին IDEX-97 սպառազինությունների ցուցահանդեսին 90-ական թթ, սակայն այն ժամանակ պատվիրատու չի գտնվել: ՙՎենա՚ համակարգը նախատեսված է կենդանի ուժի, հրետանակային և ականանետային մարտկոցների, հրթիռային համակարգերի, զրահապատ թիրախների, կրակային միջոցների և մինչև 13 կմ հեռավորության վրա ղեկավարման կենտրոնների խոցման համար:

ՙԴա ամենևին բիզնես չէ, ինչպես ոմանք փորձում են ներկայացնել: Ռուսական սպառազինությունների հիշյալ մատակարարումները տեղավորվում են Ռուսաստանի հստակ մտածված քաղաքականության մեջ`ուղղված Ադրբեջանին զենքի մատակարարումների կախվածության մեջ գցելուն: Ռուսական զենքով ապահովելու քաղաքական որոշման միջոցով Մոսկվան բոլոր միջոցներով փորձում է ուժեղացնել վերջինիս վրա իր ազդեցության լծակները`մտահոգված լինելով այդ երկիր իսրայելական և թուրական սպառազինությունների մատակարարումներով՚,- ընդգծել է քաղաքական գործիչը:

Սարգսյանը, ի թիվս այլ գործոնների, Ռուսաստանի ձեռքով Ադրբեջանի ռազմականացումը կապում է իրանական գործոնի հետ`պայմանավորված ԱՄՆ և Իսրայելի հետ Թեհրանի հարաբերություններում հեղափոխական փոփոխություններով: Ավելի վաղ Իրանը դիտարկվում էր որպես Արևմուտքի հստակ հակառակորդ, իսկ Թուրքիան`դաշնակից: Այդ պայմաններում Հայաստանը
հակակշիռ էր այդ հարաբերությունների համակարգում: Մինչդեռ նոր պայմաններում, երբ նույնիսկ Իրանի նախագահը ճանաչեց Հոլոքոսթը, Ադրբեջանը միանգամայն այլ դեր կարող է խաղել: Իսկ դա, վերկուծաբանի կարծիքով, չի կարող չազդել վերջինիս նկատմամբ ՌԴ քաղաքականության վրա: ՙԲաքվում, ըստ որևույթին, հետևում են բոլոր այդ փոփոխություններին և հասկանում իրենց նշանակությունն այդ կոմբինացիաներում՚,- ամփոփել է Սարգսյանը: