Հայաստանի կառավարությունը մեծապես կարևորում է տեղական շուկայում տեղեկատվական տեխնոլոգիաների արտադրանքի և ծառայությունների սպառման ծավալների աճը և տնտեսության տարբեր բնագավառներում ՏՏ նորարարական լուծումների կիրառման մակարդակի բարձրացումը:

Ադրբեջանը խոչընդոտներ կստեղծի Եվրասիական տնտեսական միությանը Հայաստանի անդամակցման ճանապարհին, քանի որ դուրս է մնացել այդ գործընթացներից, այսօր լրագրողներին հայտարարել է ՀՅԴ խմբակցության ղեկավար Արմեն Ռուստամյանը`մեկնաբանելով Հայաստանի և Արցախի սահմանին մաքսակետ տեղադրելու վերաբերյալ Ղազախստանի նախագահ Նուրսուլթան Նազարբաևի հայտարարությունը:

Մայիսի 29-ին Արցախի Հանրապետության վարչապետ Արա Հարությունյանը այցելել է Մարտակերտի շրջանի Թալիշ գյուղ՝ բնակիչների հետ հանդիպելու և տեղի գյուղատնտեսական աշխատանքների կազմակերպման որոշ հարցեր քննարկելու նպատակով:

Հայաստանի քաղաքական և պետական որևէ գործիչ չի համաձայնի, որ Հայաստանի և Լեռնային Ղարաբաղի Հանրապետության միջև մաքսակետ տեղադրվի: Որևէ ուժ, որևէ կուսակցություն նման անհեթեթ գաղափար չի պատկերացնում, լրագրողներին հայտարարել է ՀՀ կրթության և գիտության նախարար, ՀՀԿ փոխնախագահ Արմեն Աշոտյանը, պատասխանելով Եվրասիական տնտեսական միությանը Հայաստանի անդամակցման դեպքում Արցախի ճակատագրի վերաբերյալ հարցին:

Եվրասիական տնտեսական միությանը միանալիս Հայաստանը չպետք է թույլ տա, որպեսզի անտեսվեն Արցախի շահերը: Այսօր լրագրողների հետ հանդիպմանը նման կարծիք է արտահայտել ՀՀ ԱԺ «Ժառանգություն» խմբակցության ղեկավար Ռուբեն Հակոբյանը:

Վարդենիսի Ոստիկանության և «Հարավկովկասյան երկաթուղի» ՓԲԸ անվտանգության ծառայության աշխատակիցները մայիսի 28-ին ձերբակալել են Շորժա-Վարդենիս հատվածում երկաթուղային գծերը վնասող երկու դեռահասի:

Եվրոպայի հայկական միությունների ֆորումն Արցախի իշխանություններին կոչ է արել հանդես գալ Հայաստանին միանալու նախաձեռնությամբ: Այդ մասին ասվում է ԵՀՄՖ մամուլի ծառայությունից ԱրմԻնֆո-ին տրամադրված հայտարարությունում:

 «Ես լիովին համաձայն եմ Ղազխաստանի նախագահ Նուրսուլթան Նազարբաևի այն հայտարարությանը, որ Հայաստանը Եվրասիական տնտեսական միությանը պետք է անդամակցի այն սահմանների շրջանակում, որոնցում մտել է ԱՀԿ», - հայտարարել է ԼՂՀ ղեկավարի մամուլի քարտուղար Դավիթ Բաբայանը ԱրմԻնֆո-ի թղթակցի հետ զրույցում:

Հայաստանում աշակերտների թիվը վերջին 15 տարիներին 600 հազարից կրճատվել է մինչև 370 հազար: Այս մասին երկրի 2013 թվականի բյուջեի կատարման խորհրդարանական լսումների ընթացքում հայտարարել է ՀԱԿ խմբակցութւյան անդամ Արամ Մանուկյանը:

«ԱրմենՏել» և «Ռոստելեկոմ» ընկերությունները ռեգուլյատորի միջամտությունից հետո պայմանավորվեցին համագործակցել:

Աստանայի նիստում Ղազախստանի նախագահ Նուրսուլթան Նազարբաևի այն հայտարարությունը, թե Հայաստանը Եվրասիական տնտեսական միությանը պետք է ինտեգրվի ՄԱԿ-ին անդամակցելիս գծված սահմաններով, քննադատության չի դիմանում: ԱրմԻնֆո-ի թղթակցի հետ զրույցում այդ մասին հայտարարել է ՀՅԴ  բյուրոյի Հայ դատի եւ քաղաքական հարցերի գրասենյակի պատասխանատուԿիրո Մանոյանը:

 «Վիմպելկոմը» Հայաստանում վերջին 8 տարիներին ներդրել է ավելի քան 350 մլն.դոլար: Այս մասին ԱրմԻնֆո գործակալության թղթակցի հետ զրույցում տեղեկացրել է «Վիմպելկոմ» խմբի կորպորատիվ կոմունիկացիաների գծով տնօրեն Բոբբի Լիչը: «Անկասկած է, որ Վիմպելկոմը կշարունակի ներդրումներն այս շուկայում, բայց հստակ թվեր չեմ կարող նշել»,-ասել է նա:

 ՎՏԲ-Հայաստան Բանկը համալրել է արագ դրամական փոխանցումների համակարգերի իր շարքը` միանալով Tandem Transfers առաջին ազգային համակարգին: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, բանկի հաճախորդները կարող են ստանալ և կատարել դրամական փոխանցումներ Tandem Transfers համակարգի միջոցով առանց հաշիվ բացելու ինչպես Հայաստանի տարածքում համակարգի անդամ բանկերի միջև, այնպես էլ արտերկիր: Փոխանցումները կատարվում են վայրկենական ՀՀ դրամով, ԱՄՆ դոլարով, եվրոյով ու ՌԴ ռուբլով:

Այսօր մեկնարկած «Mobile App Expo 2014» բջջային հավելավծների ցուցահանդեսում Orange-ը ներկայացրեց ընկերության կողմից 2013թ. նոյեմբերին մեկնարկած և ՀՀ հեռահաղորդակցության շուկայում իր նախադեպը չունեցող «My Orange» բջջային հավելվածը: Orange-ը նաև հանդես եկավ երիտասարդ նախագծողների հետ հետագա համագործակցության ուղիներ որոնելու նախաձեռնությամբ: Այս մասին ԱրմԻնֆո գործակալությանը տեղեկացվել է Ընկերության մամուլի ծառայությունից:

Հայաստանի բանկային համակարգը գյուղացիներին հասցրել է սնանկացման: Այսօր Երևանում կայացած մամուլի ասուլիսում նման կարծիք է արտահայտել Հայաստանի Ագրարագյուղացիական միավորման նախագահ Հրաչ բերբերյանը:

 Երևանի կոնյակի գործարանի այցելությունների կենտրոնն անցնում է նոր ժամանակացույցի: Այսպես, հունիսի 2-ից Այցելութոյւնների կենտրոնը կաշխատի առանց հանգստյան օրերի: Այս մասին տեղեկությունը զետեղված է Կենտրոնի ֆեյսբուքյան էջում.  (https://www.facebook.com/ArArAtMuseum): Ինչպես ԱրմԻնֆո գործակալությանը տեղեկացվել է ԸՆկերության մամուլի ծառայությունից, որոշումը պայմանավորված է տուրիստական հոսքերի աճով և հետապնդում է Հայաստանի կոնյակագործության պատմա-մշակութային ժառանգությունը ԱՐԱՐԱՏ-ի նկատմամբ շահագրգիռ անձանց ներկայացնելու նպատակ:

 Մաքսային միությանը և Եվրասիական տնտեսական միությանն անդամակցելը չի ենթադրում սահմանների քննարկում և ընդհանրապես, նման հարցերի հետ որև առնչություն չունի: Այս մասին ԱրմԻնֆո գործակալությանը հայտնել է խորհրդարանի փոխխոսնակ, ՀՀԿ մամուլի քարտուղար Էդուարդ Շարմազանովը, մեկնաբանելով Ղազախստանի նախագահ Նուրսուլթան Նազարբաևի հայտարարությունը:

 Ավետիք Բուդաղյանի մահվան համար մեղավորները և նրանք, ովքեր խոստացել էին նրանց պատասխանատվությունից ազատել, իրենց հաշիվների մեջ խորապես կսխալվեն, քանի որ մենք ոչ մի դեպքում մտադիր չենք բավարարվել թատերական ներկայացման արդյունքով, որը մեզ բոլորիս ցուցադրվել է նախաքննության տեսքով: Այդ մասին ԱրմԻնֆո գործակալությանը հայտարարել է տուժած կողմի իրավահաջորդ Էմիլ Բուդաղյանի ներկայացուցիչ, փաստաբան Հայկ Ալումյանը:

Անաստաս Միկոյանի բրոնզե արձանը «Կռազի պարկի» ձուլարանից անհետացել է։ Այդ մասին գրում է «Հայկական ժամանակ» թերթը: Ձուլարանի աշխատակիցները հավաստիացնում են, որ արձանն իրենց մոտից տարել են. թե ով եւ ուր` հայտնի չէ։

Առկա իրողությունների պայմաններում Հայաստանի հետ որևէ փաստաթղթի ստորագրումն անհնար է, այդ թվում` էներգետիկայի ոլորտում: Ինչպես հաղորդում է Ermenihaber-ը, այդ մասին հայտարարել է Թուրքիայի արտգործնախարար Ահմեթ Դավութօղլուն` պատասխանելով Թուրքիայի ընդդիմադիր Ժողովրդահանրապետական կուսակցության փոխնախագահ Սեզգին Թանրքուլի հարցին: