Հայաստանի հանրապետական կուսակցության խմբակցության ղեկավար Գալուստ Սահակյան կոչ է անում Հայ ազգային կոնգրեսի անդամներին, որում համախմբվել են ՀՀՇ նախկին կառավարող կուսակցության անդամները, նախքան քաղաքապետ Տարոն Մարգարյանին կաշառակերության մեջ մեղադրելու պահանջով Գլխավոր դատախազությանը դիմելը հիշել իրենց կառավարման տարիները:

ՙԹող նրանք հիշեն, թե ով են եղել, ինչպես են իշխանության եկել միմիայն չուստերով, ինչպես փոշիացրել ազգային հարստությունը, փլուզել արդյունաբերությունը, իսկ իրենք հարստացել՚,- ԱրմԻնֆո-ի թղթակցի հետ զրույցում հայտարարել է Գալուստ Սահակյանը: Նրա խոսքով, նախկին կառավարող ռեժիմի ներկայացուցիչները փորձում են իրենց աշխատանքային փորձը ՙբարդել՚ ուրիշների, օրինակ` Տարոն Մարգարյանի վրա:

Խոսելով Մարգարյանի հայտարարագրած հսկայական եկամուտների մասին`քաղաքապետի 130 հազար դրամ պետական աշխատավարձի պարագայում, Սահակյանը հավաստիացրել է, որ այդ ամենը վաստակվել է ՙչափազանց շատ աշխատանքի՚ շնորհիվ: ՙԺամանակի ընթացքում Մարգարյանների ընտանիքը, քարը քարի վրա դնելով, որոշակի կարողություն է կուտակել, իսկ հիմա այդտեղից եկամուտներ են գալիս: Մարգարյանը չի հայտարարագրել իր եկամուտների աղբյուրները, քանի որ դրանք գրանցված չեն իր անունով, սակայն նշել է այդ ձեռնարկություններից ստացվող եկամուտները՚,- նշել է Սահակյանը:

Ազատության հրապարակում Հայ ազգային կոնգրեսի կազմակերպած հանրահավաքը դեռ չի սկսվել, սակայն, ինչպես հաղորդում է ԱրմԻնֆո-ի թղթակիցը, հավաքվածները ռոք երաժշտություն են լսում:

Ներկայումս հրապարակում շուրջ հազար մարդ է հավաքվել, իսկ ՀԱԿ ներկայացուցիչներից ժամանել է միայն խորհրդարանական խմբակցության քարտուղար Արամ Մանուկյանը: Հանրահավաքի սկիզբը նախատեսված է 18.00-ին:

 Սյունիքում, հնարավոր է, լուրջ դիմակայություն սկսվի Սյունիքի արոտավայրերն Իրանին վարձակալության տալու առնչությամբ: Այդ մասին Մամուլի ասուլիսում հայտարարել է ՙՍարդարապատ՚ շարժման անդամ, ՙՆախախորհրդարանի՚ անդամ Տիգրան Խզմալյանը:

Տեղեկացնելով, որ ներկայում շարժումն անցկացնում էՙդաշտային հետախուզություն՚: Խզմալյանը շել է, որ ամեն ինչ կարվի ան բանի համար, որպեսզի գործարքն իրականություն չդառնա՚: Նա չի բացառել, որ եթե իշխանությունները փորձեն կյանքի կոչել մտահղացումը, դա կհրահրի լուրջ դիմակայություն Սյունիքի մարզում, և դավաճանները, որոնք փորձում են խաղալ երկրի ազգայն անվտանգության հետ, կհանդիպեն լուրջ ծնդիրների: Պատասխանելով անյ հարցին, թե արդյոք պետք է այդքան վախենալ Իրանի հետ գործարքից, որը Հայաստանի նկատմամբ բարեկամակամ զգացմունք է տածում, խզմալյանը նշել է, թե անշուշտ, ԻԻՀ բարեկամ երկիր է, սակայն ինչպես ցանացած պետություն, Իրանն իր շահերն ունի Հայաստանում. սեփական շահերը կարող  են դրան չհամընկնել: Այդ առնչությամբ, այս կամ այն քայլը ձեռնարկելիս, հայկական կողմը պետք է ղեակավարվի սեփական շահերով:

 Հայաստանի ընդդիմությունը պետք է համախմբվի և Երևանի Ավագանու խորհրդի ընտրություններից հետո աջակցի ընդդիմադիր քաղաքապետի թեկնածությանը, ապրիլի 30-ին ընտրողների հետ քաղաքապետի թեկնածուների հանդիպման ժամանակ հայտարարել է ՀՅԴ համամասնական ցուցակի առաջին համար Արմեն Ռուստամյանը:

Նրա խոսքով, բոլոր ընդդիմադիրները պետք է խոստանան, որ չեն աջակցի Հայաստանի հանրապետական կուսակցությանը և կհամախմբվեն քաղաքապետի միասնական թեկնածուի շուրջը: ՙԱռաքելություն՚ կուսակցության, ՙԲարև Երևան՚ դաշինքի, ՙԲարգավաճ Հայաստան՚ կուսակցության և Հայ ազգային կոնգրեսի ցուցակների առաջին համարներ Մեսրոպ Առաքելյանը, Արմեն Մարտիրոսյանը, Վարդան Օսկանյանը և Վահագն Խաչատրյանն իրենց հերթին ՀՅԴ առաջարկն ընդունելու պատրաստակամություն են հայտնել:

Հանդիպման ընթացքում ընդդիմադիր գործիչները նշել են, որ Երևանում սոցիալ-տնտեսական և կոմունալ բազմաթիվ խնդիրներ կան, որոնք տարիներ շարունակ չլուծված են մնում: Եվ քանի որ հարցումների ընթացքում որպես հիմնական խնդիր երևանցիները նշում են աղբահանության խնդիրը, թեկնածուները միաձայն նշել են, որ իշխանությունները չեն ցանկանում լուծել այդ խնդիրը, քանի որ դրա միջոցով մեծ գումարներ են վաստակում:

ՀԱԿ-ից թեկնածու Վահագն Խաչատրյանը և ԲՀԿ-ից Վարդան Օսկանյանն իրենց հերթին հայտարարել են, որ նախանձում են թբիլիսցիներին, քանի որ Վրաստանի մայրաքաղաքը գրեթե իդեալական մաքուր վիճակում է գտնվում, ինչը չի կարելի ասել Երևանի մասին:

 Արդեն երկրորդ տարին է` ապրիլի 30-ին աշխարհը նշում է Ջազի միջազգային օրը: Տոնում են նաև Երևանում: Ինչպես հաղորդում է armenianjazz.am կայքը, այս տարի համերգները կանցկացվեն Կասկադի բացօթյա հարթակում: Երկարատև համերգային ծրագրին մասնակցելու են Հայաստանի պետական ջազ նվագախումբ, Հանրային ռադիոյի և հեռուսատեսության նվագախումբը, Խաչիկ Սահակյանի, Գարիկ Սարիբեկյանի խմբերը և այլոք:

Դաշնակահաև և կոմպոզիտոր Հերբի Հենկոկի նախաձեռնությամբ ստեղծված այս տոնն այսօր նշվում է ողջ աշխարհում: Տոնական միջոցառումներին մասնակցում են ջազի հայտնի աստղերից շատերը: Այս տարի Ջազի օրվա պաշտոնական մայրաքաղաք է ընտրվել Ստամբուլը:

 Ապրիլի 30-ին Եվրախորհրդարանի պահպանողականների եւ ռեֆորմիստների խմբակցության պատվիրակության անդամներն այցելեցին Ծիծեռնակաբերդի հուշահամալիր եւ ծաղիկներ դրեցին Հայոց մեծ եղեռնի զոհերի հուշակոթողին, լռությամբ հարգեցին մեկուկես միլիոն անմեղ նահատակների հիշատակը։

Ինչպես տեղեկացնում է ԱԺ Հասարակայնության եւ տեղեկատվության միջոցների հետ կապերի վարչությունը, պատվիրակության անդամները եղան նաեւ Հայոց ցեղասպանության թանգարան-ինստիտուտում, ծանոթացան Հայոց մեծ եղեռնը հավաստող փաստաթղթերին ու վավերագրերին, դիտեցին ցուցանմուշները։ Պատվիրակության ղեկավար Մարտին Քալանան գրառում կատարեց հուշամատյանում. ՙՇատ կարեւոր է, որ մենք բոլորս՝ քաղաքական գործիչներն այնպես անեն, որպեսզի երբեւէ նման բան տեղի չունենա։ Նրանք, ովքեր մոռանում են պատմությունը՝ դատապարտված են կրկին սխալներ թույլ տալու՚։ Մարտին Քալանան, իր տպավորությունները կիսելով լրագրողների հետ, նշել է.ՙՍարսափելի իրադարձություններ են տեղի ունեցել։ Ժամանակակից քաղաքականության համար կարեւոր է, որ մենք դասեր քաղենք այն ամենից, ինչ տեղի է ունեցել անցյալում, որպեսզի նման բաներ չկրկնվեն՚։

 Երևանի քաղաքապետարանում ՀՀ վերահսկիչ պալատի իրականացրած ստուգումների արդյունքում հայտնաբերվել են ոչ թե չարաշահումներ, այլ թերություններ, որոնք կարող են ի հայտ գալ ցանկացած մեծածավալ աշխատանքում: Այս մասին ասվում է Երևանի քաղաքապետարանի պարզաբանման մեջ` կապված ՙԺողովուրդ՚ օրաթերթում տպագրված ՙՎերահսկիչ պալատը Երևանի քաղաքապետարանում չարաշահումներ է հայտնաբերել՚ տեղեկատվության և թեմայի շուրջ լրահոսում տեղ գտած նյութերի հետ:

ՙՄասնավորապես, շինարարությանն ու հիմնանորոգման աշխատանքներին  առնչվող դեպքերի պարագայում  այդ թերությունները ի հատ են եկել  աշխատանքների կատարման ընթացքում և աշխատանքների ավարտի պահին, ինչի արդյունքում իրականացվել են շտկումներ, ինչպես նաև հստակ կատարվել են դեռևս չիրականացված ծավալները ։

ՙԻնչ վերաբերվում է Երևանի քաղաքապետարանի ենթակայության ՙՆոր բարեկարգում՚ ՓԲԸ-ն կողմից Եռաբլուրի անտառպուրակի Իսակովի պողոտային հարող լանջում իրականացված կանաչ տարածքի հիմնման աշխատանքներին, ապա այն չի կարող որակվել որպես  չարաշահում, քանի որ անտառ-պուրակի հիմնման արդյունքում ծառերի չորանալու փաստն արձանագրելով`  Երևանի քաղաքապետարանը այդ աշխատանքների համար որևէ լումա չի փոխանցել ընկերությանը՚,- տեղեկացնում է Երևանի քաղաքապետարանի տեղեկատվության և Հասարակայնության հետ կապերի վարչությունը:

 Եվրատեսիլ երգի մրցույթում Հայաստանը ներկայացնող Dorians ռոք-խումբը մայիսի 10-ին համերգ կտա Կոպենհագենի ամենամեծ համերգային հրապարակներից մեկում` AmagerBio ակումբում:

Համերգը կկայանա Դանիանում ՀՀ դեսպանության եւ Հանրային Հեռուստաընկերության աջակցությամբ: Դանիանում ՀՀ դեսպանության աջակցության շնորհիվ, համերգի տոմսերը մատչելի են` 100 դանիական կրոն կամ 13,5 եվրո: Տոմսերը կարելի է ձեռք բերել առցանց` AmagerBio ակումբի կայքում: Մայիսի 16-ին Շվեդիայում կայանալիք Եվրատեսիլ երգի մրցույթի երկրորդ կիսաեզրափակչում Dorians-ը հանդես կգա 11 համարի տակ: Եվրատեսիլ-ում Dorians-ը կներկայանա Lonely Planet երգով:  Lonely Planet-ի երաժշտության հեղինակը բրիտանացի լեգենդար ռոք-երաժիշտ, Black Sabbath խմբի կիթառահար Թոնի Այոմին է: Երգի բառերը գրել է Վարդան Զադոյանը: 1 600 հանդիսատեսի համար նախատեսված AmagerBio ակումբում տարեկան տեղի է ունենում մոտ 125 համերգ: Ապրիլի 27-ին ակումբում հանդես էր եկել trash metall ոճի առաջատարներից մեկը` Overkill խումբը:

 ՙԸնդդիմություն՚ հասկացությունը Հայաստանում վտանգի տակ է հայտնվել, տեղից վեր կացողն իրեն ընդդիմություն է անվանում, այսօր մամլո ասուլիսի ժամանակ հայտարարել է ՙՍարդարապատ՚ շարժման նախաձեռնող խմբի անդամ, ռեժիսոր Տիգրան Խզմալյանը:

Նրա խոսքով, երբ ՙԲարգավաճ Հայաստան՚ կուսակցության առաջնորդ, օլիգարխ Գագիկ Ծառուկյանը հավակնում է ընդդիմադիրի դերին, ընդդիմություն կոչվելն ամոթալի է դառնում: ՙՇուտով Սերժ Սարգսյանն էլ իրեն ընդդիմություն կհայտարարի՚,- նշել է նա: Ըստ Խզմալյանի, իրականում ներկայումս տեղի է ունենում ֆեոդալական կապիտալի վերաբաշխման երրորդ փուլը , որին մասնակցում են որոշակի խմբեր և կլաններ: Ներկայիս քաղաքական ընդհարումները, գտնում է նա, տեղի են ունենում հենց վերոհիշկալ գործընթացի շրջանակներում, սակայն ոմանք միամտաբար, իսկ ոմանք կանխամտածված շփոթում են դրանք քաղաքական պայքարի հետ:

 ՙՀամացանցում և տպագիր մամուլում ՙԲարգավաճ Հայաստան՚ կուսակցության պատգամավոր Նաիրա Զոհրաբյանը հայտարարություն է տարածել, թե Երևանի ավագանու ընտրություններին մասնակցելու համար Աջափնյակում 8 հազար ապարանցի է գրանցվել: Հայտնում ենք, որ մատուցվածը կրկին ապատեղեկատվություն է՚,-ասված է այսօր ՀՀ ոստիկանության տարածաց հայտարարության մեջ:

Ոստիկանությունը հաղորդում է, որ հերթական անգամ կեղծ հայտարարություններով փորձ է արվում ապակողմնորոշել հանրությանը: ՙԸնտրական գործընթացների շրջանակներում բազմիցս հնչեցվել են նմանատիպ հիմնազուրկ հայտարարություններ, որոնցից որևէ մեկը սակայն, չի հիմնավորվել: Հայտարարության անառարկայականության վկայությունն է նաև ստորև բերված թվային համեմատականը: Աջափնյակ վարչական շրջանում 2013 թ. հունվարի 9-ին հրապարակված ՀՀ Նախագահի ընտրությունների նախնական ընտրացուցակներում ընդգրկված է եղել 81.614 ընտրող, իսկ 2013 թ. մարտի 27-ին հրապարակված Երևանի ավագանու ընտրությունների նախնական ընտրացուցակներում ընդգրկված է 81.751 ընտրող: Ոստիկանությունը կրկին հավաստիացնում է, որ բնակչության պետական ռեգիստրում հաշվառումներն իրականացվում են բացառապես օրենսդրությամբ սահմանված կարգով` համապատասխան հիմքերի առկայության պայմաններում՚,-ասված է ոստիկանության հայտարարության մեջ:

 ՙ168 ժամ՚ թերթի տեղեկություններով, վարչապետի պաշտոնում Տիգրան Սարգսյանի վերանշանակումից հետո ԲՀԿ գործարար թեւի ներկայացուցիչները փորձում են հասնել նրան, որ կուսակցությունը վերանայի իր դիրքորոշումը կառավարության վերաբերյալ եւ հաշտեցման եզրեր գտնի վարչապետի հետ:

ՙԻ պատասխան դրա` ԲՀԿ քաղաքական թեւն առաջարկում է քաղաքական կուրսի կոշտացում, ինչի արտահայտությունն էր Վարդան Օսկանյանի՝ ընդդիմություն դառնալու առաջարկը: Կուսակցության նախագահ Գագիկ Ծառուկյանի համար ՙոչ իշխանություն, ոչ ընդդիմություն՚ տարբերակը շարունակում է մնալ ամենաընդունելին:

Ծառուկյանը կուսակցության ամբողջականությունը պաշտպանելու եւ իրար հակամարտ թեւերին հաշտեցնելու համար շուտով կհայտարարի, որ պատրաստվում են 2017-ի խորհրդարանական եւ 2018-ի նախագահական ընտրություններին:

Իսկ որպեսզի դա համոզիչ լինի, նա առաջիկայում պետք է բացատրի, թե ինչու չառաջադրվեց 2013թ. նախագահական ընտրություններում: Այդ բացատրությամբ նա պետք հանրությանը համոզի, որ 2018թ. այդ խոչընդոտները վերացած կլինեն, եւ այլեւս ոչինչ չի խանգարի Գագիկ Ծառուկյանին` առաջադրվել եւ դառնալ նախագահ: Եթե «Ծառուկյան` նախագահե կարգախոսը համոզիչ չհնչի, ապա ԲՀԿ-ն կարող է բաժանվել, այն էլ` մի քանի մասերի. գործարարների, արմատական ընդդիմադիրների եւ չեզոք ապաքաղաքականների՚,- գրում է ՙ168 ժամը՚։

Սփյուռքից հերթական գործարարը` ՙՆուբարաշեն՚ ՔԿՀ-ում մահացած Ժորժ Բաղումյանը, Հայաստանի իշխանության ներկայացուցիչների անզուսպ ախորժակի զոհն է դարձել, այսօր մամլո ասուլիսի ժամանակ լրագրողներին հաղորդել է Բաղումյանի փաստաբան Մուշեղ Շուշանյանը:

ՙԻմ պաշտպանյալը ՙՆուբարաշեն՚ քրեակատարողական հիմնարկում կալանքի տակ է գտնվել 2012 թ. հոկտեմեբրի 27-ից ընդհուպ 2013 թ. ապրիլի 25-ն իր մահը: Մենք 3 անգամ հանդես ենք եկել նրան գրավով ազատ արձակելու միջնորդությամբ`նկատի ունենալով Բաղումյանի առողջական վատ վիճակը, սակայն երեք անգամ էլ Կենտրոն-Նորք Մարաշ համայնքների առաջին ատյանի դատարանի դատավոր Էդիկ  Ավետիսյանը մերժել է մեզ, ինչը հավասարազոր էր Ժորժ Բաղումյանի համար մահվան դատավճիռ ստորագրելուն: Մինչդեռ 65-ամյա Ժորժ Բաղումյանը 2004 թվականին ինֆարկտ էր տարել, տառապում էր հիպերտոնիայով, շաքարային դիաբետով՚,- հայտարարել է Շուշանյանը:

Փաստաբանի խոսքով, Բաղումյանը մեղադրվում էր հարկեր վճարելուց խուսափելու և ապօրինի հրազեն պահելու մեջ, և հիշյալ մեղադրանքներն ամենևին չեն ենթադրել նրա ձերբակալումը և կալանքի տակ պահելը: Միաժամանակ ՙՆուբարաշեն՚ ՔԿՀ-ում Շուշանյանի պաշտպանյալին համապատասխան որակյալ բուժօգնություն ցուցաբերել չէին կարող`այն պարզ պատճառով, որ ՔԿՀ-ում, որում պահվում էր 1200 բանտարկյալ, աշխատում էր ընդամենը մեկ բուժքույր: ՙԱյս խնդիրը համակարգային բնույթ է կրում, և խայտառակութուն է հայկական արդարադատության համար, արդարադատության նախարար Հրայր Թովմասյանն այս դեպքից հետո պետք է հրաժարական տա: Քրեակատարողական հիմնարկի ղեկավարությունն ուղղակի պարտավոր էր Բաղումյանին տեղափոխել ՙԴատապարտյալների հիվանդանոց՚ ՔԿՀ, սակայն նույնիսկ դա չի արվել, ինչի համար այդ մարդիկ պետք է պատասխան տան՚,- հայտարարել է փաստաբանը:

Շուշանյանը գտնում է, որ  Բաղումյանի նկատմամբ հարուցված գործը և նրա կալանքը նպատակ էին հետապնդում զրկել նրան Պաշտպանության նախարարության կարիքների համար մարտկոցների արտադրության ձեռնարկությունից, որը հիմնվել էր Արցախյան պատերազմի տարիներին վերջինիս հոր կողմից: Նրա խոսքով, Բաղումյանի կալանքը որևէ օրինական հիմք չուներ: ՙՔննիչ Էդգար Անտոնյանն ուղղակի Ժորժին ասել է, որ ինքը կնստի այնքան ժամանակ, քանի դեռ չի վճարել բոլոր հարկերը՚,- հաղորդել է փաստաբանը:  Շուշանյանի խոսքով, Բաղումյանը մեղադրվել է 16 մլն դրամի չափով հարկեր չվճարելու մեջ, ինչը տարբեր տուգանքներից հետո հասել է 41 մլն դրամի: Հաշվի առնելով, որ  Բաղումյանի ձեռնարկության մնացած բոլոր աշխատակիցները, առաջին հերթին`հաշվապահ Վահան Ամիրյանը, գործով անցնում էին միայն որպես վկաներ և որևէ կալանքի չեն ենթարկվել`փաստաբանը Բաղումյանի դեմ գործը գնահատում է որպես հասցեական և պատվիրված:

Հանգուցյալի եղբայր Սերժ Բաղումյանն իր հերթին հայտարարել է, որ քննության ընթացքում իրենից պահանջել են 10 մլն դրամի կաշառք` միայն այն բանի համար, որպեսզի կալանքից ազատ արձակեն եղբորը: Սակայն, նա հրաժարվել է նշել այն անձանց անունները, ովքեր իրենից պահանջել են այդ գումարը: Փաստաբան Մուշեղ Շուշանյանը, սակայն, չի վախեցել նշել իր պաշտպանյալի  մահվան անուղղակի մեղավորների անունները`նշելով, որ պահանջելու է քրեական գործեր հարուցել ՀՀ ԿԱ ՊԵԿ քննչական վարչության քննիչ Էդգար Անտոնյանի,
ՀՀ գլխավոր դատախազության կոռուպցիոն և կազմակերպված հանցագործությունների գործերով վարչության պետի տեղակալ Բագրատ Պետրոսյանի, Երևանի Կնետրոն և Նորք-Մարաշ վարչական շրջանների ընդհանուր իրավասության դատարանի դատավոր Էդիկ Ավետիսյանի, ՀՀ վերաքննիչ քրեական դատարանի դատավոր Արարատ Պետրոսյանի նկատմամբ:

 Ըստ ՀՀ պետական եկամուտների կոմիտեի հրապարակված տվյալների 2013 թվականի առաջին եռամսյակում Հայաստանի խոշոր հարկատուների ցուցակում առաջինն է ՙՀայՌուսգազարդ՚ ընկերությունը, պետբյուջեին վճարելով ավելի քան 13,275 մլրդ դրամ և զգալիորեն առաջ անցնելով մյուսներից:

Ցուցակում են նաև ՙՀայռուսգազարդ՚-ի դուստր ձեռնարկությունները, մասնավորապես, 16-րդ տեղում է ՙՏրանսգազ՚ ՍՊԸ-ն` վճարելով $ 1.2 մլրդ դրամ, 534-րդ տեղում է ՙԱվտոգազ՚ ՍՊԸ-ը` 43.2 մլն դրամ, 955-րդ տեղում է ՙԱրմավիրգազմաշ՚ ՍՊԸ-ն`21.6 մլն.դրամ: Իսկ ՙԷյ-Ի-Ջի-սերվիս՚ ընկերությունը, որն զբաղեցրել է ցուցակի 98-րդ հորիզոնականը, վճարել է 299,4 մլն.դրամ:

Երկրորդ տեղում է ՙԱլեքս Գրիգ՚ ընկերությունը` 3.836 մլրդ.դրամ: Երրորդ
տեղում է բջջային կապի օպերատոր ՙՂ - ՏելեկոմԸ ընկերությունը (ապրանքանիշը VivaCell-MTS)` 3.815 մլրդ դրամ: Չորրորդ տեղում է հեռահաղորդակցության օպերատոր ԱրմենՏելը` 3.733.000.000 դրամ, իսկ հնգերրորդն է ՙԶանգեզուրի պղնձամոլիբդենային կոմբինատ՚ ՓԲԸ-ն` վճարելով բյուջեին 3,444 մլրդ.դրամ:

 ՀՀ տրանսպորտի և կապի նախարար Գագիկ Բեգլարյանի հրամանով Արա Հովսեփյանն ազատվել է ՙՀյուսիս-Հարավ՚ ավտոտրանսպորտային միջանցքի ներդրումային ծրագրի իրականացման ՊՈԱԿ-ի գլխավոր գործադիր տնօրենի պաշտոնից: Այս մասին է հաղորդում ՀՀ ՏԿՆ մամուլի ծառայությունը:

Հովսեփյանի հետ աշխատանքային պայմանագիրը դադարեցվել է կողմերի փոխհամաձայնությամբ: Նույն օրը ՊՈԱԿ գլխավոր գործադիր տնօրենի ժամանակավոր պաշտոնակատար է նշանակվել Արթուր Սարգսյանը:

Նշենք, որ ՙՀյուսիս-Հարավ՚ միջանցը, որի երկարությունը կազմում է 556 կմ, Հայաստանի համար ելք կապահովի դեպի Սև ծով և եվրոպական երկրներ ¥Մեղրի-Կապան-Գորիս-Երևան-Աշտարակ-Գյումրի-Բավրա-Վրաստան¤: Ավտոմայրուղին կլինի բետոնածածկ: Նախագծի ընդհանուր արժեքը կազմում է 1 մլրդ.դոլար, որի 500 մլն.դոլարը տրամադրել է Ասիական Զարգացման բանկը: Նախագծի ֆինանսավորմանը կմասնակցի նաև Ճապոնիայի Միջազգային համագործակցության գործակալություն, որը պատրաստակամություն է հայտնել տրամադրել 50-70 մլն.դոլար: Հայաստանի կողմից համաֆինանսավորումը կկազմի 462 մլն.դոլար: Ավտոմայրուղու շինարարությունը նախատեսվում է ամբողջովին ավարտել 2017 թվականին: ՀՀ կառավարությունը հաշվարկել է, որ նոր ավտոմայրուղիով ընթանալու դեպքում մեկ ժամում մեկ ուղևորի համար տնտեսումը կկազմի 2.5 դոլար, իսկ մեկ տոննա բեռի փոխադրման համար` ժամում 1 դոլար: Հայաստանի իշխանություններն ակնկալում են, որ ծրագիրն ապագայում երկրին թույլ կտա մեղմել Ադրբեջանի և Թուրքիայի կողմից իրականացված շրջափակման հետևանքները, ինչպես նաև միանալ Սևծովյան շրջանային ավտոմայրուղուն: ՙՀյուսիս-Հարավ՚ ավտոմիջանցքի նախագիծը նախաձեռնել են Ռուսաստանը և Իրանը և ենթադրվում է տրանսպորտային հոսքերի ակտիվացում, այդ թվում նաև Ռուսաստան-Իրան-Հնդկաստան ուղղություններով նոր տրանսպորտային հաղորդակցությունների շինարարության հաշվին: Հայաստանի և Իրանչ միջև նախատեսվում է նաև նոր երկագծի շինարարության հնարավորություն, որը կկապի երկու երկրները, դառնալով ՙՀյուսիս-Հարավ՚ ավտոմայրուղու մի մասը:

Հայաստանի Վերահսկիչ Պալատի ստուգումների արդյունքները մի շարք չարաշահումներ են բացահայտել: Այս մասին է նշվում ՎՊ պաշտոնական կայքում:

Աղբյուրի համաձայն, փաստաթղթում նշվում է, որ ստուգվել են քաղաքապետարանի կողմից 22 օբյեկտներում իրականացված շինարարարական, ինչպես նաև վերանորոգման աշխատանքները: Իրականացված ստուգումների արդյունքում բացահայտվել է, որ 510.34 մլն.դրամից 8.2 մլն.դրամը պարզապես հավելագրված են, իսկ 24.8 մլն.դրամ ծախսվել է անորակ շինարարությանը: Բացի այդ, քաղաքապետարանի կողմից հիմնված ՙՆոր Բարեկարգում՚ ընկերությունը պետք է Եռաբլուրի մոտակայքում, Իսակովի պողոտայի հարևանությամբ, իրականացներ ծառատունկ: Արդյունքում, ոչ մի ծառ չի տնկվել, իսկ չտնկված ծառերի դիմաց ծախսվել է 10 մլն.դրամ:

Հիշեցնենք, որ նախօրեին Հայ Ազգային Կոնգրեսը Երևանի քաղաքապետ Տարոն Մարգարյանին մեղադրել էր խաբեբայության և փողերի լվացման մեջ: ՙԵրբ մենք խոսում էինք այս փաստերի մասին, Հանրապետական կուսակցությունը մեզ խորհուրդ տվեց դիմել իրավապահ մարմիններին: Մենք միշտ կարեւորել ենք երկխոսությունը քաղաքական ուժերի հետ եւ որոշ դեպքերում նաեւ պատրաստ ենք դիմել իրենց խորհուրդներին: Սա հենց այդ դեպքերից մեկն է, մենք սիրով լսեցինք Հանրապետականի խորհուրդը, սիրով կատարում ենք՚, - հեգնեց Լեւոն Զուրաբյանը` հավելելով, որ ՙԻ դեմս Տարոն Մարգարյանի՝ գործ ունենք ավազակապետական կարկառուն մի ներկայացուցչի հետ, որը վերջին տարիներին զբաղված է եղել ժողովրդին թալանելով: Մենք մեղադրում ենք Տարոն Մարգարյանին ժողովրդին թալանելու, փողերի լվացման մեջ եւ մեր մեղադրանքը հիմնավորել ենք լրջագույն փաստերով՚,- ասել է նա:

Նա նաև ներկայացրել է, որ, թե ըստ ԿԸՀ ներկայացրած հայտարարագրերի, ինչքան են եղել Տարոն Մարգարյանի մեկ տարվա եկամուտները: Պարոն Զուրաբյանի ներկայացմամբ, 2005-ին մեկ տարվա եկամուտը կազմել է 7 միլիոն 392. 000 դրամ, 2007-ին`64 միլիոն դրամ, 50.000 դոլար եւ ութսուն միլիոն դրամի ոսկե զարդեր: Իսկ 2013-ին՝ 115 միլիոն դրամ, 50.000 եվրո, 50.000 դոլար, բնակարաններ, 50 տոկոս բաժնետոմսեր Z and Z տաքսի ծառայությունում: Պարոն Զուրաբյանի խոսքերով, Ավան վարչական շրջանի ղեկավար եղած տարիներին Տ. Մարգարյանի աշխատավարձը կազմել է 130 հազար դրամ, իսկ նախորդ հայտարարագրերում նա մշտապես նշել է, որ ժառանգություն ստացած, ձեռնարկատիրությունից օգնության կարգով ստացված գույք չունի, կողմնակի եկամուտ չունի. ՙԱյս տարի Տարոն Մարգարյանն արդեն հայտարարագրել է մի ունեցվածք, որը ամենահամեստ գնահատականներով գնահատվել է մոտ վեց միլիոն դոլար, որը մեր գնահատականներով գերազանցում է տասը միլիոն դոլարը, և որեև աղբյուր, որը կկարողանար հիմնավորել նրա եկամուտը, գոյություն չունի: Այս ունեցվածքը ստացված է հանցավոր ճանապարհով: Այլընտրանք չի կարող լինել: Ոչ միայն այս գույքը ձեռք է բերվել հանցավոր ճանապարհով, այլև թաքցվել է այդ գույքի ծագման աղբյուրը: ՀԱԿ-ը ուսումնասիրելով այդ փաստերը՝ կազմել է նամակ, գլխավոր դատախազին ուղղված, քրեական պատասխանատվության կանչելու Տարոն Մարգարյանին՚,-նշել է Լ.Զուրաբյանը:

 Ադրբեջանի փոխարտգործնախարար Արազ Ազիմովն ապրիլի 30-ին կայցելի Անկարա:

Ինչպես հաղորդում է Թրենդը, այցի ընթացքում Արազ Ազիմովը բանակցություններ կանցկացնի  Թուրքիայի փոխարտգործնախարարի օգնական Ֆաթիհ Ջեյլանի հետ, և կքննարկի նրա հետ երկկողմ հարաբերությունները, ինչպես նաև ղարաբաղյան հակամարտության կարգավորման շուրջ իրավիճակի զարգացումը:

Տպավորություն է ստեղծվում, թե ՀՀ Ոստիկանությունը`ոստիկանապետ Վլադիմիր Գասպարյանի գլխավորությամբ, Հայաստանի քրեաօլիգարխիկ ռեժիմի ՙպահապան հրեշտակի՚ գործառույթ է ստանձնել, ապրիլի 29-ին մամլո ասուլիսի ժամանակ այդպիսի կարծիք է հայտնել ՀԱԿ խորհրդարանական խմբակցության ղեկավար Լևոն Զուրաբյանը:

ՙՊատժելով ոստիկաններին լրագրողների նկատմամբ բռնության վերջին երկու դեպքի համար`Գասպարյանն ապացուցեց, որ հանցագործություն տեղի է ունեցել: Բայց եթե այն տեղի է ունեցել, ինչու ընդդիմադիր լրագրողին, ՀԱԿ ակտիվիստին ծեծի ենթարկած իրական հանցագործները մինչ այժմ ազատության մեջ են գտնվում`չնայած նրանց անձը հայտնի է՚,-ընդգծել է ՀԱԿ ներկայացուցիչը: Ըստ որում, նա շտապել է ավելացնել, որ Ոստիկանությունն զբաղված է Հայաստանի հանրապետական կուսակցության անդամների հանցագործությունների հետքերը թաքցնելով:

Հիշեցնենք, որ ապրիլի 23-ին Նոր Նորքի 8-րդ զանգվածում բռնության գործադրմամբ խոչընդոտվել է Տարոն Մարգարյանի նախընտրական հանդիպումը լուսաբանող ՙIlur՚ կայքի լրագրող Հակոբ Կարապետյանի նկատմամբ։ Տարոն Մարգարյանի հանդիպման կազմակերպիչները նախ պահանջել են, որ ՙոչ յուրային՚ լրագրողը հեռանա միջոցառման վայրից, ապա հարձակվել են նրա վրա, հարվածներ տեղացել, քաշքշել ու պատռոտել հագուստը։ Լրագրողից խլել են նրա տեսանկարահանող սարքը, ջնջել նկարածը։ Լրագրողը մարմնական վնասվածք է ստացել։ Լրագրողին հարվածողին, այնուամենայնիվ հաջողվել է լուսանկարել. դա Տարոն Մարգարյանի հանդիպման կազմակերպիչն է՝ ՀՀԿ-ից Երեւանի գործող ավագանի եւ ավագանու թեկնածու Արամ Պապայանը։ ՀԱԿ-ը նշում է, որ լրագրողի նկատմամբ բռնության գործադրման ողջ ընթացքում կատարվող ծանր հանցագործությանը անհաղորդ ու անտարբեր հետեւել են քիչ հեռու կանգնած ոստիկանները։ Նշենք, որ օրերս ծեծի էր ենթարկվել ՀԱԿ ևս մեկ ակտիվիստ`Ալիկ Սարգսյանը, ով Երևանի Աջափնյակ համայնքում փորձում էր նախընտրական նյութեր բաժանել:

ՀԱԿ-ը Երևանի քաղաքապետ Տարոն Մարգարյանին մեղադրում է խարդախության և փողերի լվացման համար: Այդ մասին մամուլի ասուլիսում հայտարարել է ՀԱԿ կուսակցության փոխնախագահ, խորհրդարանական խմբակցության ղեկավար Լևոն Զուրաբյանը:

ՙԱյսօր մենք նամակ ենք հղել Հայաստանի գլխավոր դատախազություն, խնդրելով քրեական գործ հարուցել Մարգարյանի նկատմամբ` խարդախության հոդվածով: Հայաստանի իրավապահ մարմիններին խնդում ենք անցկացնել համապատասխան հետաքննություն և պատասխանատվության ենթարկել Երևանի քաղաքապետին՚, - հայտարարել է ՀԱԿ ներկայացուցիչը:

Նա ընդսմին հաղորդել է, որ իրենք ներկայացրել են որոշակի փաստեր, որոնք հիմնված են 2005, 2007 և 2013 թվականներին Մարգարյանի ներկայացրած եկամուտների մասին հայտարարագրերում: Մասնավորապես, նա նկատել է, որ Մարգարյանի ներկայացրած հայտարարագրերի համաձայն, 2005 թվականին, որպես Ավանի համայնքապետ, նա շուրջ 7 մլն 400 հազար դրամ է աշխատել, իսկ 2007 թվականին, նույն հայտարարագրի համաձայն, նա աշխատել է 64 մլն դրամ, 50 հազար դոլար և ձեռք է բերել 80 մլն դրամի թանկարժեք իրեր, և այդ ամենը` 130 հազար աշխատավարձով: ՙԸնդ որում, հենց ինքն էլ նշել է, որ որպես նվեր կամ ժառանգություն ստացած գույք չունի, չունի նաև եկամտի այլ աղբյուրներ: Ավելին, նշել է Զուրաբյանը, Մարգարյանը 2013 թվականին հայտարարագրել է 60 մլն դոլարի գույք, թեև, իրական կանխատեսումներով, նրա գույքը գերազանցում է ավելի քան 10 մլն դոլարը: Նա աշխատել է 115 մլն դրամ, 50 հազար դոլար և 50 հազար եվրո, մի քանի մեքենա, տասնյակ տներ Երևանում և այլն: Այստեղից, պարզ մաթեմատիկական տվյալների շնորհիվ, և հիմնվելով այն բանի վրա, որ կողմնակի եկամուտ չկա, կարելի է փաստել, որ այդ միջոցներն ստացվել են խարդախ ճանապարհով՚, - ընդգծել է Զուրաբյանը:

Նրա ասելով, կան նաև բազմաթիվ վկայություններ, որ մայրաքաղաքի բարեկարգման համար պետական գնումները ՙգնվել են՚ դրանց շուկայական արժեքից մի քանի անգամ ավելի թանկ, այսինքն, խոսքը վերաբերում է մայրաքաղաքի բյուջեի յուրացմանը: Միևնույն ժամանակ նա նշել է, որ ՀԱԿ-ը պատրաքներ չի տածում Գլխավոր դատախազության առնչությամբ, սակայն դա անում է` ցույց տալու համար, որ ՀՀԿ  անդամների հասցեին հնչող մեղադրանքներն անհիմն չեն: ՙՄենք հետևել ենք ՀՀԿ ներկայացուցիչների խորհրդին և դիմել իրավապահ մարմիններին: Հայաստանին հարկավոր են ազնիվ պաշտոնյաներ, այլ ոչ թե գողեր: Այժմ ոչ ոք չի կարող ասել, որ մենք ապացույցներ չունենք: Դրանք ներկայացվել են Գլխավոր դատախազություն, և այժմ այն պետք է կամ ծանրակծիռ հերքում ներկայացնի, կամ համապատասխամ քայլեր ձեռնարկի հանցագործի նկատմամբ՚, - նշել է ՀԱԿ ներկայացուցիչը:

Նա նկատել է, որ, անշուշտ, մինչև Երևանի ավագանու խորհրդի ընտրությունները քիչ ժամանակ է մնացել, և հազիվ թե գլխավոր դատախազությունն այժմ նրանով զբաղվի, սակայն, փոխարենը, Մարգարյանը և ՀՀԿ ներկայացուցիչները բավականաչափ ժամանակ ունեն ժողովրդի առջև հաշիվ տալու համար:

Ավելացնենք, որ Գլխավոր դատախազություն համանման հայցով դիմել է արդեն ՙԲարև, Երևան՚ դաշինքը, որը  նախաձեռնել է ՙԺառանգություն՚ կուսակցության առաջնորդ Րաֆֆի Հովհաննիսյանը:

Այսօր Ավանում քաղաքապետ Տարոն Մարգարյանի հանդիպման ժամանակ լրագրողները նրանից մեկնաբանություն են խնդրել տվյալ հայցերի առչությամբ, ինչին ի պատասխան քաղաքապետը ԶԼՄ-ների ներկայացուցիչներին խորհուրդ է տվել այդ հարցերով դիմել իր մամուլի քարտուղար Շուշան Սարդարյանին: Սակայն նրանից մեկնաբանություն ստանալու ԱրմԻնֆոյի թղթակցի բոլոր փորձերն  անհաջող են անցել: Սարդարյանը զանգերին չի պատասխանել: Ավելի վաղ Տարոն Մարգարյանի նախընտրական շտաբի ղեկավար, խորհրդարանի փոխխոսնակ Էդուարդ Շարմազանովը, մեկնաբանելով ընդդիմության կողմից քաղաքապետին ուղղված այդ մեղադրանքները, ընդդիմադիրներին խորհուրդ էր տվել դիմել իրավապահ մարմիններին` եթե նրանք ունեն քաղաքապետի մեղքի համապատասխան ապացույցներ:

 Մայիսի 5-ին կայանալիք Երևանի Ավագանու խորհրդի ընտրություններում կհաղթի ՙԲարև Երևան՚ դաշինքը, ապրիլի 29-ին մամլո ասուլիսի ժամանակ հայտարարել է ՙԺառանգություն՚ կուսակցության առաջնորդ Րաֆֆի Հովհաննիսյանը:

Նրա խոսքով, ժամանակն է դադարեցնել կուսակցական մանրախնդրությունը և քվեարկել դաշինքի օգտին, որը վեր է կուսակցականությունից: ՙԴա հաղթանակի հասնելու և մեխանիզմ ստեղծելու միակ միջոցն է, ինչը երկրում դրական փոփոխությունների հնարավորություն կտա՚,- ընդգծել է նա: Ըստ որում, նա հավաստիացրել է, որ արդար ընտրությունների անցկացման դեպքում, եթե քաղաքան ուժերից որևէ մեկին չհաջողվի 40+1% ձայն ստանալ, ընդդիմությունն անպայման կհամախմբվի, և Երևանի հաջորդ քաղաքապետն անկուսակցական կլինի: 

 Հայաստանի իշխանություններն առաջիկա հինգ տարին չեն կառավարի, քանի որ չեն վայելում հասարակության աջակցությունը: Այդ մասին ապրիլի 29-ին մամուլի ասուլիսում հայտարարել է ՙՆոր Հայաստան՚ ընդդիմադիր շարժման առաջնորդ Րաֆֆի Հովհաննիսյանը:

ՙՉեմ ուզում կանխատեսել վատթարագույն սցենար, սակայն համոզված եմ, որ նման իրավիճակը չի կարող երկար շարունակվել, կամ մեր երկրը վերջնականապես կդատարկվի, կամ իրավիճակը կբարելավվի՚, - ընդգծել է նա: Ընդ որում քաղաքական գործիչը նշել է, որ ՙՆոր Հայաստան՚ շարժման հետագա քայլերը կախված կլինեն Երևանի ավագանու խորհրդի ընտրություններից հետո ստեղծված իրավիճակից:

Հովհաննիսյանը նաև նկատել է, որ ապրիլի 9-ից հետո Հայաստանի հասարակության շրջանում մնացել է դատարկ տեղ, որը, հայտնի չէ, թե ինչով կլցվի: Նրա ասելով, Հայաստանի մարզեր իր այցերի ընթացքում ինքը նկատել է, որ հասարակության շրջանում ի հայտ է եկել թերասություն և, նույնիսկ, որոշ հիասթափություն: ՙՇատերն սպասում էին հաղթանակի րոպեին, շատերը ցանկանում էին արյունահեղություն, սակայն, բարեբախտաբար, հաջողվեց խուսափել զոհերից: Անշուշտ, ես սխալներ եմ թույլ տվել, սակայն անսխալական մարդ չկա՚, - նշել է Հովհաննիսյանը:

Նա նաև նշել է, թե մտադիր չէ ՙակն ընդ ական՚ պատասխանել այն քաղաքական գործիչներին, որոնք դադարել են աջակցել շարժմանը ապրիլի 9-ից հետո: Միայն համախմբման միջոցով կարելի է երկիրը փրկել, և ես այսօր, ինչպես և միշտ, պատրաստ եմ համագործակցել գրեթե բոլոր քաղաքական ուժերի հետ՚, - հայտարարել է քաղաքական գործիչը: Նա նաև նշել է, թե ուրախ կլինի, եթե Նախախորհրդարանին հաջողվի իր շուրջ համախմբել հասարակությունը և անել այն, ինչ, հնարավոր է, դեռ չի արվել:

ՙՆախախորհրդարանի նախաձեռնողներից մեկը` Ժիրայր Սեֆիլյանը, Ղարաբաղյան պատերազմի հերոս է, և եթե նա կարողանա անել այն, ինչ ես, հնարավոր է, չեմ կարողացել, դա միայն իմ կողմից ողջունելի կլինի՚, - ասել է քաղաքական գործիչը: Հովհաննիսյանը հաղորդել է, որ ՙԲարև, Երևանն՚ ընդդիմության հետ մրցակցության մեջ չի մտնում և պատրաստ է Ազատության հրապարակը զիջել այլ ընդդիմադիր ուժերի հանրահավաքների համար: